APIRIPI 2:1 - Kîrîîkanîro Kîîyerû

¹ Kwîgua bûrî ndeni ya Kîrîstû ikûbwîkagîra wîru? Î wendo bwa Kîrîstû ibûbûûmagîîria? Bûrî ngwatanîrooni îmwe ya gîîkîrundu? Ibwîgagua bûrî na nkoro imbega cia kwîganîîrua kîao?

APIRIPI 2:1 ပူးပေါင်းရင်းမြစ်များ

RUKA 2:25

Ikwarî na muntû aatûîre Njerusaremu eetagwa Simioni. Aarî muntû ûmwagîru na aakuthûkaga Ngai. Aakaraga eeteereete kwonokua gwa antû ba Isiraeri. Kîrundu Ûmûtheru naarî amwe n'we.

NJOANA 14:18

Ntibûtiga ta twana tûkîa, ngacooka kîrî biû.

NJOANA 14:27

“Tigwaani na ûkiri. Ndîbûtigîra ûkiri bwakwa bûra ndî, bûra bûtakari ta bûra bara barî ba nthîgûrû batiganagîra. Bûtikaanyamaare nkoro kana bûguaya.

NJOANA 17:13

“Îîndî mbûyîîte kîrî woû. Ka ndauga ngwete mantû mama ndî gûkû nthîgûrû, kaingo baba baûyûrwa i gîkeno kîra mpeyanaga.

NGÛGÎ 2:46

Baarîîkanaga nyomba ya Ngai wakîra ntugû. Baarîyanagîra mûgaate amwe mîciî mwanya mwanya, bagîcookagia nkaatho cia mma bakeneete n'ûntû bwa Ngai kûbaa irio.

NGÛGÎ 4:32

Eetîgîri bonthe beegagua barî na nkoro îmwe na mwoyo ûmwe. Gûtirî we kîrî bo akiuga gîntû nwa kîrîkû kîa bira aarî na bio i gîake wenka. Baatûmagîra into biao bonthe barî amwe.

AROOMA 5:5

Gûtirî rîo wîrîgîîro bwetû bûgaatûringa nthî, n'ûntû Ngai atûûyûrîîtie wendo bwake nkorooni cietû gûkûrûkîîra kîrî Kîrundu wake Ûmûtheru ûra atwete.

AROOMA 8:26

Na i Kîrundu atûteethagia n'ûntû tûtirî inya na bwetû. Tûtiiyî kûromba bûra kwagîrîte. I Kîrundu atwerekanagîra kîrî Ngai agîkayaga mûkayîre ûtaûmbîka kuugîka na mîgambo.

1 AKORINTHO 12:13

Bamwe beetû n'Ayaundi, bamwe t'Ayaundi, bamwe i nkombo cia bara bangî, na bara bangî ti nkombo. Îndî amwe na ûgu, twinthe tûbaatithîîtue mwîrîîni ûmwe i Kîrundu ûmwe, na twewa Kîrundu ûyu ûmwe tûnyunyaga.

1 AKORINTHO 15:31

Mbîgagua ndî ûgwatiini bwa kûûragwa ntugû cionthe. Na ûgu i bu kûrî. Nwa ta ûmma bwa gûkena kûra bûnkenagia ndeni ya Mwathani wetû Yiesû Kîrîstû.

1 AKORINTHO 3:16

Ka bûtaiyî biû i nyomba ya Ngai na Kîrundu wake atûîre ndeni yenu?

2 AKORINTHO 13:14

Ûtugi bwa Mwathani Yiesû Kîrîstû, na wendo bwa Ngai, na ngwatanîro ya Kîrundu Ûmûtheru birookaraga naabi bwinthe.

2 AKORINTHO 2:14

Amwe na kwîgua ûgu i bu kwarî, nkaatho i kîrî Ngai ûra atûûmbithagia gûcinda rîonthe tûrî ndeni ya Kîrîstû na agatûtûmîra gûtambia ûmenyo bwake gûntû kunthe bûkari ta mîtaa.

AGARATIA 4:6

N'ûntû îîndî naabi bûrî aana baake, Ngai natûmîîte Kîrundu wa Mwana wake nkorooni cienu, Kîrundu ûra eetanaga, “Aba,” na bu i ta kuuga “Baaba.”

AGARATIA 5:22

Îndî maciaro ma Kîrundu i wendo, nkena, ûkiri, kûûmîîria, kwîganagîîrua kîao, wega, wîtîgio,

AEBEESO 4:4

Kûrî mwîrî ûmwe na Kîrundu ûmwe ta bûra bweetirwe i Ngai bwîgua bûrî na wîrîgîîro bûmwe.

APIRIPI 1:8

Ngai naiyî n'ûmma nkwaria inkwenda kûbwona bwinthe n'ûntû imbwendeete na wendo bwa Kîrîstû Yiesû.

APIRIPI 3:3

Tiû i tiû tûtaanîîtwe rûtaano rwa mma. Tûgongaga Ngai tûrî na Kîrundu na tûkumagia Kîrîstû Yiesû. Kûringana na wîtîgio bwetû tûtiîgwatia kîîmuntû,

AKOROSAI 2:2

Ndûthaga ûgu kaingo mbwîkîra wîru bwinthe na kaingo bûgwatithanua i wendo. Ndîenda bûciûkîrwa kûrû, bûmenya kîriga kîa Ngai kîra gîkoneetie Kîrîstû.

AKOROSAI 3:12

Biû bûrî antû ba Ngai bara aathuurire. Bûrî baatheru na bûrî eendwa baake. Kwoogu îgaguani bûrî na nkoro cia kwîganagîîrua kîao. Îgaguani bûrî antû ba kûrûthaga mantû meega na ba kwînyithia, bûrî antû ba ûkiri na bûkîûmagîîria mantû.

AIBIRANIA 6:18

Kwoogu Ngai eeyanire wîrane bwake na kûthiîtia aathiîtia. Mantû mama marî maîrî matiigarûka, n'ûntû Ngai atirongwaga. Na kwoogu tiû bara tûtoorookerete gwake atûrigîîria, itwîkîrîtwe wîru bûûnene. Tûgwete twarikia wîrîgîîro bûra twetwe.

1 PETÛRÛ 1:2

Bwathuurirwe i Ngai Baaba wetû wo tene kûringana na yerekeeria rîake, bwathûrua i Kîrundu wake kaingo bwathîkîra Yiesû Kîrîstû na bûtherua i nthakame yake. Ngai aroobwongeera ûtugi na ûkiri.

1 NJOANA 3:24

Ûra aathîkagîra maathana maake akaraga ndeni ya Ngai, na Ngai n'we arî ndeni yake. Na Kîrundu ûra aatwere n'we atûmaga tûmenya Ngai arî ndeni yetû.

1 NJOANA 4:12

Gûtirî muntû oona Ngai. Îndî ûkeegua tûkeendanaga twingwa, Ngai nakaraga ndeni yetû na wendo bwake ibûtûûyûraga.

1 NJOANA 4:16

Na tiû twingwa itûmenyeete na itwîtîgîîtie wendo bûra Ngai atwendeete na bu. Ngai i wendo. Ûra akaraga wendooni akaraga ndeni ya Ngai na Ngai nakaraga ndeni yake.