APIRIPI 2:6 - Kîrîîkanîro Kîîyerû

⁶ Kîrîstû aakari ta Ngai mantûûni monthe. Îndî amwe noogu, eerekeeria na baganeene na Ngai.

APIRIPI 2:6 ပူးပေါင်းရင်းမြစ်များ

MATHAYO 1:23

“Mwana wa mwarî akaagîa nda aciare kaana ga kaîyî geetwe Imanueri.” (Riîtwa rîru rîgîtaûrwa i ta kuuga ‘Ngai arî amwe naati’.)

NJOANA 1:18

Gûtirî muntû oona Ngai na meetho rî kana rî. Ûra aatûmenyithiirie mantû maake i Mwana wake wa kîmoomwe, ûra atarûmûkanaga na Îthe.

NJOANA 10:30

Niû na Baaba tûrî gîntû kîmwe.”

NJOANA 10:33

Bamwîra, “Tûtikwenda gûkûûraga na maiga n'ûntû bwa ûntû bwa mantû meega mara watwonia. Tûrîenda gûkûûraga na mo n'ûntû bwa kûgwetanîria Ngai na mantû maathûûku. Ûrîenda gûtwonia ûrî Ngai, na woû ûrî muntû tu.”

NJOANA 10:38

Îndî ûkeegua inkwiruta, wana weegua bûtikûmbîtîgia niû, ciîtîgieni îrî cio kaingo bûmenya na bwîtîgia atî Baaba arî ndeni yakwa na naani ndî ndeni yake.”

NJOANA 14:28

Ibwîgîîtue nkîbwîra, ‘Inthiîte, îndî ngaacooka kîrî biû kaîrî.’ Ûkeegua bûmbendeete ibûkena n'ûntû bwa kwîgua nthiîte kîrî Baaba, na Baaba n'we mûnene nkûrûki yakwa

NJOANA 14:9

Yiesû amwîra, “Piripû, kuuma îgiita rîru rîonthe ndakarania naabi, ûtiyî ndî ûû? Muntû arambona aroona Baaba. N'ata îîndî ûkuuganga mbwonie Baaba?

NJOANA 17:5

Na kwoogu îîndî, Baaba, ntîîya ta bûra wantîîyîîte mbere ya ûûmba nthîgûrû.

NJOANA 20:28

Tooma amwîra, “Ûrî Mwathani wakwa na Ngai wakwa!”

NJOANA 5:18

Mîgambo înu ya Yiesû yatûma Ayaundi bathi na mbere nkûrûki gûcûa njîra ya kûmûûraga, na mûno mûno, t'ûntû bwa kûrûtha bûra boonaga bûtaagîrîte kûrûthwa ntugû ya Sabatû, îndî n'ûntû bwa kuuga Ngai n'Îthe, na kuuga ûgu i kwîganaania eeganaanagia na Ngai.

NJOANA 5:23

kaingo antû bonthe batîîya Mwana bûmwe na bûra bamûtîîyaga arî we Îthe. Kwoogu ûra atatîîyaga Mwana, atitîîyaga Îthe ûra aamûtûmire.

AROOMA 9:5

I bo nciarwa cia biûyûûyû. Na tûgîtaraga kîîmuntû, Kîrîstû aumîîte kîrî bo. Ngai ûra aathaga bionthe arookumua tene na tene. Aameni.

2 AKORINTHO 4:4

Bara bateetîgagia batuîkithîîtue ntûngi i ngai ûra aathanaga nthîgûrû, ta we Nkoma. Atûmîîte barega kwona werû bwa ntheto îmbega îgûrû rîa mwago wa Kîrîstû, ûra arî mûbuanaano wa Ngai.

2 AKORINTHO 8:9

Ibwiyî ûtugi bwa Mwathani wetû Yiesû Kîrîstû. Amwe na kwîgua aarî ûmûtongu eetuîkithiirie nkîa n'ûntû bwenu kaingo abûtongia na ûkîa bwake.

1 TIMOTHEO 1:17

We ûra aathanaga, atûûraga tene na tene, ûra atakuyaga kana oonwa na meetho, we ûra arî Ngai wenka akî, aroeyagwa gîtîîyo na ûkumio tene na tene! Aameni.

1 TIMOTHEO 3:16

Na gûtarî kîûria, kîriga kîra tûgwûrîrîtwe gûkonia kîîngai i gîa kûrigaria. “Oonekanire arî na mwîrî ta wa muntû na Kîrundu Ûmûtheru oonania mara aaragia na mara aarûthaga maarî ma mma. Araîka ibaamwonaga. Na athingati baake baatûmîîria mantû maake kîrî antû ba mîgongo yonthe na eetîgua n'antû ba nthîgûrû yonthe. Aathûkua, eetithua îgûrû mwagooni.”

TITO 2:13

tweteereete ntugû îra nthaarime twîrîgîîrîîte. Ntugû înu i rîo tûkoona mwago wa Ngai wetû ûra mûnene na wa Mwonokia wetû Yiesû Kîrîstû.

AIBIRANIA 1:3

Mwana wa Ngai oonanagia mwago wa Îthe na amûtuatîîtie kûrû. N'we atûmaga bionthe bithi na mbere kwîgua birî oogo kwa inya ya kiugo gîake. Nyuma ya kwîruta atûthambia meeyia meetû, eetiirie îgûrû aakara nthî rûteere rwa ûrîo rwa Ngai ûra arî mûnene mûno.

AIBIRANIA 1:6

Na kaîrî rîra Ngai agaatûma Mwana wake wa mbere nthîgûrû, augîîte, “Araîka bonthe ba Ngai ibamûgonge.”

AIBIRANIA 1:8

Îndî îgûrû rîa Mwana, Ngai augîîte, “Wathani bwaku, woû Ngai, bûtikooro bûthira rî kana rî. Wathanaga ûgîtûmagîra ûmma.

AIBIRANIA 13:8

Yiesû Kîrîstû akari bûmwe rîonthe, îgoro, îmunthî, mwanka gûtarî rîo.

KÛGWÛRÎRWA 21:6

Aambîîra, “N'ûgu îîndî. I niû Alfa na Omega, Mwanjîîrio na Mûthia. Ûra arî na bûûta, eenda nkamûkuundia rûûyî rwa kînyaka kîa mwoyo, gûtarî kîo akûûrua,