APIRIPI 2:8 - Kîrîîkanîro Kîîyerû

⁸ Agûtuîka muntû, eenyithia, aathîkîra Ngai mwanka aakua, gîkuû kîra aakuire mûtharabaani.

APIRIPI 2:8 ပူးပေါင်းရင်းမြစ်များ

MATHAYO 17:2

Arutwa babu baaraitha boona Yiesû aanjîîria kûgarûka. Ûthiû bwake bwatua gûkengakenga ta riûa na nguo ciake ciatua gûyica mûno ta werû.

MATHAYO 26:39

Aathiyanga gataaria, eeturania nthî, aaromba atiirithîîtie ûthiû nthî. Auga, “Baaba, weegua bwaûmbîka ruta gîkombe gîkî gîa kûnyamaarua mbere yakwa. Îndî rûtha bûra ûkwenda ti bûra nkwenda.”

MATHAYO 26:42

Yiesû aacooka kûromba kaîrî auga, “Baaba, weegua gûtiûmbîka ndutarutîrwa gîkombe gîkî mbere yakwa na nwa mwanka nkînyue, kwenda gwaku ikûrûthîke.”

RUKA 9:29

Akîrombaga, ûthiû bwake bwagarûka na nguo ciake ciatua gûyica mûno ta rweni.

NJOANA 10:18

Gûtirî we agûntunya uu, i niû nkwenda ningwa. Ndî na watho bwa kuunenkanîra na nkauthûkia kaîrî. I Baaba aambîrîîte ndûthe ûgu.”

NJOANA 14:31

îndî nwa mwanka antû ba nthîgûrû bonthe bamenye atî, imbendeete Baaba na i ntûma ndûthaga bûra bunthe aambîîrîîte ndûthe. “Ncûûni tûthiini tuume aaga.”

NJOANA 15:10

Nkabwendaga weegua bûkaathîkagîra maathana maakwa ta bûra na niû mbathîkagîra maathana ma Baaba, akaambenda.

NJOANA 4:34

Yiesû abeera, “Irio biakwa i kûrûtha kwenda kwa ûra aantûmire, mwanka nthirie ngûgî îra aampeere.

NGÛGÎ 8:33

Aarûthîîrwe mantû ma îgi na ûmma bûtaathingatwa. Gûtirî we auga naiyî nciarwa ciake n'ûntû ntugû ciake cia aaga nthîgûrû iciathirire.”

AROOMA 5:19

Na wata bûra kûrega kwathîka kwa muntû ûmwe gwatûmire Ngai athûkia antû baingî barî eeyia, nwa ta bu kwathîka kwa muntû ûmwe gûgaatûma Ngai athûkia antû baingî barî baagîru.

2 AKORINTHO 8:9

Ibwiyî ûtugi bwa Mwathani wetû Yiesû Kîrîstû. Amwe na kwîgua aarî ûmûtongu eetuîkithiirie nkîa n'ûntû bwenu kaingo abûtongia na ûkîa bwake.

AGARATIA 3:13

Îndî kinya ûkeegua watho ibwatûreeteere kîrumi, Kîrîstû naatûthambiirie kîrumi gîku rîra aarumirwe arî we bantû eetû. Maandîko marîtwîra ûûgû, “Muntû wonthe ûra acuuragua mûtîîni n'ûmûrume i Ngai.”

TITO 2:14

Kîrîstû eerutire n'ûntû bwetû atûkûûra kuuma meeyiani ma mîthemba yonthe, atûtheria twatuîka baake wenka, na atûtuîkithia antû barî na wendo bwa kwenda mantû meega.

AIBIRANIA 12:2

Tûraitheeni Yiesû ûra aanjîîrie wîtîgio bwetû. N'we agaatûkinyia mûthia wa bu. Naûmîîrie gîkuû kîra aakuire mûtharabaani, na eetîgîra aagîa îgi rîa gîkuû gîku ta gûtarî bu bwarî oogo, n'ûntû bwa gûkena kûra Ngai aamûkeneetie. Îîndî akari rûteere rwa Ngai rwa ûrîo rwa gîtî kîa ûnene.

AIBIRANIA 12:4

Kûrûani kûra bûrûaga na meeyia bûtikûrî gûkinyia a kûruta mîoyo yenu.

1 PETÛRÛ 2:24

Kîrîstû naathûkiirie meeyia meetû na mwîrî wake arî we rîra aakuire mûtharabaani kaingo tûkua kîrî meeyia, tûtûûra tûkîrûthaga mantû mara maagîrîte. Bworeetue kuumania na gûtonyangwa kûra Kîrîstû aatonyangirwe.

1 PETÛRÛ 3:18

Kinya Kîrîstû naanyamaariirue aakua rîmwe na rîa mûthia n'ûntû bwa meeyia meetû. Muntû ûmwagîru aakua n'ûntû bwa antû batarî baagîru kaingo abûreeta kîrî Ngai. Aûragirwe arî mwîrîîni wa kîîwîthîre aariûkua arî na mwîrî wa gîîkîrundu.