APIRIPI 2:30 - Kîrîîkanîro Kîîyerû

³⁰ Bûbatîîrue bûtîîya Epabironditas n'ûntû araarî akubî gûkuîra ngûgîîni ya Kîrîstû. Areebîkîrîte ûgwatiini bwa gîkuû kaingo anteethia. Na gûnteethia kûra aranteethiirie i kûra bwagîrîtwe bûnteethia.

APIRIPI 2:30 ပူးပေါင်းရင်းမြစ်များ

NGÛGÎ 20:24

Ntionaga mwoyo wakwa ûrî gîtûmi. Îromba rîakwa i nthirie ngûgî îra Mwathani Yiesû aampeere nduta, ntûmîîrie ntheto îmbega ya ûtugi bwa Ngai.

AROOMA 16:4

Bareethûngîria ûgwatiini bwa gîkuû n'ûntû bwakwa. Na ti niû ninka ncookagia nkaatho n'ûntû bwao. Wana kinya makanica monthe ma bara batarî Ayaundi i bacookagia nkaatho n'ûntû bwao.

1 AKORINTHO 15:53

Kîra kîoraga nwa mwanka kîgarûrwe gîtuîke kîra gîtakîora. Na kîra gîkuyaga nwa mwanka kîgarûrwe gîtuîke kîra gîtakuyaga.

1 AKORINTHO 16:10

Timotheo akaaya kûûya naagu bwone bûkûmûgwata ûgeni bwega aaganîrwa kwîgua arî amwe naabi, n'ûntû i Mwathani akûrutîra ngûgî ta bûra na niû nkûmûrutîra.

1 AKORINTHO 16:17

Inkeneete mûno n'ûntû Stebanas, Botunatas, na Akaikas ibarakinyire. I bo baingîîte kaanya keenu.

2 AKORINTHO 12:15

Kwoogu ingûkeneera kûbwaa bionthe wana niû mwene. N'ûntû inkûbwenda mûno i ntûma bûkûmbenda bûkai kana?

2 AKORINTHO 4:12

Kwoogu twîgagua tûrî ûgwatiini bwa gîkuû kaingo bwona mwoyo.

APIRIPI 2:17

Na wana kinya ûkeegua inkwîrwa mbûragwe mbûyûrîîrie kîgongwana kîa ngûgî yenu kîra bûrutagîra Ngai n'ûntû bwa wîtîgio bwenu nwa nkene. Na kwoogu ingûkeneera bûgîkeneera bwinthe.

APIRIPI 2:27

I mma we naraayîîtue mûno, akubî akua. I Ngai aramwîgiirue kîao. Îndî t'we wenka, wana niû Ngai narambîgiirue kîao kaingo ntagwatwa i kîîthikîîro, n'ûntû agîkuire nkîgwatwa i kîîthikîîro kîînene.

APIRIPI 4:10

Mwathani natûmîîte nkena mûno n'ûntû bwa bûra bûcookeete gûnteethia kaîrî. Imbiyî gûtirî rîo bwandiganîrua, îndî bantû a kagiita kagana ûna bûtaarî na kaanya ga kûmbonia bûtindiganîrîtue.

APIRIPI 4:18

Îîndî ndî na bia kûgana na biakûrûkîîria! Ndî ûmûganîre mûno nkûrûki i biewa bira bwanenkeere Epabironditas aandeetera. Biewa bienu bikari ta kîgongwana kîrî mûcinko ûrî mûrîo, kîra Ngai eetîgîîrîîtie na gîkûmûkenia.

PIREMONI 1:13

Nkîenda gûkara n'we agînteethagîîria bantû aaku îîndî ndî nceera n'ûntû bwa ntheto îmbega,

KÛGWÛRÎRWA 12:11

Aruayia na aarayia baramûcindire kwa inya ya nthakame ya Kagondu na gûtûmîîria ûmma. Batiramakagîra mîoyo yao. Batigîkuthûka gûkua.