APIRIPI 2:7 - Kîrîîkanîro Kîîyerû

⁷ Aaciarirwe arî muntû, eetuîkithia gîntû gûtarî, aatuîka mûruti ngûgî.

APIRIPI 2:7 ပူးပေါင်းရင်းမြစ်များ

MATHAYO 12:18

“Ûyû i mûruti ngûgî wakwa ûra nthuurîîte, ûra mbendeete, na nankenagia. Nkamwîkîra Kîrundu wakwa, na agaatûmîîria antû batarî Ayaundi, abamenyithie mantû ma kûgiitîrwa îgamba.

MATHAYO 20:28

ta bûra Mwana wa Muntû ataaya gûtûmîkîrwa. Aayire gûtûmîkîra antû na kûruta mwoyo wake wonokia antû baingî.”

MAARIKO 9:12

Yiesû abeera, “N'ûmma Eriya nwa mwanka aaye mbere oone mantû magûkara bûra maagîrîtwe wîgua makari. Îndî i kî n'ûntû *Maandîko Maatheru maugaga Mwana wa Muntû akanyamaarua mûno na amenwe?

RUKA 22:27

Arîo rî, n'ûû mûnene? N'ûra akaraga meethaani areeterwa irio kana n'ûra abireetaga? Kîrî antû ba nthîgûrû ûra areetagîrwa n'we mûnene. Îndî niû, îîndî tûrî naabi nkari ta mûruti ngûgî wenu.”

NJOANA 1:14

Kiugo gîku i kîo gîatuîkire muntû, aatûûrania amwe naati. Na kuumania na mûkarîre wake itwoonire arî na mwago, mwago wa kîmoomwe kîa Îthe. Aarî na ûtugi bwingî mûno na ûmma bwingî mûno.

AROOMA 1:3

Ntheto îno îmbega îkoneetie Mwana wa Ngai, ta we Mwathani wetû Yiesû Kîrîstû. Aaciarirwe arî muntû rûrîîyooni rwa Ndaundi. Îndî Kîrundu Ûmûtheru noonaniirie Yiesû i Mwana wa Ngai arî na inya ya mwanya kuumania na kûriûka gwake.

AROOMA 15:3

Wana Kîrîstû ataarûthaga mantû mara maamûkenagia arî we. *Maandîko Maatheru maugîîte, “Ûkîrumangwa wana niû ndumanganagîrua naawe.”

AROOMA 15:8

Ga nkûbwîra, Kîrîstû aatuîkire mûruti ngûgî kîrî Ayaundi kwonania Ngai i mwîtîgua mawîraneeni mara eere biûyûûyû biao.

AROOMA 8:3

Watho ibwaremirwe gûtwonokia n'ûntû bwa mûtugo wetû wa wîyia. Îndî Ngai aatûmire Mwana wake eegua arî muntû ta tiû, eeyia, kaingo amûruta arî kîgongwana n'ûntû bwa meeyia meetû na kaingo athiria inya îra maarî kîrî tiû.

2 AKORINTHO 13:4

Wana weegua aambirwe mûtharabaani atarî na inya, n'inya ya Ngai îtûmîîte eegua arî mwoyo. Na wana tiû tûtirî na inya wata Kîrîstû bûra aakari, îndî tûgaatûûrania amwe n'we kwa inya ya Ngai kaingo tûmûtûmîkîra na ngûgî îra tûkûruta n'ûntû bwenu.

2 AKORINTHO 8:9

Ibwiyî ûtugi bwa Mwathani wetû Yiesû Kîrîstû. Amwe na kwîgua aarî ûmûtongu eetuîkithiirie nkîa n'ûntû bwenu kaingo abûtongia na ûkîa bwake.

AGARATIA 4:4

Kagiita kara kaagîrîte gagûkinya, Ngai naatûmire Mwana wake. Aaciarirwe i mûka wathooni bwa Kîîyaundi.

APIRIPI 2:6

Kîrîstû aakari ta Ngai mantûûni monthe. Îndî amwe noogu, eerekeeria na baganeene na Ngai.

AIBIRANIA 12:2

Tûraitheeni Yiesû ûra aanjîîrie wîtîgio bwetû. N'we agaatûkinyia mûthia wa bu. Naûmîîrie gîkuû kîra aakuire mûtharabaani, na eetîgîra aagîa îgi rîa gîkuû gîku ta gûtarî bu bwarî oogo, n'ûntû bwa gûkena kûra Ngai aamûkeneetie. Îîndî akari rûteere rwa Ngai rwa ûrîo rwa gîtî kîa ûnene.

AIBIRANIA 13:3

Ririkanagaani bara barî nceera, taka bûrî amwe na bo ku. Na ririkanagaani bara bakûnyamaara taka bûkûnyamaara na biû.

AIBIRANIA 4:15

Mûthînjîri wetû ûra mûnene namenyaga kûra tûremagîîrwa n'ûntû aragerua na njîra cionthe ta bûra tûgeragua, îndî ateeyia.