APIRIPI 1:27 - Kîrîîkanîro Kîîyerû

²⁷ Îndî wana ndakara ata, bûtikaariganîrueni i gûkaraga mûkarîre ûra ûgaatûma ntheto îmbega ya Kîrîstû îtîîywa. Kwoogu ndaaya kûbwona kana ndaremwa kûûya, ndeenda kwîgua ibûrikîîte wîtîgioni bûgwatanîrîte. Ndeenda kwîgua bûrîrûîrîîra wîtîgio bûra tûrî na bu kuumania na ntheto îmbega bûgwatanîrîte.

APIRIPI 1:27 ပူးပေါင်းရင်းမြစ်များ

MATHAYO 12:25

Yiesû akûmenya bûra bwarî mathûgaaniani maao, abeera, “Ûnene bûkaathûkana bûtitûûra. Na antû ba taûni îmwe kana ba mûciî ûmwe bakaathûkana, taûni înu kana mûciî ûyu ûtitûûra.

NGÛGÎ 2:46

Baarîîkanaga nyomba ya Ngai wakîra ntugû. Baarîyanagîra mûgaate amwe mîciî mwanya mwanya, bagîcookagia nkaatho cia mma bakeneete n'ûntû bwa Ngai kûbaa irio.

NGÛGÎ 24:24

Nyuma ya ntugû igana ûna, Berîksi aaya na mwekûrû wake. Mwekûrû wake eetagwa Ndurusiira na aarî Mûyaundi. Berîksi aaruta watho auga Paûrû areetwe. Akûreetwa, amûthikîîria akîarîîria mantû ma wîtîgio kîrî Kîrîstû Yiesû.

NGÛGÎ 4:32

Eetîgîri bonthe beegagua barî na nkoro îmwe na mwoyo ûmwe. Gûtirî we kîrî bo akiuga gîntû nwa kîrîkû kîa bira aarî na bio i gîake wenka. Baatûmagîra into biao bonthe barî amwe.

AROOMA 1:16

Ntiîgagua ntheto îmbega igî n'ûntû n'yo inya ya Ngai îra yonokagia muntû wonthe ûra eetîgagia. Mbere Ayaundi, rîru bara batarî Ayaundi.

AROOMA 1:5

Gûkûrûkîîra kîrî Kîrîstû, Ngai nampeere ngûgî ya mwanya mûno mmûrutîra, ta yo ngûgî ya ûtûmwa. Mbîtaga antû ba nthîgûrû cionthe baaya kîrî we bamwîtîgia, bamwathîkîra. Na i Kîrîstû ndutagîra ngûgî îno.

AROOMA 1:9

Ngai ûra ntûmîkagîra na nkoro yakwa yonthe na njîra ya gûtûmîîria ntheto îmbega îgûrû rîa Mwana wake i mûkûûyî wakwa. Naiyî imbûririkanaga

AROOMA 10:8

Maandîko Maatheru maugîîte, “Kiugo kîa Ngai kîrî agu ûrî. Kîrî kanyuani gaaku, na kîrî nkorooni yaku.” Kiugo gîku i kîo tûtûmagîîria. I kîo gîtûmaga muntû oonokua agîîtîgia.

AROOMA 15:16

ya kwîgua ndî mûruti ngûgî wa Yiesû Kîrîstû kîrî bara batarî Ayaundi. Ndutaga ngûgî ta ya mûthînjîri wa Ngai. Mbarutanaga ntheto îmbega ya Ngai, kaingo beegua barî ta kîgongwana kîthereetue i Kîrundu Ûmûtheru, kîra Ngai aûmba gwîtîgîîria.

AROOMA 15:29

Na ndî na mma rîra nkaaya nkabûreetera kîthaarimo kîûyûri, kîra ntheto îmbega ya Kîrîstû îreetaga.

1 AKORINTHO 1:10

Aruayia na aarayia, kwa riîtwa rîa Mwathani wetû Yiesû Kîrîstû ndîbwîra bûgwatanagîre bwinthe bûtakwathûkana. Karagaani bûrî gîntû kîmwe, bûrî na meeciiria mamwe na mworooto ûmwe.

