APIRIPI 1:30 - Kîrîîkanîro Kîîyerû

³⁰ Ibwoneete bûra nnyamaarîîtue bûgana n'ûntû bwa Kîrîstû. Na ibwîgîîtue wana îîndî nwa nkûnyamaarua. Îndî na wana biû ibûkûnyamaarua nkînyamaarua.

APIRIPI 1:30 ပူးပေါင်းရင်းမြစ်များ

NJOANA 16:33

Ndabwîra mantû mama i kaingo bwîgua bûrî na ûkiri, n'ûntû bûrî na ngwatanîro naani. Nthîgûrûûni îno bûkaanyamaarua. Îndî ûmîîriani! Indakîriirie mantû ma nthîgûrû inya!”

APIRIPI 1:13

Acikaarî na antû bara bangî bonthe ba nyomba ya mûnene ibaiyî nthaîkîîtwe n'ûntû ndî mûthingati wa Kîrîstû.

AKOROSAI 1:29

Na kûng'ang'anaani kûra nng'ang'anaga na ngûgî îno, n'inya înene ya Kîrîstû îrutaga ngûgî naani.

AKOROSAI 2:1

Inkwenda bûmenya bûra nng'ang'anaga na njîra ya maromba n'ûntû bwenu, n'ûntû bwa kanica ya Raondisia, na n'ûntû bwa kinya bara bataambona.

1 ATHESARONIKE 2:2

Ibwiyî bûra twanyamaarîîte bûgana na bûra twarumangîîrwe taûni ya Piripi, mbere ya tûkinya kwenu. Îndî Ngai naatûûmîîrie twaûmba kûbûtûmîîria ntheto yake îmbega amwe na kwîgua antû baingî ibaatûkararagia.

1 TIMOTHEO 6:12

Rûa ndûa îmbega ya wîtîgio bûra inya yaku yonthe îgana kaingo wîcindîra kîewa kîa mwoyo wa tene na tene ûra Ngai aagwîtîîre rîra waumbûrire wîtîgio bwaku bwega mbere ya akûûyî baingî.

2 TIMOTHEO 4:7

n'ûntû mwanka agu îîndî indûîte ndûa îmbega na inya yakwa yonthe wandûmîîrîîte wîtîgio.

AIBIRANIA 12:1

Na kwoogu n'ûntû tûrî na gîkundi kîînene ûgu, kîra gîtûthiûrûkîîte gîa akûûyî ba wîtîgio, ga tuugieni rwîro rûra tûbatîîrue tûthi na mbere na kuugia tûrî na kûûmîîria. Na kaingo tûûmba kuugia, nwa mwanka tûtigane na kîra kîonthe gîtûrigagîîria na wîyia bûra bûtûkooragia.

AIBIRANIA 12:4

Kûrûani kûra bûrûaga na meeyia bûtikûrî gûkinyia a kûruta mîoyo yenu.

KÛGWÛRÎRWA 12:11

Aruayia na aarayia baramûcindire kwa inya ya nthakame ya Kagondu na gûtûmîîria ûmma. Batiramakagîra mîoyo yao. Batigîkuthûka gûkua.