APIRIPI 1:5 - Kîrîîkanîro Kîîyerû

⁵ n'ûntû bwa bûra bûnteetheetie ngûgîîni ya gûtûmîîria ntheto îmbega kuuma ntugû îra bwamîîtîgîîre mwanka îîndî.

APIRIPI 1:5 ပူးပေါင်းရင်းမြစ်များ

NGÛGÎ 2:42

Beeruta baamenya mantû kuumania na atûmwa, barî na ngwatanîro amwe, bakîrîyanagîra mûgaate na bakîrombaga.

AROOMA 11:17

Tathûkia ngerekano ya mûtî wa mûceituuni ûtemetwe mpong'i imwe, rwong'i rwa mûceituuni wa kîthaka rûkagwatithanua na uu. Woû ûtarî Mûyaundi ûkari ta rwong'i rûru. Mûceituuni ûra mûteme mpongi n'Ayaundi. Woû ka ûgwatithanîîtue na uu. Ûteethekaga kuumania na inya na mwoyo wa uu.

AROOMA 12:13

Rûmagiani antû ba Ngai bara barî na thîîna bira bûrî na bio. Gwatanagaani ûgeni.

AROOMA 15:26

Eetîgîri ba Macendonia na ba Akaaya ibaarî na wendo bwa kwaa antû ba Ngai ba noogo bara nkîa kîewa gîa kûbateethia.

1 AKORINTHO 1:9

We i mwîtîgua ûra aabwîtire bwîgua bûrî na ngwatanîro na Mwana wake, Yiesû Kîrîstû Mwathani wetû.

2 AKORINTHO 8:1

Aruayia na aarayia, tûrîenda bûmenya bûra Ngai atugîîte makanica ma Macendonia.

AEBEESO 3:6

Na kîriga n'atî, bara batarî Ayaundi na bara barî Ayaundi bakeewa rûgai rûmwe gûkûrûkîîra nthetooni îmbega. Tûrî ta icuncî bia mwîrî ûmwe na wîrane bwa Ngai i bwetû twinthe gûkûrûkîîra kîrî Kîrîstû Yiesû.

APIRIPI 1:12

Aruayia na aarayia, ndîenda bûmenya mantû monthe mara ndarûthîîrwe imaateethiirie ntheto îmbega yatamba.

APIRIPI 1:16

Na barûthaga ûgu na wendo, n'ûntû ibaiyî i Ngai ampete ngûgî ya kûrûîrîîra ntheto îmbega.

APIRIPI 1:27

Îndî wana ndakara ata, bûtikaariganîrueni i gûkaraga mûkarîre ûra ûgaatûma ntheto îmbega ya Kîrîstû îtîîywa. Kwoogu ndaaya kûbwona kana ndaremwa kûûya, ndeenda kwîgua ibûrikîîte wîtîgioni bûgwatanîrîte. Ndeenda kwîgua bûrîrûîrîîra wîtîgio bûra tûrî na bu kuumania na ntheto îmbega bûgwatanîrîte.

APIRIPI 1:7

Imbagîîrue kwîgua ûgu îgûrû rîenu bwinthe, n'ûntû imbwendeete mûno. Ibûnteetheetie ngûgîîni îno ya mwanya, îra Ngai ampete nduta. Ibwanteethiirie kûrûîrîîra ntheto îmbega twonania n'ya mma na ibûgûnteethia ndî niû îîndî ndî nceera.

APIRIPI 2:12

Kwoogu, aruayia na aarayia, rîonthe ibwamenyagîîra bûkambathîkîra rîra ndarî kwenu. Îndî îîndî ntarî amwe naabi i rîo bûbatîîrue bûmenyeera mûno nkûrûki kwathîkîra bûra nkûbwîra. Îrutagaani ngûgî imbega bûgîkuthûkaga Ngai mûno mûtûûrîreeni wenu wa wonokio.

APIRIPI 2:22

Ibwiyî Timotheo we noonanîîtie bûra akari. Tûrutîîte n'we ngûgî ta mwana na îthe, n'ûntû bwa ntheto îmbega.

APIRIPI 4:3

Woû tûrutaga ngûgî naawe, ingûkûûria ûteethie eekûrû babu, woû mwîtîgua. Itwarutîîte ngûgî ya gûtambia ntheto îmbega na bo na inya mûno tûrî na Kîrementi na bara bangî twarî na bo. Mariîtwa maao imaandîke îbukuuni rîa mwoyo.

PIREMONI 1:17

Kwoogu ûkaaya kwîgua na mma ûnthûkagia tûrî kîmwe naawe, ndeenda ûmwîtîgîîria acooka gwaku ta bûra ûnthûkia mbûyîîte gwaku ndî niû.

AIBIRANIA 3:14

Tûrî na kîthaarimo kîmwe na Kîrîstû kuumania na mantû mara arûthîîte, waya kwîgua tûkaathi na mbere kwîgua tûrî na wîtîgio bûûriku mwanka mûthia.

2 PETÛRÛ 1:1

I niû Simioni Petûrû, mûruti ngûgî wa Yiesû Kîrîstû nkûbwandîkîra. Ndî mûtûmwa wake. Ndîbwandîkîra biû Ngai atûmîîte bwîgua bûrî na wîtîgio bwa gîtûmi mûno ta bwetû. Twetwe bu i Ngai, Mwonokia wetû, Yiesû Kîrîstû kûringana na wagîru bwake.

1 NJOANA 1:3

Bûra twoneete na tweegua i bu tûkûbwîra kaingo bûgwatanîra naati ngwatanîrooni îra tûrî n'yo na Baaba, na Mwana wake Yiesû Kîrîstû.

1 NJOANA 1:7

Îndî tûkathiyagîra werûûni, ta bûra we arî werûûni, tûkeegua tûrî na ngwatanîro twinthe, na nthakame ya Yiesû Kîrîstû Mwana wake îgatûthambia meeyia monthe.