1 AKORINTHO 15:58

Kwoogu, aruayia na aarayia, karagaani bwîrikîîtie na bûtikaareke kwîgua kûrî na ûntû bwenyenyia wîtîgio bwenu. Rîonthe rutagîraani Ngai ngûgî, n'ûntû ibwiyî ngûgî îra bûrutagîra Mwathani t'ya ûtheri.

2 AKORINTHO 13:11

Nkîthiria, aruayia na aarayia, ka mbwîreeni bûtigwe bwega. Cûûgiani na inya bwone bûgûtuîka eetîgîri agima. Rûthagaani ûgu mbûrîîtie bûrûthage. Îgaguani bûrî na meeciiria mamwe na tûûranagiani na ûkiri. Rîru i rîo Ngai ûra arî wendo na ûkiri akeegua arî amwe naabi.

2 AKORINTHO 4:4

Bara bateetîgagia batuîkithîîtue ntûngi i ngai ûra aathanaga nthîgûrû, ta we Nkoma. Atûmîîte barega kwona werû bwa ntheto îmbega îgûrû rîa mwago wa Kîrîstû, ûra arî mûbuanaano wa Ngai.

2 AKORINTHO 9:13

Ngûgî îno bûkûruta nîkwonania ûmma bwa wîtîgio bwenu. Ibwathîkagîra ntheto îmbega ya Kîrîstû îra bûkûûyagîîra bûkauga ibûmîîtîgîîtie. Kwathîka kwenu na biewa bira bweyanîîte na nkoro îmbega bigaatûma antû baingî bakumia Ngai n'ûntû bwa kûbaa bio bo, amwe na bara bangî bonthe.

AGARATIA 1:7

Kwaria mma gûtirî ntheto îngî îmbega. N'antû bamwe bakwenda kûbûreeteera thîîna bakîenda kûgarûra ntheto îmbega ya Kîrîstû.

AEBEESO 1:13

Kinya biû ibwagwatire ntheto ya mma, ntheto îmbega îra îbwonokagia. Rîra bwetîgiirie Kîrîstû, Ngai noonaniirie na mma bûrî baake na njîra ya kûbwaa Kîrundu Ûmûtheru kûringana na wîrane bwake.

AEBEESO 1:15

N'ûntû bwa ûgu, kuuma rîra ndeegiirue bûra bwîtîgîîtie Mwathani Yiesû na bûra bwendeete antû ba Ngai bonthe,

AEBEESO 4:1

Îîndî inkwenda kûbûkinyîîria ndî nceera n'ûntû bwa Mwathani, bûtûûrage mûtûûrîre ûkwonania bûrî na mwîto wa Ngai.

APIRIPI 1:5

n'ûntû bwa bûra bûnteetheetie ngûgîîni ya gûtûmîîria ntheto îmbega kuuma ntugû îra bwamîîtîgîîre mwanka îîndî.

APIRIPI 2:12

Kwoogu, aruayia na aarayia, rîonthe ibwamenyagîîra bûkambathîkîra rîra ndarî kwenu. Îndî îîndî ntarî amwe naabi i rîo bûbatîîrue bûmenyeera mûno nkûrûki kwathîkîra bûra nkûbwîra. Îrutagaani ngûgî imbega bûgîkuthûkaga Ngai mûno mûtûûrîreeni wenu wa wonokio.

APIRIPI 2:24

Na ndî na mma Mwathani aganteethia mbûye ndî niû nyuma ya îgiita rîtarî rîraaya.

APIRIPI 3:18

Ndarabwîra kaîrî na kaîrî, îndî ka mbwîreeni kaîrî ngîîtûûraga meethori atî, n'antû baingî boonanagia n'anthû ba mûtharaba wa Kîrîstû kuumania na mîkarîre yao.

