APIRIPI 2:3 - Kîrîîkanîro Kîîyerû

³ Bûtikaarûthe ûntû na rûriitho kana wîkumia. Muntû nenyiagie kîrî ûra ûngî, na nathûkagie bara bangî ta bo barî gîtûmi nkûrûki yake.

APIRIPI 2:3 ပူးပေါင်းရင်းမြစ်များ

RUKA 18:14

“Ga nkûbwîra, mûrûngithia ûgooti eenûkire arî îthaabuuni rîa antû bara baagîru kîrî Ngai nkûrûki ya Mûbarisai ûyu, n'ûntû muntû ûra akeeneneithia nakaanyithua. Na ûra akeenyithia akaaneneithua.”

AROOMA 12:10

Endanagaani ta antû ba mûciî ûmwe. Tîîyagaani bara bangî nkûrûki ya bûra bwîtîîyaga.

AROOMA 13:13

Tûtûûrageeni bûra tûbatîîrue tûtûûra tûrî antû ba mûthenya. Tûtiagîrîtwe tûthiyaga biathooni birî na mantû maathûûku, kana tûtuîka atogooni. Tûtibatîîrue tûrûtha wîyia bwa ûmaramari nwa bûrîkû, kana tûthetania, kana twîgagua antû bara bangî rûriitho.

AROOMA 2:8

Îndî bara beenganaga na mantû maao na barûthaga mantû maathûûku bantû a barûthaga bûra bûrî bwa mma, Ngai akaboonia bûra mûthûûro wake kîrî bo ûgana.

1 AKORINTHO 15:9

I niû mûniini kîrî atûmwa bara bangî. Ntiagîrîtwe wa gwîtwa mûtûmwa n'ûntû indanyamaaragia antû ba kanica ya Ngai.

1 AKORINTHO 3:3

n'ûntû bûtongoragua kûrûtha mantû i mawîrirîîria ma kîîmwîrî. Bûkaraga bûkîîganagua rûriitho, bûkîthetanagia na kwathûkana gatîgatî keenu. Gûku ti kwonania bûtirî ba gîîkîrundu na bûrûthaga mantû ma kîîmuntû?

2 AKORINTHO 12:20

Inkwîrîgîîra rîra nkaaya nkeethîra bûkari bûra mbenda bwîgua bûkari, na naabi bûkoona nkari bûra bwenda mbîgua nkari. Ntikwîrîgîîra mbîthîra bûgîkararanagia, bûkîîganagua rûriitho, bûthûûreene, bûthetaanîîtie, bûkîrumanaga, bûkîguutanaga, bûrî eekumia kana bûkîîngagîîra antû bagaûkia gîtuma.

AGARATIA 5:15

Bûgatua kûrûa bûrî bwingwa ta nyamû cia kîthaka ibûkeethûûkia bwingwa.

AGARATIA 5:26

Tûtigeekumagie, tûtigaacûanîre ûgîti, na tûtikeeganague rûriitho.

AEBEESO 4:2

Rîonthe îgaguani bwînyiîtie na bûrî abooreeri. Bûtikeegue bûrî antû ba mûthûûro. Onanagiani wendo kîrî bara bangî, kinya bara babûbîtagîria.

AEBEESO 5:21

Woora muntû neenyithagie kîrî ûra ûngî n'ûntû bwa gûtîîya Kîrîstû.

APIRIPI 2:14

Rûthagaani mantû monthe bûtakûnung'una kana bûtagûkararia,

AKOROSAI 3:12

Biû bûrî antû ba Ngai bara aathuurire. Bûrî baatheru na bûrî eendwa baake. Kwoogu îgaguani bûrî na nkoro cia kwîganagîîrua kîao. Îgaguani bûrî antû ba kûrûthaga mantû meega na ba kwînyithia, bûrî antû ba ûkiri na bûkîûmagîîria mantû.

AKOROSAI 3:8

Îndî îîndî bûtibatîîrue bûthûûra, kana bwîgua bûrî antû ba marûrû, kana bûrûtha ûthûûku, kana bûrumana kana bwaria mantû ma nthoni.

1 TIMOTHEO 6:4

ûyu i mwîkumia na gûtirî bu aiyî. Muntû ta ûyu arî mûtugo ûtarî mwega wa kwendaga warîonthe gûkaraga agîturanagia mbaara na kûthetanagia na antû îgûrû rîa mîgambo. Na kwoogu akareeteera antû rûriitho, matheta, irumi, kûthûgaanagîria muntû ûra ûngî neeyîîtie na ateeyîîtie,

1 PETÛRÛ 3:8

Na bûngî na bu bwa mûthia, i kîrî bwinthe. Na bu n'atî, îgaguani bûrî na yerekeeria rîmwe, bûkîîganagua na bûkîendanaga ta muntû na mûruagina kana mwaragina ndeni ya Kîrîstû. Îganaguani kîao. Na muntû neenyithagie kîrî ûra ûngî.

1 PETÛRÛ 5:5

Na biû naabi, aana beethî, înyithagieni kîrî akûrû. Bwinthe bûbatîîrue wamuntû eenyithagia kîrî ûra ûngî, n'ûntû *Maandîko Maatheru maugîîte, “Ngai atigwatanagîra na eekumia, eeyaga ûtugi bara beenyithagia.”