APIRIPI 1:9 - Kîrîîkanîro Kîîyerû

⁹ Îromba rîakwa rîra nkûbûrombera i rîrî, atî wendo bwenu bûthi na mbere kwingîa, bwîgue bûrî na ûmenyo bunthe,

APIRIPI 1:9 ပူးပေါင်းရင်းမြစ်များ

1 AKORINTHO 14:20

Aruayia na aarayia, bûtigaakare ta twana mathûgaaniani meenu. Karagaani ta twana kîrî mantû maathûûku, îndî mathûgaaniani meenu bûbatîîrue bwîgua bûkari ta antû agima.

2 AKORINTHO 8:7

Bûtongeete na bionthe—wîtîgio, rwaria, ûmenyo, kwenda gûteethia na nkoro yonthe, na wendo bûra bûtwendeete na bu. Kwoogu i tûkwîrîgîîra bwîgua bûkari ûgu kinya mantûûni ma kweyana bûtagûtara.

AEBEESO 5:17

Kwoogu bûtigaakare ta bia. Ciûragaani bûra Mwathani eendaga bûrûtha.

AKOROSAI 1:9

N'ûntû bwa ûgu, tûkwîgua mantû meenu wana tiû itûbûrombagîra rîonthe. Tûrombaga Ngai atûme bûmenye bunthe bûra eendaga. Na itûmûûragia abwe ûûme bunthe na atûme bûmenye mantû ma gîîkîrundu.

AKOROSAI 3:10

Îîndî bûtûûraga bûrî antû ba mûtugo ûngî ûra uumanagia na Ngai. Athiîte na mbere akîbûgarûraga meeciiria kaingo bûthi bûkîgarûkaga bûkara ta we.

1 ATHESARONIKE 3:12

Inkûromba Mwathani atûme wendo bwenu bûkûre na bwingîe bwendage bara barî bacienu na antû bonthe, ta bûra tiû tûbwendeete.

1 ATHESARONIKE 4:1

Îîndî, aruayia na aarayia, itûkûbûûria tûkîbûkinyagîîria kwa riîtwa rîa Mwathani Yiesû, ta bûra twabûrutanire, îthiini na mbere gûtûûra mûtûûrîre ûra ûkenagia Ngai. Tûûragaani ûgu rîonthe.

2 ATHESARONIKE 1:3

Rîonthe itûbatîîrue tûcookagîria Ngai nkaatho n'ûntû bwenu, biû aruayia na aarayia. Na ûgu i bu kwagîrîte n'ûntû bwa bûra wîtîgio bwenu bûthiîte bûkîongeerekaga, na n'ûntû bwa bûra wendo bwa wakîra ûmwe wacienu kîrî muntû ûra ûngî bwongeerekeete.

PIREMONI 1:6

Îromba rîakwa n'atî ngwatanîro îra tûrî n'yo wîtîgioni bwetû îkoongeera gûciûkîrwa gwa ûntû bwega bunthe bûra tûrî na bu ndeni ya Kîrîstû.

AIBIRANIA 5:14

Irio biongwa i bia antû agima. Bo ibarutanîîtwe mûno kwathûrana wega na ûthûûku.

1 PETÛRÛ 1:22

Na n'ûntû îîndî ibwîthereetie na njîra ya kwathîkîra ûmma, nwa bwende eetîgîri bara bangî na wendo bwa mma. Kwoogu endanagaani mûno na nkoro yonthe,

2 PETÛRÛ 3:18

Îthiini na mbere kwongeerwa ûtugi na kûmenya Mwathani Mwonokia wetû, Yiesû Kîrîstû. Arookumua îîndî mwanka tene na tene. Aameni.