APIRIPI 2:2 - Kîrîîkanîro Kîîyerû

² Na n'ûntû i bu kûrî, tûmagaani nkenaga mûno na kwîgagua bûrî na mathûgaanio mamwe, wendo bûmwe, na bûgwatanîrîte meerekeeriani meenu.

APIRIPI 2:2 ပူးပေါင်းရင်းမြစ်များ

NJOANA 3:29

Mwiki eegagua arî wa mûgûrani, îndî mûbarûngamîîri, ûra ngûgî yake îrî kûrûngama na kûthikîîria, nakenaga mûno eegua bûra mûgûrani akuuga. Wata ûgu naani i kîo gîtûmîîte mbîgua nkeneete kûthiria.

NGÛGÎ 1:14

Atûmwa babu beethîranaga gûku ngorobaani rîonthe bakaromba barî amwe bonthe. Kinya eekûrû bamwe ta Maria gina wa Yiesû na aruagina ba Yiesû ibeegagua barî oogo.

NGÛGÎ 2:1

Ntugû ya *Pentekosti îgûkinya, eetîgîri bonthe i beethîreene amwe.

NGÛGÎ 2:46

Baarîîkanaga nyomba ya Ngai wakîra ntugû. Baarîyanagîra mûgaate amwe mîciî mwanya mwanya, bagîcookagia nkaatho cia mma bakeneete n'ûntû bwa Ngai kûbaa irio.

NGÛGÎ 5:12

Atûmwa baaringa biama biingî na boonania magegania maingî kîrî antû. Eetîgîri bonthe baarîîkanaga nyomba ya Ngai, rwembeani rwa Soromoni.

AROOMA 12:16

Tûûranagiani na ngwatanîro na bara bangî bacienu. Bûtigeekumagie, îgwatanagîraani na bara beenyiagia. Bûtikeethûkagie bûrî baûgî nkûrûki ya bûra bûrî.

1 AKORINTHO 1:10

Aruayia na aarayia, kwa riîtwa rîa Mwathani wetû Yiesû Kîrîstû ndîbwîra bûgwatanagîre bwinthe bûtakwathûkana. Karagaani bûrî gîntû kîmwe, bûrî na meeciiria mamwe na mworooto ûmwe.

2 AKORINTHO 13:11

Nkîthiria, aruayia na aarayia, ka mbwîreeni bûtigwe bwega. Cûûgiani na inya bwone bûgûtuîka eetîgîri agima. Rûthagaani ûgu mbûrîîtie bûrûthage. Îgaguani bûrî na meeciiria mamwe na tûûranagiani na ûkiri. Rîru i rîo Ngai ûra arî wendo na ûkiri akeegua arî amwe naabi.

2 AKORINTHO 2:3

Gîku i kîo gîatûmire mbwandîkîra baarûa îra. Nteendaga kûûya ngwatithua kîeba i bara babatîîrue baankenia. Ndî na mma rîra nkenaga wana biû bwinthe ibûkenaga.

2 AKORINTHO 7:7

Kûmûûmîîria kûra bwamûûmîîrie kinya ku igwatûûmîîrie. Naatwîrire i bûkwenda kûmbona mûno na bûrî na kîeba n'ûntû bwa bûra gwakarîkire. Na kinya naatwîrire bûra bûrî na mwoyo wa kwenda gûnteethia ndeegua ndakena mûno.

APIRIPI 1:4

Na rîonthe rîra mbûrombagîra, mbûrombagîra bwinthe nkeneete,

APIRIPI 2:16

Gwataani ntheto îra yeyaga antû mwoyo bûmiitie kaingo mbûkeneera ntugû îra Kîrîstû agaacooka. Bûbu i bu bûkoonania ngûgî îra ndutîîte kîrî biû t'ya mana.

APIRIPI 2:20

Gûtirî muntû ûngî kîrî bara ndî na bo abûthûgaanagîria ta Timotheo.

APIRIPI 4:2

Ndeenda eekûrû babu baîrî, Euondia na Sintike beeganua n'ûntû i ba Mwathani.

AKOROSAI 2:5

Wana weegua ntirî akubî naabi tûrî amwe gîînkoro. Na inkenaga rîra mbîgagua mûkarîre wenu n'ûmwega na atî wîtîgio bwenu kîrî Kîrîstû i bûûriku.

2 ATHESARONIKE 2:13

Aruayia na aarayia bara bwendeetwe i Ngai, tûbatîîrue tûcookagîria Ngai nkaatho rîonthe n'ûntû bwenu. Aabûthuurire kuuma kîambîrîria kaingo bwonokua kwa inya ya Kîrundu ûra abûtuîkithagia baatheru na n'ûntû bwa gwîtîgia ûmma.

2 TIMOTHEO 1:4

Indirikanaga meethori mara weetûûrire. Na i kîo gîtûmaga mbîrîgîîra mûno gûkwona kaîrî, mbûyûrwa i gîkeno.

PIREMONI 1:20

Kwoogu, mûruayia, ndîenda ûndûthîra ûntû bwega ndeni ya Mwathani. Îkîra nkoro yakwa wîru ndeni ya Kîrîstû.

2 NJOANA 1:4

Indakenire mûno rîra ndamenyire aana bamwe baaku ibatûûraga ûmmaani ta bûra yathana rîra tweerwe i Baaba riugîîte.

3 NJOANA 1:4

Ntiona gîkeno kîngî gîkûrûkîîte bûra nkwîgua aana baakwa batûûraga ûmmaani.