APIRIPI 2:17 - Kîrîîkanîro Kîîyerû

¹⁷ Na wana kinya ûkeegua inkwîrwa mbûragwe mbûyûrîîrie kîgongwana kîa ngûgî yenu kîra bûrutagîra Ngai n'ûntû bwa wîtîgio bwenu nwa nkene. Na kwoogu ingûkeneera bûgîkeneera bwinthe.

APIRIPI 2:17 ပူးပေါင်းရင်းမြစ်များ

NGÛGÎ 20:24

Ntionaga mwoyo wakwa ûrî gîtûmi. Îromba rîakwa i nthirie ngûgî îra Mwathani Yiesû aampeere nduta, ntûmîîrie ntheto îmbega ya ûtugi bwa Ngai.

NGÛGÎ 21:13

Paûrû atwîra, “Ibûkûndîthia kîeba bûkîndîrîra! Indîthuuranîrîte gûkuîra Njerusaremu n'ûntû bwa Mwathani Yiesû, tatiga kûthaîkwa akî.”

AROOMA 12:1

Kwoogu, aruayia na aarayia, n'ûntû bwa kîao kîa Ngai, inkûbûûria bwînenkanîre kîrî Ngai bûrî igongwana bîri mwoyo. Mûtûûrîre wenu nwîgue ûrî mûtûûrîre ûmûtheru na ûkûmûkenia. Înu n'yo njîra ya kûmûtûmîkîra bûra kwagîrîte.

AROOMA 15:16

ya kwîgua ndî mûruti ngûgî wa Yiesû Kîrîstû kîrî bara batarî Ayaundi. Ndutaga ngûgî ta ya mûthînjîri wa Ngai. Mbarutanaga ntheto îmbega ya Ngai, kaingo beegua barî ta kîgongwana kîthereetue i Kîrundu Ûmûtheru, kîra Ngai aûmba gwîtîgîîria.

2 AKORINTHO 12:15

Kwoogu ingûkeneera kûbwaa bionthe wana niû mwene. N'ûntû inkûbwenda mûno i ntûma bûkûmbenda bûkai kana?

2 AKORINTHO 4:12

Kwoogu twîgagua tûrî ûgwatiini bwa gîkuû kaingo bwona mwoyo.

2 AKORINTHO 6:10

Tûrî na kîeba, îndî rîonthe itûkenaga. Tûrî nkîa, îndî itûtûmîîte baingî baatonga wîtîgio. Gûtirî kîo tûrî, îndî ûmma n'atî bionthe i bietû.

2 AKORINTHO 7:4

Inkûbwîtîgia mûno na nwa ndîkumîrie biû. Ibûmbûmagîîria mûno nkeegua nkeneete mûno mathîînaani mara monthe tûrî na mo.

APIRIPI 1:20

Ndî na wîrîgîîro bûûnene mûno atî, kîrî bûra bunthe ndûthaga, gûtirî rîo nkaarûtha ûntû bwa kûmbîkîra nthoni. Na ûgu i bu nkaraga mbîrîgîîrîîte. Wîrîgîîro bwakwa n'atî, ngaakaraga na ûcamba bwingî mûno îîndî na magiita monthe, mbonanagie na mantû mara ndûthaga bûra Kîrîstû arî ûmûnene, nwîgue ingaatûûra mwoyo kana inkaûragwa.

APIRIPI 2:18

Na bûbatîîrue bûkena n'ûntû bwa bu amwe naani.

APIRIPI 2:30

Bûbatîîrue bûtîîya Epabironditas n'ûntû araarî akubî gûkuîra ngûgîîni ya Kîrîstû. Areebîkîrîte ûgwatiini bwa gîkuû kaingo anteethia. Na gûnteethia kûra aranteethiirie i kûra bwagîrîtwe bûnteethia.

APIRIPI 4:18

Îîndî ndî na bia kûgana na biakûrûkîîria! Ndî ûmûganîre mûno nkûrûki i biewa bira bwanenkeere Epabironditas aandeetera. Biewa bienu bikari ta kîgongwana kîrî mûcinko ûrî mûrîo, kîra Ngai eetîgîîrîîtie na gîkûmûkenia.

AKOROSAI 1:24

Inkeneete i bûra nnyamaaraga n'ûntû bwenu nkîûyûrîîria kûnyamaara kûra mwîrî wa Kîrîstû ûbatîîrue ûnyamaara kinya îîndî. Mwîrî wa Kîrîstû i kanica. Na mathîîna mama mwîrî wakwa wonaga, wonaga mo n'ûntû bwa kanica.

1 ATHESARONIKE 2:8

N'ûntû itwabwendeete mûno, i kîo n'ûntû twaranagîria naabi mantû ma ntheto îmbega ya Ngai tûkeneete. Na nkûrûki ya ûgu, tweeruta twingwa kûbûtûmîkîra.

2 TIMOTHEO 4:6

Aakwa niû kagiita i ta gaakinyu gakûrutwa kîgongwana nkue mbûtige,

1 PETÛRÛ 2:5

Wana biû bûrî maiga marî mwoyo. Ngai arîbûtûmîra gwaka nyomba întheru ya gîîkîrundu. Gûku nyomba înu i ku bûkaamûgongagîra na i ku bûkaamûrutagîra ngûgî bûrî athînjîri baake baatheru. Bûkaamûrutagîra igongwana bia gîîkîrundu gûkûrûkîîra kîrî Yiesû Kîrîstû akabiîtîgîîria.

1 NJOANA 3:16

Kwîruta kwa Yiesû na gûkua n'ûntû bwetû i ku gûtwonagia bûra wendo bûkari. Wana tiû itwagîrîtwe gûkua n'ûntû bwa eetîgîri bara bangî.