APIRIPI 2:12 - Kîrîîkanîro Kîîyerû

¹² Kwoogu, aruayia na aarayia, rîonthe ibwamenyagîîra bûkambathîkîra rîra ndarî kwenu. Îndî îîndî ntarî amwe naabi i rîo bûbatîîrue bûmenyeera mûno nkûrûki kwathîkîra bûra nkûbwîra. Îrutagaani ngûgî imbega bûgîkuthûkaga Ngai mûno mûtûûrîreeni wenu wa wonokio.

APIRIPI 2:12 ပူးပေါင်းရင်းမြစ်များ

MATHAYO 11:12

Kuuma îgiita rîa Njoana Mûbaatithania mwanka îîndî, ûnene bwa îgûrû bûkûrûkagwa na taka. Na bara baûmîîru i bo bakûrûkaga ku.

MATHAYO 11:29

Thûkiani gîcooki gîakwa bwîkîre mbûrutane bûnogoke nkoro n'ûntû niû ndî ûmûbooreeru na indînyiîtie.

NGÛGÎ 16:29

Mûnene ûyu wa nceera eetia rûmonjo. Augia rwîro aathûngîra nceera ndeni. Eeturania nthîgûrû magûrûûni ma Paûrû na Sairas akiinainaga n'ûguaya.

NGÛGÎ 9:6

Îndî amwe na ûgu, ûka ûthi taûni. Wakinya ûkeerwa bûra ûbatîîrue ûrûtha.”

AROOMA 2:7

Akaa kîewa kîa mwoyo wa tene na tene bara baûmagîîria bagakara bakîrûthaga mantû meega, bara beendaga kwona mwago wake, bara beendaga abatîîya, na beendaga gûtûûra batagîkua.

1 AKORINTHO 15:58

Kwoogu, aruayia na aarayia, karagaani bwîrikîîtie na bûtikaareke kwîgua kûrî na ûntû bwenyenyia wîtîgio bwenu. Rîonthe rutagîraani Ngai ngûgî, n'ûntû ibwiyî ngûgî îra bûrutagîra Mwathani t'ya ûtheri.

1 AKORINTHO 2:3

Kwoogu rîra ndaayire kwenu ntaarî na inya na indainainaga n'ûguaya.

1 AKORINTHO 4:14

Ntikûbwandîkîra mantû mama mbwîkîrithia nthoni. Ndîbwandîkîra mbûkaania kûrî oogo ta aana baakwa bara mbendeete mûno.

2 AKORINTHO 7:15

Na kwoogu kûbwenda kûra abwendeete ikwongeerekeete, aaririkana bûra bwinthe bwendeete kwathîka. Bwamûthûkiirie na gîtîîyo kîînene mûno.

AEBEESO 6:5

Nkombo athîkagîraani anene ba aaga nthîgûrû bara bûrutagîra ngûgî na bakuthûkageeni mûno. Barutagîreeni ngûgî na nkoro îmbega ta Kîrîstû bûkûrutîra ngûgî.

APIRIPI 1:27

Îndî wana ndakara ata, bûtikaariganîrueni i gûkaraga mûkarîre ûra ûgaatûma ntheto îmbega ya Kîrîstû îtîîywa. Kwoogu ndaaya kûbwona kana ndaremwa kûûya, ndeenda kwîgua ibûrikîîte wîtîgioni bûgwatanîrîte. Ndeenda kwîgua bûrîrûîrîîra wîtîgio bûra tûrî na bu kuumania na ntheto îmbega bûgwatanîrîte.

APIRIPI 1:29

Ngai atibûthaarimîîte na kaanya ga gwîtîgia Kîrîstû gonka. Abûthaarimîîte kinya na kaanya ga kûnyamaarua n'ûntû bwa Kîrîstû.

APIRIPI 1:5

n'ûntû bwa bûra bûnteetheetie ngûgîîni ya gûtûmîîria ntheto îmbega kuuma ntugû îra bwamîîtîgîîre mwanka îîndî.

APIRIPI 1:6

Ngûgî îra Ngai aanjîîrie ndeni yenu i ngûgî îmbega. Na ndî na mma Ngai akaathi na mbere n'yo mwanka îthire, rîra Kîrîstû agaacooka.

APIRIPI 2:19

Weegua i kwenda kwa Mwathani Yiesû, inkwîrîgîîra gûtûma Timotheo kîrî biû nyuma ya îgiita rîtarî rîraaya kaingo ndamenya bûra bûrî ngîa wîru.

APIRIPI 4:1

Eendwa, aruayia na aaraayia, inkwenda twonana mûno. Ndîenda twonana n'ûntû ibûnkenagia mûno na indîîkumagîria biû. Eendwa, karagaani bwîrikîîtie wîtîgioni bwenu kîrî Mwathani.

APIRIPI 4:15

Biû bwingwa ibwiyî nkuuma gûtûmîîria ntheto îmbega gîteere kîa Macendonia ntugûûni cia mbere, gûtirî kanica îngî yanteethia împa gîntû, tatiga biû Apiripi. Twatumîîte ûnyanya bwa kwewa na kweyana.

1 ATHESARONIKE 1:3

Itûririkanaga mantû mara bûrûthaga n'ûntû bwa wîtîgio bwenu, ngûgî îra bûrutaga kuumania na wendo bwenu, na kûûmîîria kwenu n'ûntû bwa kwîrîgîîra Mwathani wetû Yiesû Kîrîstû. Na gîku i kîo gîtûmaga tûcookeria Ngai Baaba wetû nkaatho.

2 TIMOTHEO 2:10

Kwoogu i ntûma mbûmagîîria mathîîna monthe, nkîthangîkagîra bara Ngai athuurîîte, kaingo wana bo boona wonokio bûra bûrî kîrî Kîrîstû Yiesû, bûra bûreetaga mwago wa tene na tene.

AIBIRANIA 12:1

Na kwoogu n'ûntû tûrî na gîkundi kîînene ûgu, kîra gîtûthiûrûkîîte gîa akûûyî ba wîtîgio, ga tuugieni rwîro rûra tûbatîîrue tûthi na mbere na kuugia tûrî na kûûmîîria. Na kaingo tûûmba kuugia, nwa mwanka tûtigane na kîra kîonthe gîtûrigagîîria na wîyia bûra bûtûkooragia.

AIBIRANIA 4:1

Ngai natwete wîrane atî twaûmba kûthi bantû ara atûthuuranîrîte a kûnogoka. Kwoogu twîmenyeereeni gûtikeegue kûrî na wacietû atakîthi noogo.

AIBIRANIA 4:11

Kwoogu tûcûûgieni na njîra cionthe tûthi kînogokooni gîku, kaingo gûteegua kûrî we atakîthi noogo n'ûntû bwa kûrûtha ta bûra bara baaregire kwathîka baarûthire.

AIBIRANIA 5:9

Na n'ûntû ûtûûro bwake bwatuîkire bûtaarî na mabîtia, n'we aatuîkire kaumo ka wonokio bwa tene na tene kwa bara bonthe bamwîtîgîîtie.

1 PETÛRÛ 2:11

Eendwa, nthîgûrû îno bûkari ta ageni. Kwoogu ka mbûkaanieni. Bûtikaarûthe mantû maathûûku mara mîîrî yenu yendaga kûrûtha, mara marûaga na bûra mîoyo yenu yendaga.

2 PETÛRÛ 3:18

Îthiini na mbere kwongeerwa ûtugi na kûmenya Mwathani Mwonokia wetû, Yiesû Kîrîstû. Arookumua îîndî mwanka tene na tene. Aameni.