APIRIPI 2:16 - Kîrîîkanîro Kîîyerû

¹⁶ Gwataani ntheto îra yeyaga antû mwoyo bûmiitie kaingo mbûkeneera ntugû îra Kîrîstû agaacooka. Bûbu i bu bûkoonania ngûgî îra ndutîîte kîrî biû t'ya mana.

APIRIPI 2:16 ပူးပေါင်းရင်းမြစ်များ

MATHAYO 10:27

Mara nkaabwîra kûrî ûtugû, îraani antû mo kûrî mûthenya. Na mara nkaabwîra na kîoye, bûtwe mîtîîni kûra îgûrû buugîîrie antû beegue.

RUKA 12:8

Yiesû aacooka auga, “Na ga nkûbwîra, ûra agaankûûyîîra kîrî antû, wana niû, Mwana wa Muntû, nkamûkûûyîîra kîrî araîka ba Ngai.

NJOANA 6:63

I Kîrundu wa Ngai eeyanaga mwoyo. Muntû n'wa ûtheri. Mîgambo înu bweegua ndabwîra n'ya gîîkîrundu na n'yo mwoyo.

NJOANA 6:68

Simioni Petûrû amwîra, “Mwathani, îîndî tûgûtiga tûkathi kîrî ûû ûngî, na i woû ûrî na mîgambo ya mwoyo wa tene na tene?

NGÛGÎ 13:26

“Antû beetû, tiû rûciaro rwa Îburaîmu, na bara bûtarî Ayaundi bûkuthûkaga Ngai, ntûmwa îno ya wonokio îtûmîîtwe kîrî tiû.

1 AKORINTHO 1:8

Ngai agaatûma bûkaraga bûrikîîte mwanka ntugû ya mûthia, kaingo bwîgua bûrî na riîtwa rîega rîra Mwathani wetû Yiesû Kîrîstû akaaya kaîrî.

1 AKORINTHO 9:26

Gîku i kîo gîtûmaga mbugia ntarîîte mbere ntheri nkinyîîra rûrigi. I kîo kaîrî gîtûmaga ndingana nkundi ta bara batabîtagia.

AGARATIA 2:2

Kûthi gwakwa kwarî n'ûntû bwa bûra Ngai angwûrîrîte ambonia nthi. Nkûthi twonanire na bara baataragwa barî atongoria bonka, ndabataranîria bwega ntheto îra ntûmagîîria bara batarî Ayaundi. Na gîtûmi gîa kûrûtha ûgu ga nteendaga gûtuîka i ngûgî ya ûtheri ndarutaga.

AGARATIA 4:11

Bûmmakîîtie mûno n'ûntû waûmba kwîgua ngûgî îra yonthe ndutîîte n'ûntû bwenu îraarî ya ûtheri!

APIRIPI 1:10

na bûmenye kûthuura bûrûthage mantû mara meega kîrî monthe. Rîru i rîo bûgaatuîka antû baatheru, na batarî na mabîtia mwanka rîra Kîrîstû agaacooka.

APIRIPI 1:6

Ngûgî îra Ngai aanjîîrie ndeni yenu i ngûgî îmbega. Na ndî na mma Ngai akaathi na mbere n'yo mwanka îthire, rîra Kîrîstû agaacooka.

1 ATHESARONIKE 2:19

Ibûtûmaga twîgua tûrî na wîrîgîîro na gîkeno. Na n'ûntû bwenu tûgaakena tûrî mbere ya Mwathani wetû Yiesû Kîrîstû rîra agaacooka. Gûtirî bangî, nwa biû.

1 ATHESARONIKE 3:5

Kwoogu ngûkinyia bantû ndeegua ntiûmîîria nkûrûki, i rîo ndatûmire Timotheo aaya kûmenya bûra bûrî kîîwîtîgio. Indakuthûkaga wîgua Nkoma aabûthûngîîrie magerioni ngûgî yetû îtuîka ya ûtheri.

AIBIRANIA 4:12

Kiugo kîa Ngai i ta gîntû kîrî mwoyo na kîrî inya. Ûûgî bwa kîo i nkûrûki ya bwa rûyiû rwa gûtema na mbarî irî ciîrî. Gîtûtemaga gîgakinyîîra mwoyo na nkoro gîkoonania bûra mawîrîîria na mathûgaanio ma nkoro cietû makari, ta bûra rûyiû rûûmba gûtema mîndî rûgakinyîîra ûthuumo.

1 PETÛRÛ 1:23

n'ûntû ibûciarîîtwe îciarwa rîa maîrî. Na mwoyo ûra bûrî na uu îîndî ûtiumanîîtie na gîntû kîûmba gûkua. Uumîîte kîrî gîntû gîtakua. Na kîo i kiugo kîa Ngai kîra gîtûûraga na gîtathira rî kana rî.

1 NJOANA 1:1

Tûbwandîkîrîte tûkîenda kûbûmenyithia mantû ma ûra aarî oogo kuuma kîambîrîria, ûra twîgîîtue, twamûkûnîîra meetho, na njara cietû ciamûtongithia, ta we kiugo kîa mwoyo ûra tûkûbûtûmîîria.

KÛGWÛRÎRWA 22:17

“Kîrundu na mwiki bariuga, ‘Ncû!’ Na ûra akeegua ûgu n'we nauge ‘Ncû!’ Ûra arî na bûûta naaye. Ûra akwenda nanyue rûûyî rwa mwoyo, kîewa kîa ûtheri.