APIRIPI 3:20

Îndî tiû tûrî ba îgûrû. Ga tweteereete Mwonokia wetû, Mwathani Yiesû Kîrîstû auma îgûrû aaya.

APIRIPI 4:1

Eendwa, aruayia na aaraayia, inkwenda twonana mûno. Ndîenda twonana n'ûntû ibûnkenagia mûno na indîîkumagîria biû. Eendwa, karagaani bwîrikîîtie wîtîgioni bwenu kîrî Mwathani.

AKOROSAI 1:10

Rîru mûtûûrîre wenu ûkeegua ûkîonania bûrî antû ba Mwathani na bûkamûkenagia na njîra cionthe. Bûkaathi na mbere kûrûtha mantû meega ma mîthemba yonthe na bûkeerutana kûmenya Ngai nkûrûki.

AKOROSAI 1:4

n'ûntû itwîgîîtue bûra bwîtîgîîtie Kîrîstû Yiesû na bûra bwendeete antû bonthe ba Ngai.

1 ATHESARONIKE 3:6

Timotheo narakinyire akuuma kwenu na naratûreeteere mantû meega meenu îgûrû rîa wîtîgio bwenu na wendo bûra bûrî na bu. Na naratwîrire ibûtûririkanaga na njîra îmbega rîonthe, na bwenda mûno gûtwona ta bûra na tiû twenda kûbwona.

1 ATHESARONIKE 4:1

Îîndî, aruayia na aarayia, itûkûbûûria tûkîbûkinyagîîria kwa riîtwa rîa Mwathani Yiesû, ta bûra twabûrutanire, îthiini na mbere gûtûûra mûtûûrîre ûra ûkenagia Ngai. Tûûragaani ûgu rîonthe.

1 TIMOTHEO 1:11

Ûrutani bwa mma bwonekanaga nthetooni îmbega ya Ngai ûra akaathagwa. I ntheto îrî mwago, îra ndeetîgiirue n'yo mmîtûmîîria.

1 TIMOTHEO 1:19

ûrikîîtie wîtîgio bwaku na wîgue ûrî na mathûgaania magûkwonia ûtirûthîîte mabîtia. Antû bamwe bathûûkagia wîtîgio bwao n'ûntû bwa kûrega gûtindanîra na mathûgaania ma kûûria kana weegua mantû mara barûthaga i maagîrîte kana matiagîrîte.

2 TIMOTHEO 4:7

n'ûntû mwanka agu îîndî indûîte ndûa îmbega na inya yakwa yonthe wandûmîîrîîte wîtîgio.

TITO 2:10

kana îmwiya. Îndî kwagîrîte warîonthe nkombo yonanagia nwa îîtîgîke mantûûni monthe, kaingo antû batîîya ûrutani bwa Ngai Mwonokia wetû kuumania na mantû monthe mara barûthaga.

PIREMONI 1:5

n'ûntû imbîgagua bûra wîtîgio bwaku bûgana kîrî Mwathani Yiesû, na wendo bwaku kîrî antû bonthe ba Ngai.

NJAKUBU 3:18

Ûra eendeete ûkiri aandaga na ûkiri agaketha wagîru.

2 PETÛRÛ 3:11

N'ûntû ûgu i bu bionthe bikaathirua, thûgaaniani bûmenye bûbatîîrue bwîgua bûrî antû bakari ata. Mîkarîre yenu îbatîîrue îîgua îrî îmîtheru na îrî ya kîîngai,

2 PETÛRÛ 3:14

Kwoogu, eendwa, cûûgiani mûno bûkarage bûrî baatheru nkorooni bûtarî na mabîtia na bûrî na ûkiri bweteereete ntugû îra Mwathani akaaya.

NJUNDA 1:3

Eendwa, indareendeete mûno kûbwandîkîra îgûrû rîa wonokio bûbû bwetû twinthe. Îndî ndacooka ndeegua mbwandîkîre mbûkinyîîrie mbwîre bûthi na mbere kûrûîrîîra wîtîgio bûra Ngai aanenkeere antû baake rîmwe na rîa mûthia.