APIRIPI 2:11 - Kîrîîkanîro Kîîyerû

¹¹ Na wakîra kîûmbe gîkauga Yiesû Kîrîstû i Mwathani, bikumithie Ngai Baaba.

APIRIPI 2:11 ပူးပေါင်းရင်းမြစ်များ

MATHAYO 10:32

Yiesû auga, “Ûra agakûûyîîra kîrî antû, wana niû nkamûkûûyîîra kîrî Baaba ûra arî îgûrû.

RUKA 2:11

N'ûntû îmunthî taûni ya baNdaundi bûgûciarîrwa Mwonokia, n'we i Kîrîstû Mwathani.

NJOANA 12:42

Îndî amwe na ûgu, wana atongoria ba Ayaundi baingî ibeetîganiirie na Yiesû. Îndî batikiuga antû bakîîgagua n'ûntû ibaakuthûkaga *Abarisai baaya kûbeera batigaakinye *sinagoogiini.

NJOANA 13:13

Biû bûmbîtaga Mwarimû kana Mwathani, na ûtiîgagua bûkîbîtia n'ûntû ndî we.

NJOANA 13:14

Kwoogu ûkaaya kwîgua niû ndî Mwathani na Mwarimû wenu inkûbûthambia mbayo, wana biû ibûbatîîrue bûthambanagia mbayo.

NJOANA 14:13

Na ûntû kinya bûrîkû bûra bûkaaromba na riîtwa rîakwa, nkabûrûthîra, i kaingo ntûma Baaba akumua.

NJOANA 14:23

Yiesû amûcookeria amwîra, “Muntû ûra akaambenda, akaathîkîra kiugo gîakwa na Baaba akamwenda. Na tûrî na Baaba tûkaaya kîrî muntû ûyu tûkarage n'we.

NJOANA 17:1

Yiesû akûrîîkia kuuga mamu monthe, aacûûba îgûrû. Auga, “Baaba, kagiita gagûkinya. Îtûma mwago wa Mwana waku wonekane, kaingo Mwana n'we atûma mwago waku wonekana,

NJOANA 20:28

Tooma amwîra, “Ûrî Mwathani wakwa na Ngai wakwa!”

NJOANA 5:23

kaingo antû bonthe batîîya Mwana bûmwe na bûra bamûtîîyaga arî we Îthe. Kwoogu ûra atatîîyaga Mwana, atitîîyaga Îthe ûra aamûtûmire.

NJOANA 9:22

Aciari ba muntû ûyu baugire ûgu n'ûntû ibaakuthûkaga atongoria babu ba Ayaundi, n'ûntû ibaarî bakuuga muntû ûra akauga nagwîtîgia Yiesû bakaamwîra atigaakinye *sinagoogiini kaîrî.

NGÛGÎ 10:36

Ndî na mma bûreegua ntûmwa îra Ngai aatûmanire kîrî antû ba Isiraeri na bûra aatûmîîrie ntheto îmbega îra îreetaga ûkiri gûkûrûkîîra kîrî Yiesû Kîrîstû, Mwathani wa bonthe.

NGÛGÎ 2:36

Kwoogu antû bonthe ba Isiraeri, menyaani atî, Yiesû woora bwambire i mma n'we Ngai atuîkithîîtie Mwathani na Kîrîstû.”

AROOMA 14:11

Kwandîkîîtwe *Maandîkooni Maatheru, “Mwathani augîîte, ‘Na mma wata bûra ntûîre mwoyo i mma muntû wonthe agaanturîria maru akûûyîîre auge ndî Ngai.’ ”

AROOMA 14:9

Gîtûmi kîra gîatûmire Kîrîstû akua na ariûka, i kaingo eegua arî Mwathani wa bara bakuû na bara barî mwoyo.

AROOMA 15:9

Na kaîrî, i kaingo bara batarî Ayaundi bakumia Ngai n'ûntû bwa kwîguîgwa kîao, wata bûra kwandîkîîtwe, “Na n'ûntû bwa ûgu, ngagûkaatha mbere ya bara batarî Ayaundi, nkainaga ngîkumagia riîtwa rîaku.”

1 AKORINTHO 12:3

Kwoogu ndîenda bûmenya atî, gûtirî muntû akwaria arî na Kîrundu wa Ngai aûmba kuuga, “Araûra Yiesû,” na gûtirî we aûmba kuuga, “Yiesû i Mwathani,” tatiga arî na Kîrundu Ûmûtheru.

1 AKORINTHO 15:47

Muntû wa mbere, ta we Andamu, aûmbirwe na mûthetu wa nthîgûrû. Îndî muntû wa baîrî, ta we Kîrîstû, nwa kuuma îgûrû.

1 AKORINTHO 8:6

kîrî tiû Ngai n'ûmwe, ta we Îthe wa bonthe. N'we kaumo ka bionthe na n'we atûtûîrie. Na kûrî Mwathani ûmwe, ta we Yiesû Kîrîstû. Into bionthe biaûmbirwe gûkûrûkîîra kîrî we na tûrî na mwoyo gûkûrûkîîra kîrî we.

1 PETÛRÛ 1:21

Bwîtîgîîtie Ngai gûkûrûkîîra kîrî Kîrîstû. Ngai aamûriûkiirie amwaa mwago. Kwoogu wîtîgio bwenu na wîrîgîîro bwenu bûrî kîrî Ngai.

1 NJOANA 4:15

Ûra augaga Yiesû i Mwana wa Ngai, Ngai nakaraga ndeni yake na n'we nakaraga ndeni ya Ngai.

1 NJOANA 4:2

Ûûgû i bu tûûmba kûmenya muntû arî na Kîrundu wa Ngai. Ûra augaga Yiesû aayire arî muntû, Kîrundu ûyu n'wa Ngai.

2 NJOANA 1:7

Kûrî na eenania baingî baumîrîte nthîgûrû bakuuga Yiesû Kîrîstû ataarî na mwîrî ta wa muntû. Antû ta babu n'eenania na aregi Kîrîstû.

KÛGWÛRÎRWA 3:5

“Ûra akaûmbana ageekîra nguo înjerû ta bo. Riîtwa rîake rîgaakara îbukuuni rîa mwoyo na nkeera Baaba na araîka baake muntû ûyu n'wakwa.