APIRIPI 1:7 - Kîrîîkanîro Kîîyerû

⁷ Imbagîîrue kwîgua ûgu îgûrû rîenu bwinthe, n'ûntû imbwendeete mûno. Ibûnteetheetie ngûgîîni îno ya mwanya, îra Ngai ampete nduta. Ibwanteethiirie kûrûîrîîra ntheto îmbega twonania n'ya mma na ibûgûnteethia ndî niû îîndî ndî nceera.

APIRIPI 1:7 ပူးပေါင်းရင်းမြစ်များ

NGÛGÎ 20:23

Bûra bunka nkûmenya n'atî, Kîrundu Ûmûtheru ambîîrîîte wakîra taûni nkaathi nceera na kûnyamaarua ibimbeteereete.

NGÛGÎ 21:33

Mûnene aathi ara Paûrû aarî. Aaruta watho auga agwatwe athaîkwe na nyororo ciîrî. Rîru aûria, “Muntû ûyû n'ûû na n'ata arûthîîte?”

1 AKORINTHO 13:7

Bûtikuyaga nkoro, bûkaraga bwîtîgîîtie, bûrî na wîrîgîîro, na kûûmîîria.

1 AKORINTHO 9:23

Na ndûthaga ûgu n'ûntû bwa ntheto îmbega, kaingo ntarîrwa ithaarimooni bira îrî.

2 AKORINTHO 3:2

Biû bwingwa i biû baarûa mantûûni meetû. Bwandîkîîtwe nkorooni cietû bûmenyeka i muntû wonthe na bûthoomwa.

2 AKORINTHO 7:3

Na kuuga ûgu ti kuuga ga nkûbûgiitîra îgamba. Wata bûra mbwîrire i tûbwendeete mûno, nwa tûtûûre kana tûgakua naabi.

AGARATIA 5:6

N'ûntû ndeni ya Yiesû Kîrîstû, gûtaanwa kana kûrega gûtaanwa i bûmwe. Kîra kîrî gîtûmi i wîtîgio bûra bûrutaga ngûgî na njîra ya wendo.

AEBEESO 3:1

Gîku i kîo gîtûmaga mbûrombera Ngai, niû, Paûrû, mûthaîkwa wa Kîrîstû n'ûntû bwenu bara bûtarî Ayaundi.

AEBEESO 4:1

Îîndî inkwenda kûbûkinyîîria ndî nceera n'ûntû bwa Mwathani, bûtûûrage mûtûûrîre ûkwonania bûrî na mwîto wa Ngai.

AEBEESO 6:20

Nthaîkîîtwe n'ûntû bwa gûtûmîîria ntûmwa îno, ndî mûtûmwa wa Kîrîstû. Ndomberaani mbîgue ndî na ûcamba bwa gûtûmîîria ntheto îmbega bûra mbagîrîtwe.

APIRIPI 1:12

Aruayia na aarayia, ndîenda bûmenya mantû monthe mara ndarûthîîrwe imaateethiirie ntheto îmbega yatamba.

APIRIPI 1:13

Acikaarî na antû bara bangî bonthe ba nyomba ya mûnene ibaiyî nthaîkîîtwe n'ûntû ndî mûthingati wa Kîrîstû.

APIRIPI 1:14

Na n'ûntû bwa kûthaîkwa gwakwa, eetîgîri baingî ibagîîte ûcamba mûno na batigûkuthûka gûtûmîîria ntheto cia Ngai.

APIRIPI 1:5

n'ûntû bwa bûra bûnteetheetie ngûgîîni ya gûtûmîîria ntheto îmbega kuuma ntugû îra bwamîîtîgîîre mwanka îîndî.

APIRIPI 2:22

Ibwiyî Timotheo we noonanîîtie bûra akari. Tûrutîîte n'we ngûgî ta mwana na îthe, n'ûntû bwa ntheto îmbega.

APIRIPI 4:14

Ibwarûthire bwega bwanteethia mathîînaani maakwa.

APIRIPI 4:15

Biû bwingwa ibwiyî nkuuma gûtûmîîria ntheto îmbega gîteere kîa Macendonia ntugûûni cia mbere, gûtirî kanica îngî yanteethia împa gîntû, tatiga biû Apiripi. Twatumîîte ûnyanya bwa kwewa na kweyana.

APIRIPI 4:3

Woû tûrutaga ngûgî naawe, ingûkûûria ûteethie eekûrû babu, woû mwîtîgua. Itwarutîîte ngûgî ya gûtambia ntheto îmbega na bo na inya mûno tûrî na Kîrementi na bara bangî twarî na bo. Mariîtwa maao imaandîke îbukuuni rîa mwoyo.

AKOROSAI 4:18

I niû Paûrû ndaandîka nkeethi ino na njara ciakwa. Ndirikanagaani ndî gûkû nceera. Ûtugi bwa Ngai bûrookaraga naabi.

AKOROSAI 4:3

Tûrombagîreeni na tiû Ngai atwe kaanya ga gûtûmîîria kîriga kîa mantû ma Kîrîstû. Nthaîkîîtwe n'ûntû bwa gûtûmîîria mantû mamu.

1 ATHESARONIKE 5:5

Biû bwinthe bûrî aana ba werû, aana ba mûthenya. Tûtirî ba ûtugû kana ba mwindu.

2 TIMOTHEO 1:8

Kwoogu ûtikeegue îgi ûkîruta ûkûûyî bwaku îgûrû rîa Mwathani wetû, kana i bûra ndî nceera n'ûntû bwake. Ûmîîria ûngwatie kûthîîna n'ûntû bwa ntheto îmbega, Ngai agakwa inya ya gûgwotithia.

2 TIMOTHEO 2:9

Na n'ûntû bwa gûtûmîîria ntheto îmbega, i kîo gîgûtûma nnyamaara ûûgû mwanka nkathaîkwa taka kûrî watho mbunîîte. Îndî amwe na ûgu kiugo kîa Ngai gîtithaîkîka.

PIREMONI 1:13

Nkîenda gûkara n'we agînteethagîîria bantû aaku îîndî ndî nceera n'ûntû bwa ntheto îmbega,

AIBIRANIA 3:1

Kwoogu, aruayia na aarayia, biû bûrî ba Ngai ûra abwîtîîte. Erekeriani mathûgaania meenu kîrî Yiesû. Itwîtîgîîtie n'we aatûmirwe i Ngai atuîka mûthînjîri ûra mûnene wake.

1 PETÛRÛ 4:13

Kenagaani bwona ûgu, n'ûntû ûgu i ta kwonania bûrî kîmwe na Kîrîstû kûnyamaaruani gwake kaingo bûkena mûno rîra akaaya yîya rîa maîrî arî na mwago wake.

1 PETÛRÛ 5:1

Ndî na ûntû nkwenda kwîra akûrû beenu ba kanica. Niû ningwa ndî mûkûrû na ndî mûkûûyî wa kûnyamaarua kûra Kîrîstû aanyamaariirue. Nkeegua ndî ûmwe wa bara bakoonekana na mwago ûra ûkoonanua.

2 PETÛRÛ 1:13

Kagiitaani gaka ndî mwîrîîni ûyû ndîona ikwagîrîte mbûririkanagie mantû mamu,

1 NJOANA 3:14

Itûkûmenya bwega ituumîîte gîkuûni twathûngîra mwoyooni n'ûntû itwendeete eetîgîri bara bangî. Ûra ateendeete eetîgîri bara bangî atauma gîkuûni.