APIRIPI 2:9 - Kîrîîkanîro Kîîyerû

⁹ Na gîku i kîo gîatûmire Ngai amûneneithia mûno na amwaa riîtwa rîra rîrî îgweta nkûrûki ya mariîtwa mara mangî monthe.

APIRIPI 2:9 ပူးပေါင်းရင်းမြစ်များ

MATHAYO 11:27

“Ngai Baaba nampete mantû monthe. Gûtirî we aiyî Mwana tatiga Îthe. Na gûtirî we aiyî Îthe tatiga Mwana kana bara Mwana athuuraga akabagwûrîra we.

MATHAYO 28:18

Rîra Yiesû aayire abeera, “Impeetwe wathani bunthe îgûrû na nthîgûrû.

RUKA 10:22

“Ngai Baaba nampete bionthe. Gûtirî we aiyî Mwana tatiga Îthe. Na gûtirî we aiyî Îthe tatiga Mwana, kana bara Mwana athuuraga akabagwûrîra we.”

NJOANA 13:3

Yiesû naiyî Îthe namwete wathani bunthe. Naiyî aumîîte kîrî Ngai na aacookeete wakîrî we.

NJOANA 17:11

Îîndî ntirî nthîgûrû kaîrî, mbûyîîte kîrî woû. Îndî bo bagaatigwa gûkû. Kwoogu, Baaba ûmûtheru, kwa inya ya riîtwa rîaku îra ûmpete bamenyeere kaingo bakaraga barî gîntû kîmwe ta bûra niû na woû tûrî gîntû kîmwe.

NJOANA 17:12

Kagiitaani kara nkaranîîtie na bo, ndarabamenyagîîra kwa inya yaku, îra ûmpete. Indarabakaragia bwega na gûtirî nwa ûmwe wao aûra, tatiga ûra aataarîîtwe akaûra na tene, kaingo *Maandîko Maatheru makaûyûra.

NJOANA 17:5

Na kwoogu îîndî, Baaba, ntîîya ta bûra wantîîyîîte mbere ya ûûmba nthîgûrû.

NGÛGÎ 5:31

Ngai aamwîtithiirie îgûrû amwaiga njaraani yake ya ûrîo, amûtuîkithia Mûnene na Mwonokia kaingo apa antû ba Isiraeri kaanya ga kwîrira na ga kûrekerwa meeyia maao.

AEBEESO 1:10

Na mûbango ûyu ûkaingîka kûrû rîra îgiita rîgaakinya rîongwa, rîra rîagîrîte. Rîru i rîo akaaringanîra biûmbe bionthe amwe ndeni ya Kîrîstû, bira birî gûkû nthîgûrû na bira birî îgûrû.

AKOROSAI 1:18

Kîrîstû n'we kîongo gîa kanica, kanica i mwîrî wake. N'we mwambia. Aariûkire arî wa mbere kaingo eegua arî mûnene wa mantû monthe.

2 ATHESARONIKE 1:12

Gûkari ûgu, bûgaakumia riîtwa rîa Mwathani wetû Yiesû na akabûkumia kûringana na ûtugi bwa Ngai wetû na Mwathani Yiesû Kîrîstû.

AIBIRANIA 1:4

Kwoogu itakwonania Mwana wa Ngai n'we mûnene mûno kîrî araîka, n'ûntû wana kinya riîtwa rîra Ngai aamwîtire rîrî gîtîîyo nkûrûki ya rîao.

AIBIRANIA 1:9

Wendeete wagîru, ûtiendeete ûthûûku. Na i kîo n'ûntû Ngai, Ngai waku, akûthuurîîte, na akwa gîkeno nkûrûki ya bara bangî.”

AIBIRANIA 12:2

Tûraitheeni Yiesû ûra aanjîîrie wîtîgio bwetû. N'we agaatûkinyia mûthia wa bu. Naûmîîrie gîkuû kîra aakuire mûtharabaani, na eetîgîra aagîa îgi rîa gîkuû gîku ta gûtarî bu bwarî oogo, n'ûntû bwa gûkena kûra Ngai aamûkeneetie. Îîndî akari rûteere rwa Ngai rwa ûrîo rwa gîtî kîa ûnene.

AIBIRANIA 2:9

Tûmwonaga arî Yiesû ûra “aatuîkithiirue ûmûniini kîrî araîka kwa îgiita rîîkai,” arî na mwago na gîtîîyo kuumania na gîkuû kîra aakuire bantû a muntû wonthe n'ûntû bwa ûtugi bwa Ngai.

1 PETÛRÛ 3:22

Nyuma ya kûriûka Kîrîstû neetiirie îgûrû. Îîndî akari nthî rûteere rwa ûrîo rwa Ngai. Na gûku îgûrû n'we mûnene wa araîka, mwathani wa mainya monthe.

2 PETÛRÛ 1:17

Ngai Îthe naamûtîîyire na oonania bûra arî mwago ûgana rîra kayû kaumire kîrî we, Ngai ûra arî mwago ûmûnene, kauga, “Ûyû i Mwana wakwa ûra mbendeete, nankenagia mûno.”

3 NJOANA 1:7

Barîthi bakîrutaga ngûgî n'ûntû bwa Kîrîstû na batigwîtîgîîria ûteethio bwa bara batarî eetîgîri.

KÛGWÛRÎRWA 11:15

Mûraîka wa mûgwanja aaringa karumbeeta gaake. Akûringa, ndeegua tûyû twagondoka gûku îgûrû, twauga, “Wathani bwa nthîgûrû îîndî i bwa Mwathani wetû na Kîrîstû mûthuure wake. Akaathana tene na tene.”

KÛGWÛRÎRWA 19:16

Aandîkîîtwe nguoni na kîerooni, ‘Mûnene wa anene na Mwathani wa aathani.’

KÛGWÛRÎRWA 3:21

“Ûra akaûmbana agaakaranîîra naani gîtîîni gîakwa kîa ûnene, ta bûra na niû ndakaranîîre na Baaba gîtîîni gîake kîa ûnene nkûûmbana.

KÛGWÛRÎRWA 5:12

bauga na inya îra nene, “Kagondu kara kaûragirwe ikaagîrîte ga kwonwa karî ûûmbani, ûtonga, ûûme, na kaagîrîte ga gûtîîywa, kûgongwa na gûkumua.”