APIRIPI 2:13 - Kîrîîkanîro Kîîyerû

¹³ I Ngai akûruta ngûgî ndeni yenu akîbweyaga wendi na akîbûûmbithagia kûrûtha bûra bûmûkenagia.

APIRIPI 2:13 ပူးပေါင်းရင်းမြစ်များ

RUKA 12:32

“Biû, eendwa baakwa baakai, bûtigaakuthûke n'ûntû Abaagu ûra arî îgûrû nagûkeneera kûbwaa ûnene bûbû.

RUKA 2:14

“Ngai ûra akaraga îgûrû mûno arookumagua, ûkiri ibwîgue bûrî gûkû nthîgûrû kîrî antû baake bara bamûkenagia!”

NJOANA 3:27

Njoana aabeera, “Muntû atiîgua arî na gîntû atarî mwe kîo i Ngai.

NJOANA 6:45

Mabukuuni ma iroria kwandîkîîtwe, ‘Antû bonthe bakaarutanwa i Ngai.’ Muntû wonthe ûra athikagîîria Baaba na akathooma kuuma kîrî we aayaga kîrî niû.

NJOANA 6:65

Yiesû aathi na mbere na kûbeera, “Na i ntûma mbwîrire gûtirî muntû aaya kîrî niû tatiga Baaba amûnenkanîrîte.”

NGÛGÎ 11:21

Inya ya Mwathani nîarî amwe na bo. Antû baingî beetîgia, baagarûka baatuîka ba Mwathani.

AROOMA 12:3

N'ûntû bwa kîewa kîa mwanya kîra Ngai ampete ndî mûtûmwa, ndîbwîra muntû atikeethûkie taka arî gîtûmi mûno nkûrûki ya bûra arî. Muntû neethûkagie bûra kwagîrîte kûringana na bûra wîtîgio bûra Ngai amwete bûgana.

AROOMA 9:11

Îndî mbere ya kinya aana babu baciarwa, mbere ya barûtha ûthûûku kana wega, Ngai augire, “Mwana ûra mûkûrû agaatûmîkîra ûra mûniini.” Ûgu i ta kwonania Ngai abangagîra muntû kûringana na mûbango wake arî we, na ti kûringana na ûthûûku kana wega bûra arûthîîte.

AROOMA 9:16

Kwoogu ti kuuga i bûra muntû akwenda arî we, kana bûra arûthîîte. I kûringana na bûra Ngai akeegua muntû kîao.

1 AKORINTHO 12:6

Na kûrî njîra mwanya mwanya ira Ngai arutaga ngûgî na cio gûkûrûkîîra kîrî antû. Îndî i Ngai ûmwe arutaga ngûgî naati na njîra cionthe.

1 AKORINTHO 15:10

Îndî n'ûntû bwa bûra ûtugi bwa Ngai bûgana, îîndî i niû ûyû. Kwoogu ûtugi bûra aamboniirie bûtaarî bwa ûtheri. Ndarutire ngûgî na inya mûno nkûrûki ya atûmwa bara bangî bonthe ndabacinda. Îndî ingî ti niû na bwakwa, n'ûtugi bwa Ngai bwarutaga ngûgî naani.

2 AKORINTHO 3:5

Îndî tika tûkuuga nwa tûrute ngûgî îno twingwa. I Ngai atûûmbithagia kûrûtha mara monthe tûrûthaga.

AEBEESO 1:11

Ngai naatûtaarire tûtuîka antû baake ndeni ya Kîrîstû n'ûntû bwa yeerekeeria rîake warîra aarî na rîo mbere. Ngai rîonthe arûthaga mantû monthe kûringana na bûra abangîîte na bûra yeerekeeria rîake rîkari.

AEBEESO 1:5

N'ûntû bwa wendani bwake, kuuma mbere, wendi bwa Ngai na yeerekeeria rîake rîarî gûtûtuîkithia aana baake na njîra ya Yiesû Kîrîstû.

AEBEESO 1:9

Kûringana na mûbango wa wendi bwake ndeni ya Kîrîstû, Ngai natûmenyithîîtie kîriga kîra eekîîre oogo kuuma wo tene.

AEBEESO 2:8

Bwonokiirue n'ûntû bwa ûtugi bwa Ngai rîra bwetîgiirie Yiesû Kîrîstû. Bûtoonokua n'ûntû bwa mantû meega mara bwarûtha. Wonokio bwenu i kîewa kîa ûtheri kuuma kîrî Ngai.

2 ATHESARONIKE 1:11

Na gîku i kîo gîtûmaga tûbûrombera rîonthe. Tûûragia Ngai atûme bwîgue bûrî ba mûkarîre ûkûgwatanîra na mwîto ûra aabwîtire. Na kwa inya yake atûme bûrûtha ûntû bwega bunthe bûra bûbangîîte kûrûtha na bûra bunthe wîtîgio bwenu bûgaatûma bûrûtha.

2 TIMOTHEO 1:9

I Ngai aatwonokiirie atwîta tûtuîka antû baake baatheru, na t'ûntû bwa ngûgî imbega ira tûrutîîte. Îndî n'ûntû bwa mûbango wake we wengwa kûringana na ûtugi bwake. Na aatwere ûtugi ndeni ya Kîrîstû Yiesû kuuma wo tene mûno.

AIBIRANIA 13:21

aroobwaa bira bionthe biega bûrûthe kwenda gwake. Arootûma tûrûthaga bûra bûmûkenagia, n'ûntû bwa Yiesû Kîrîstû. We arookumua tene na tene. Aameni.

1 PETÛRÛ 1:3

Ga tûkumie Ngai Îthe wa Mwathani wetû Yiesû Kîrîstû. N'ûntû bwa bûra arî kîao mûno naatûmire tûciarwa îciarwa rîa maîrî kaingo atwa wîrîgîîro bwa mma bwa mwoyo wa tene na tene na njîra ya kûriûkia Yiesû Kîrîstû.