APIRIPI 1:6 - Kîrîîkanîro Kîîyerû

⁶ Ngûgî îra Ngai aanjîîrie ndeni yenu i ngûgî îmbega. Na ndî na mma Ngai akaathi na mbere n'yo mwanka îthire, rîra Kîrîstû agaacooka.

APIRIPI 1:6 ပူးပေါင်းရင်းမြစ်များ

NJOANA 6:29

Yiesû abacookeria abeera, “Bûra Ngai eenda bûrûtha n'ûûgû—bwîtîgie ûra aantûmire.”

NGÛGÎ 11:18

Bara bataagwatanagîra na Petûrû bakwîgua mantû mamu baatiga. Baakumia Ngai bauga, “Kwoogu Ngai neete antû batarî Ayaundi kaanya kinya bo beerira kaingo batûûra mwoyo?”

NGÛGÎ 16:14

Ûmwe wao eetagwa Rîndia, wa kuuma gûntû gweetagwa Thiatira. Aarî mûbiacaara wa gîtambaa kîa rangi ya ûkûyû. Na aarî mwekûrû aarombaga Ngai. Paûrû agîtûmagîîria, Mwathani aarugûra nkoro yake eetîgîra ntûmwa ya Paûrû.

1 AKORINTHO 1:8

Ngai agaatûma bûkaraga bûrikîîte mwanka ntugû ya mûthia, kaingo bwîgua bûrî na riîtwa rîega rîra Mwathani wetû Yiesû Kîrîstû akaaya kaîrî.

2 AKORINTHO 1:15

Indaiyî ûgu i bu bûgaatûthûkia na i ntûma mbangîîte kwamba kûbûriûngîra mbere kaingo bûthaarimwa maita maîrî.

2 AKORINTHO 2:3

Gîku i kîo gîatûmire mbwandîkîra baarûa îra. Nteendaga kûûya ngwatithua kîeba i bara babatîîrue baankenia. Ndî na mma rîra nkenaga wana biû bwinthe ibûkenaga.

2 AKORINTHO 7:16

Ingûkena mûno n'ûntû inkûbwîtîgia kûrû.

2 AKORINTHO 9:4

Weegua ûkeegua tûrî na antû ba Macendonia rîra tûkaaya, tweethîra bûteethuuranîrîte bûgatwîkîrithia nthoni n'ûntû i tûbwîtîgîîtie mûno. Îndî ingî ga ntakwenda kûbwîra wana biû bûkaagîa îgi rîru!

AGARATIA 5:10

Îndî amwe na ûgu, ndî na wîtîgio bûûganu naabi n'ûntû bwa Mwathani atî, bûkaagwatanîra naani ûntûûni bûbû. Na inkûmenya ûra akûbwîngîîra akîenda kûbûbîtithia njîra, ûyu wana kinya weegua narî ûû nakaagambithua i Ngai.

AEBEESO 4:12

Eeyanire biewa bibu athuuranîra antû ba Ngai baruta ngûgî yake na aaka kanica ta yo mwîrî wake.

APIRIPI 1:10

na bûmenye kûthuura bûrûthage mantû mara meega kîrî monthe. Rîru i rîo bûgaatuîka antû baatheru, na batarî na mabîtia mwanka rîra Kîrîstû agaacooka.

APIRIPI 1:29

Ngai atibûthaarimîîte na kaanya ga gwîtîgia Kîrîstû gonka. Abûthaarimîîte kinya na kaanya ga kûnyamaarua n'ûntû bwa Kîrîstû.

APIRIPI 2:12

Kwoogu, aruayia na aarayia, rîonthe ibwamenyagîîra bûkambathîkîra rîra ndarî kwenu. Îndî îîndî ntarî amwe naabi i rîo bûbatîîrue bûmenyeera mûno nkûrûki kwathîkîra bûra nkûbwîra. Îrutagaani ngûgî imbega bûgîkuthûkaga Ngai mûno mûtûûrîreeni wenu wa wonokio.

APIRIPI 2:13

I Ngai akûruta ngûgî ndeni yenu akîbweyaga wendi na akîbûûmbithagia kûrûtha bûra bûmûkenagia.

APIRIPI 2:16

Gwataani ntheto îra yeyaga antû mwoyo bûmiitie kaingo mbûkeneera ntugû îra Kîrîstû agaacooka. Bûbu i bu bûkoonania ngûgî îra ndutîîte kîrî biû t'ya mana.

AKOROSAI 2:12

I taka bwathikanîîrue amwe na Kîrîstû kûbaatithuani kwenu na kûbaatithuani gûku bwariûkanîrua amwe n'we n'ûntû bwa gwîtîgia inya înene ya Ngai ûra aamûriûkiirie.

1 ATHESARONIKE 1:3

Itûririkanaga mantû mara bûrûthaga n'ûntû bwa wîtîgio bwenu, ngûgî îra bûrutaga kuumania na wendo bwenu, na kûûmîîria kwenu n'ûntû bwa kwîrîgîîra Mwathani wetû Yiesû Kîrîstû. Na gîku i kîo gîtûmaga tûcookeria Ngai Baaba wetû nkaatho.

2 ATHESARONIKE 1:11

Na gîku i kîo gîtûmaga tûbûrombera rîonthe. Tûûragia Ngai atûme bwîgue bûrî ba mûkarîre ûkûgwatanîra na mwîto ûra aabwîtire. Na kwa inya yake atûme bûrûtha ûntû bwega bunthe bûra bûbangîîte kûrûtha na bûra bunthe wîtîgio bwenu bûgaatûma bûrûtha.

2 ATHESARONIKE 3:4

Mwathani natûmaga twîtîgia atî, na mma ibûrûthaga mantû mara twabwîrire bûrûthage, na atî bûkaathi na mbere kûmarûtha.

PIREMONI 1:21

Ndîkwandîkîra ngîtîgagia ûkaarûtha ûgu ndakwîra. Na inkûmenya ûkaarûtha kinya nkûrûki.

AIBIRANIA 10:35

Kwoogu bûtigaakue nkoro n'ûntû gûgaatûma bwewa kîewa kîînene.

AIBIRANIA 12:2

Tûraitheeni Yiesû ûra aanjîîrie wîtîgio bwetû. N'we agaatûkinyia mûthia wa bu. Naûmîîrie gîkuû kîra aakuire mûtharabaani, na eetîgîra aagîa îgi rîa gîkuû gîku ta gûtarî bu bwarî oogo, n'ûntû bwa gûkena kûra Ngai aamûkeneetie. Îîndî akari rûteere rwa Ngai rwa ûrîo rwa gîtî kîa ûnene.

1 PETÛRÛ 5:10

Îndî nyuma ya kûnyamaarua bantû a kagiita gaakai, Ngai mwene ûtugi bunthe ûra aabwîtire mwagooni wake wa tene na tene gûkûrûkîîra kîrî Kîrîstû Yiesû akabûûyûria, akabwongeera inya, na akabûrûngamia mûcingiini ûmwitu.

2 PETÛRÛ 3:10

Ntugû ya gûcooka kwa Mwathani îgaakara ta ntugû îra mwamba aayaga. Kagiita gaku îgûrû rîkaathira na gîtuma kîînene mûno, bionthe bira birî ku bithirue na mwanki. Kinya nthîgûrû na bira birî ku bikaabîîthua.