APIRIPI 1:12 - Kîrîîkanîro Kîîyerû

¹² Aruayia na aarayia, ndîenda bûmenya mantû monthe mara ndarûthîîrwe imaateethiirie ntheto îmbega yatamba.

APIRIPI 1:12 ပူးပေါင်းရင်းမြစ်များ

RUKA 21:13

Na gaka ûkeegua karî kagiita keenu keega ga gûkûûyîîra.

NGÛGÎ 8:4

Eetîgîri babu bakûnyagaarania baathiire bagîtûmagîîria kiugo gûntû na gûntû.

AROOMA 8:28

Itwiyî atî Ngai atûmaga mantû monthe makarîka, kaingo bara bamwendeete na eetîîte kûringana na mûbango wake bateetheka.

AROOMA 8:37

Îndî mantûûni mamu monthe i tiû acindi na kûraaya gûkûrûkîîra kîrî Kîrîstû ûra aatwendire.

APIRIPI 1:5

n'ûntû bwa bûra bûnteetheetie ngûgîîni ya gûtûmîîria ntheto îmbega kuuma ntugû îra bwamîîtîgîîre mwanka îîndî.

APIRIPI 1:7

Imbagîîrue kwîgua ûgu îgûrû rîenu bwinthe, n'ûntû imbwendeete mûno. Ibûnteetheetie ngûgîîni îno ya mwanya, îra Ngai ampete nduta. Ibwanteethiirie kûrûîrîîra ntheto îmbega twonania n'ya mma na ibûgûnteethia ndî niû îîndî ndî nceera.

APIRIPI 2:22

Ibwiyî Timotheo we noonanîîtie bûra akari. Tûrutîîte n'we ngûgî ta mwana na îthe, n'ûntû bwa ntheto îmbega.

APIRIPI 4:15

Biû bwingwa ibwiyî nkuuma gûtûmîîria ntheto îmbega gîteere kîa Macendonia ntugûûni cia mbere, gûtirî kanica îngî yanteethia împa gîntû, tatiga biû Apiripi. Twatumîîte ûnyanya bwa kwewa na kweyana.

APIRIPI 4:3

Woû tûrutaga ngûgî naawe, ingûkûûria ûteethie eekûrû babu, woû mwîtîgua. Itwarutîîte ngûgî ya gûtambia ntheto îmbega na bo na inya mûno tûrî na Kîrementi na bara bangî twarî na bo. Mariîtwa maao imaandîke îbukuuni rîa mwoyo.

1 TIMOTHEO 2:8

Gûntû kunthe rîra bwîthîranaga amwe kûromba, ndîenda antû arûme bakîromba, barombe baûkîîrîtie njara ciao na njîra întheru, batarî na mûthûûro na batathetanîîtie.

2 TIMOTHEO 2:9

Na n'ûntû bwa gûtûmîîria ntheto îmbega, i kîo gîgûtûma nnyamaara ûûgû mwanka nkathaîkwa taka kûrî watho mbunîîte. Îndî amwe na ûgu kiugo kîa Ngai gîtithaîkîka.

2 TIMOTHEO 4:17

Îndî Mwathani we naarî amwe naani, ampa inya ndaûmba gûtûmîîria ntûmwa ya ntheto îmbega yonthe kîrî antû bonthe ba nthîgûrû ingî beegua, aambonokia mbere ya ntuîrwa kûûragwa.