APIRIPI 1:11 - Kîrîîkanîro Kîîyerû

¹¹ Na i rîo bûgaatuîka antû bakûrûthaga mantû maingî meega gûkûrûkîîra kîrî Yiesû Kîrîstû. Bwarûtha ûgu bûkoonania ibûgûtîîya Ngai na ibûkûmûkumia.

APIRIPI 1:11 ပူးပေါင်းရင်းမြစ်များ

MATHAYO 5:16

Ta ûgu i ta bu werû bwenu bûbatîîrue bûmûrîkîra antû kaingo boona mantû mara bûrûthaga i mantû meega, bakumia Abaagu ûra arî îgûrû.”

NJOANA 15:16

Ti biû bwanthuurire. I niû ndabûthuurire, ndabwathûra ndabûtuîkithia ba kwongeera maciaro nkûrûki, kwongeera kûra gûtagîtaûka. Na kaîrî, kaingo Baaba abwaa kîonthe kîra bûkaamûromba kwa riîtwa rîakwa.

NJOANA 15:2

Rwong'i rwakwa runthe rûra rûtaciaraga narutemaga, na rûra rûciaraga narutheragia kaingo rûciara nkûrûki.

NJOANA 15:8

Ibûtûmaga Baaba akumua bwaciara rûciaro rwingî na bwonanagia bûrî arutwa baakwa.

AROOMA 15:28

Rîra nkoona nkûthiria ngûgî înu, na ntige nkwona bakûgwata mbia irî cionthe ira bootheretwe, rîru i rîo nkaayîîra naagu kwenu nkîbwona nthiîte bwa Spania.

AROOMA 6:22

Îndî îîndî ibûthaûrîîtwe bwauma inyaani ya meeyia bwatuîka nkombo cia Ngai. Îîndî bûrûthaga mantû mara mareetaga ûtheru na baita ya mo i mwoyo wa tene na tene.

1 AKORINTHO 10:31

Kwoogu gîntû kîonthe kîra bûkaarîa kana bûkaanyua, kîrîyageeni na kînyunyageeni bûgîkumagia Ngai.

2 AKORINTHO 9:10

Ngai ûra eeyaga mwandi mbeû na akaa antû irio bia kûrîa agaatûma mbeû îra abwete yuma maketha maingî mûno ma wagîru bwenu.

AEBEESO 1:12

Atûtaarîîte kaingo tiû bara twarî ba mbere buru kûgîa na wîrîgîîro na Kîrîstû tûkumithia Ngai ûra arî mwago.

AEBEESO 1:14

Kîrundu n'we oonanagia wabu ûgu i bu kûrî, mwanka rîra Ngai agaakûûra antû baake rîa mûthia, rîra agaatwa rûgai rwetû. Arookumua Ngai ûra arî mwago.

AEBEESO 2:10

I Ngai atûmîîte twîgua tûkari ûgu tûkari. Ngai aatûûmbire tûrî ndeni ya Kîrîstû Yiesû, kaingo tûrûthaga mantû meega ta bûra mûbango wake wakari kuuma tene.

AEBEESO 5:9

Maciaro ma werû bûbû i mîthemba yonthe ya wega, wagîru na ûmma.

APIRIPI 4:17

Na ntikuuga ûgu n'ûntû bwa kwenda bûntûmagîra biewa. Ga nkwenda bûthaarimwa n'ûntû bwa bûra bûndûthîrîte.

AKOROSAI 1:10

Rîru mûtûûrîre wenu ûkeegua ûkîonania bûrî antû ba Mwathani na bûkamûkenagia na njîra cionthe. Bûkaathi na mbere kûrûtha mantû meega ma mîthemba yonthe na bûkeerutana kûmenya Ngai nkûrûki.

AKOROSAI 1:6

Ntheto înu îmbega bwatûmîîrue nîtambîîte nthîgûrû yonthe, yagarûra mîoyo ya antû gûntû kunthe ta bûra yabûgarûrire bûkûmîîgua rîa mbere, bwamenya ûmma bwa ûtugi bwa Ngai.

2 ATHESARONIKE 1:12

Gûkari ûgu, bûgaakumia riîtwa rîa Mwathani wetû Yiesû na akabûkumia kûringana na ûtugi bwa Ngai wetû na Mwathani Yiesû Kîrîstû.

TITO 3:14

Nwa mwanka antû beetû beerutane kwîruta kûrûthaga mantû meega kaingo baingia moobatu. Batibatîîrue bakaraga woogu mana.

AIBIRANIA 12:11

Rîra wîgagua tûkîonua kûra tûbîtagîria, tûtikenaga. Wîgagua tûkîîgua ûrûrû na tûtikenaga. Îndî nyumaani bara beegagua booneete baita kuumania na kwoneerua kûra babîtagîria, iboonaga maumithio ma wagîru na ûkiri.

1 PETÛRÛ 2:12

Menyagîîraani mûkarîre wenu kîrî bara bateetîgîîtie Ngai. Baûmba kûbûtuîrîîra bakauga ibûrûthîîte mantû maathûûku. Îndî bakaaya kwona bûrûthaga mantû meega bagaakumia Ngai ntugû îra antû bonthe bakaagiitîrwa îgamba.

1 PETÛRÛ 2:5

Wana biû bûrî maiga marî mwoyo. Ngai arîbûtûmîra gwaka nyomba întheru ya gîîkîrundu. