APIRIPI 2:15 - Kîrîîkanîro Kîîyerû

¹⁵ kaingo bûtuîka aana ba Ngai baatheru batarî na mabîtia. Bûtûûraga na antû batarûthaga bûra kwagîrîte, antû ba meeyia. Werû bwa mûkarîre wenu ûbathararagîra ta bûra werû bûthararaga mwinduuni.

APIRIPI 2:15 ပူးပေါင်းရင်းမြစ်များ

MATHAYO 10:16

Yiesû eera arûtwa baake, “Ndabûtûma bûrî ta ng'ondu gûntû kûrî ncûûgi. Kwoogu karagaani bwîmenyeereete bûrî na ûûme ta kayûgû na ûkiri ta îcea.

MATHAYO 17:17

Yiesû auga, “Biû bûrî nthuke înthûûku, îtarî wîtîgio. I mwanka rî ngaakarania naabi? Na nkaabwinyîkîria mwanka rî? Ndeeteraani kaana gaku.”

MATHAYO 5:45

Bûkarûtha ûgu i rîo bûgaatuîka aana ba Abaagu ûra arî îgûrû, n'ûntû we n'we atûmaga riûa rîake rîthararîra baathûûku na beega na akaurithîria mbura bara barûthaga bûra kwagîrîte na bara batarûthaga bûra kwagîrîte.

MATHAYO 5:48

Nwa mwanka bûtuîke baagîru ta bûra Abaagu ûra arî îgûrû arî ûmwagîru.”

RUKA 1:6

Barî baîrî, baarî antû baatheru nkoro kîrî Ngai na ibaathîkagîra mawatho na maathana maake monthe.

RUKA 6:35

Endagaani anthû beenu na barûthagîreeni bwega. Koobithanagiani bûtakwîrîgîîra kûrîgwa, na kîewa kîenu ûkeegua kîrî kîînene. Bûgaatuîka aana ba ûra arî îgûrû mûno. We n'ûmwega kîrî bara batarî nkaatho na bara bathûûku.

NJOANA 5:35

Njoana aarî ta taa îra yaankanaga îkatharara. Na kûrî kagiita bwonaniirie ibwakeneere werû bwake.

NGÛGÎ 2:40

Petûrû aathi na mbere kûbakinyîîria na mîgambo îngî îmingî. Abeera, “Onokaani bûrekane na mantû maathûûku ma ntugû ino!”

NGÛGÎ 20:30

Na kinya kîrî biû ûkeegua kûrî na antû bakaaragia ûrongo bakîenda kweneeria eetîgîri batuîka athingati baao.

AROOMA 16:19

Gûtirî we ataiyî biû ibwathîkagîra Mwathani. Na gîku i kîo bûnkenagia na kîo. Ndîenda bwîgua bûrî na ûûme bwa mantû mara meega, gûtarî ûntû bûûthûûku bûkûmenya.

1 AKORINTHO 1:8

Ngai agaatûma bûkaraga bûrikîîte mwanka ntugû ya mûthia, kaingo bwîgua bûrî na riîtwa rîega rîra Mwathani wetû Yiesû Kîrîstû akaaya kaîrî.

2 AKORINTHO 6:17

“Kwoogu Mwathani ariuga, ‘Umaani kîrî bo, bwîbathûre. Weegua bûtiitonga gîntû kîrî na mûgiro, nkabwîtîgîra.’ ”

AEBEESO 5:27

Na gîtûmi gîake kûrûtha ûgu, eendaga kwîrûthîra kanica îrî mwago, îtarî karanga, îtarî nkûnjaru, kana îkari ûntû nwa bûrîkû ta bûbu kaingo îîgua îrî ntheru na îtarî na îbîtia.

APIRIPI 1:10

na bûmenye kûthuura bûrûthage mantû mara meega kîrî monthe. Rîru i rîo bûgaatuîka antû baatheru, na batarî na mabîtia mwanka rîra Kîrîstû agaacooka.

APIRIPI 3:6

Indakenagîîra mûno kûnyamaaria eetîgîri. Na indamenyagîîra mûno kwathîkîra watho, bûra gûtarî we akînduta mabîtia.

1 ATHESARONIKE 5:23

Itûkûromba Ngai ûra atweyaga ûkiri abûtuîkithie baatheru na njîra cionthe. Itûkûromba atûme nkoro cienu na mîîrî yenu îkarage îtarî na mabîtia, mwanka rîra Mwathani wetû Yiesû Kîrîstû agaacooka.

1 TIMOTHEO 3:10

Îndî mbere nwa mwanka bagerue. Boonekana barî antû beega, rîru nwa barute ngûgî ya ateetheeria.

1 TIMOTHEO 3:2

Mûtongoria wa kanica nwa mwanka eegue arî muntû arî riîtwa rîega kîrî antû. Na nwa mwanka eegue arî na mûka ûmwe weegua agûreene, na arî muntû wa gwîkaanagia wengwa kûrûthaga mantû mataagîrîte. Nwa mwanka eegue arî muntû arî na ûtombo bûûkûrû, muntû atarî mantû. Nwa mwanka eegue arî muntû wa nkoro ya kûgwataga antû ûgeni na arî muntû aûmba kûrutana.

1 TIMOTHEO 5:14

Kwoogu ndeenda eekûrû bara barî ntigwa barî beethî bagûragwe, bagîyage na twana, na bamenyagîîre mîciî yao, kaingo anthû beetû batoona kaanya ga gûtûgweta na njîra înthûûku.

1 TIMOTHEO 5:20

Kaanagia bara barûthaga meeyia antû bakîîgagua kaingo babu bangî bakuthûka.

1 TIMOTHEO 5:7

Bamenyithie mantû mama kaingo beegue barî antû barî na riîtwa rîega.

TITO 1:6

Nwa mwanka mûkûrû wa kanica eegue arî na riîtwa rîega, mûrûme wa mûka ûmwe weegua agûreene, na nwa mwanka weegua arî na aana beegue barî aana eetîgîri. T'aana ndagi kana batarî aathîki.

TITO 2:10

kana îmwiya. Îndî kwagîrîte warîonthe nkombo yonanagia nwa îîtîgîke mantûûni monthe, kaingo antû batîîya ûrutani bwa Ngai Mwonokia wetû kuumania na mantû monthe mara barûthaga.

TITO 2:15

Kwoogu îrutanaga antû mantû mama ûgîtûmagîra watho bunthe bûra ûrî na bu rîra ûkûbeekîra inya kana ûkûbakaania. Ûtikaareke muntû akûbûthîîria.

AIBIRANIA 7:26

Ûyu n'we mûthînjîri wa Ngai ûra aagîrîte kîrî tiû. I mûtheru, atirî mabîtia na atirî meeyia. N'ûmwathûrane na eeyia eetithua kûra îgûrû mûno.

1 PETÛRÛ 2:12

Menyagîîraani mûkarîre wenu kîrî bara bateetîgîîtie Ngai. Baûmba kûbûtuîrîîra bakauga ibûrûthîîte mantû maathûûku. Îndî bakaaya kwona bûrûthaga mantû meega bagaakumia Ngai ntugû îra antû bonthe bakaagiitîrwa îgamba.

1 PETÛRÛ 2:9

Îndî biû bûrî bara Ngai athuurîîte. Bûrî athînjîri ba mûciî wa ûnene wa Ngai. Bûrî antû baatheru bara Ngai atuîkithîîtie antû baake ba mwanya. Ngai aabûthuurire bwîra antû bûra wega bwake bûgana. N'we aabwîtire bwauma mwinduuni bwaya werûûni bwake bwa kûrigaria.

2 PETÛRÛ 3:14

Kwoogu, eendwa, cûûgiani mûno bûkarage bûrî baatheru nkorooni bûtarî na mabîtia na bûrî na ûkiri bweteereete ntugû îra Mwathani akaaya.

KÛGWÛRÎRWA 2:5

Kwoogu ririkana bûra wakari mbereeni. Îrire ûcooke kûrûtha bûra warûthaga mbereeni. Weegua ûtiîrira, nkaaya ndute taa agu îrî.

KÛGWÛRÎRWA 3:9

Naagu kûrî na gîkundi gîa antû ba Saitaani. Beebîtaga Ayaundi îndî bo t'Ayaundi bongwa, n'arongo. Ngaatûma bagûturîria maru na bamenya inkwendeete.