APIRIPI 2:19 - Kîrîîkanîro Kîîyerû

¹⁹ Weegua i kwenda kwa Mwathani Yiesû, inkwîrîgîîra gûtûma Timotheo kîrî biû nyuma ya îgiita rîtarî rîraaya kaingo ndamenya bûra bûrî ngîa wîru.

APIRIPI 2:19 ပူးပေါင်းရင်းမြစ်များ

MATHAYO 12:21

na antû bara batarî Ayaundi beerîgagîîre riîtwa rîake.”

NGÛGÎ 16:1

Paûrû baathi taûni ya Ndabi. Bauma agu baathi Rîstira, beethîra mwîtîgîri eetagwa Timotheo. Gina aarî mwîtîgîri Mûyaundi, na îthe aarî Mûngiriki.

AROOMA 15:12

Na kîroria Isaaya n'we augîîte, “Ûmwe wa kuuma kîrî rûrîîyo rwa Njesii akaaya. Akaaya kwatha bara batarî Ayaundi, n'we bakeerîgîîra.”

AROOMA 16:21

Bûgûkeethua i Timotheo ûra tûrutaga n'we ngûgî. Na kaîrî bûgûkeethia i Rukias, Njasoni, na Sospita, Ayaundi ta niû.

1 AKORINTHO 4:17

Gîku i kîo gîgûtûma ntûma kîrî biû mwana wakwa ûra mbendeete mûno na mwîtîgua ndeni ya Mwathani, ta we Timotheo. Akabûririkania bûra mûkarîre wakwa ûkari ndeni ya Kîrîstû, ta bûra ncurutanaga makanicaani monthe gûntû kunthe.

AEBEESO 1:13

Kinya biû ibwagwatire ntheto ya mma, ntheto îmbega îra îbwonokagia. Rîra bwetîgiirie Kîrîstû, Ngai noonaniirie na mma bûrî baake na njîra ya kûbwaa Kîrundu Ûmûtheru kûringana na wîrane bwake.

APIRIPI 1:1

I tiû Paûrû na Timotheo tûkûbwandîkîra baarûa îno, tûrî aruti ngûgî ba Yiesû Kîrîstû. Tûrîbwandîkîra biû antû ba Ngai bûrî Piripi, atongoria beenu na ateetheeria bara bûrî ndeni ya Kîrîstû Yiesû.

APIRIPI 2:18

Na bûbatîîrue bûkena n'ûntû bwa bu amwe naani.

APIRIPI 2:28

Kwoogu ndîenda mûno acooka kîrî biû bûmwona kaingo bûkena, na niû naani ntiga gûtangîka i bûra nkûmenya ibûkûthûgaania bûtamwene.

1 ATHESARONIKE 3:2

twatûma Timotheo, mûruayia ndeni ya Mwathani na mûruti ngûgî ya Ngai, ûra tûtambagia n'we ntheto îmbega ya Kîrîstû. Na twamûtûmire abûûmîîria wîtîgioni bwenu na abwîkîra wîru.

1 ATHESARONIKE 3:5

Kwoogu ngûkinyia bantû ndeegua ntiûmîîria nkûrûki, i rîo ndatûmire Timotheo aaya kûmenya bûra bûrî kîîwîtîgio. Indakuthûkaga wîgua Nkoma aabûthûngîîrie magerioni ngûgî yetû îtuîka ya ûtheri.

2 ATHESARONIKE 1:3

Rîonthe itûbatîîrue tûcookagîria Ngai nkaatho n'ûntû bwenu, biû aruayia na aarayia. Na ûgu i bu kwagîrîte n'ûntû bwa bûra wîtîgio bwenu bûthiîte bûkîongeerekaga, na n'ûntû bwa bûra wendo bwa wakîra ûmwe wacienu kîrî muntû ûra ûngî bwongeerekeete.

2 TIMOTHEO 1:12

Na i kîo gîgûtûma nnyamaarua ûûgû. Îndî amwe na ûgu ntikwîgua îgi n'ûntû inkûmenya ûra mbîtîgîîtie na imbiyî na mma arî na inya ya kûmenyeera bwega kîewa gîa ntûmwa ya ntheto îmbega kîra ampeere mwanka ntugû ya mûthia buru.

NJAKUBU 4:15

Bûbatîîrue buuga ûûgû, “Mwathani eenda tûgaatûûra na tûrûthe ûûgû na ûûgû.”

1 PETÛRÛ 1:21

Bwîtîgîîtie Ngai gûkûrûkîîra kîrî Kîrîstû. Ngai aamûriûkiirie amwaa mwago. Kwoogu wîtîgio bwenu na wîrîgîîro bwenu bûrî kîrî Ngai.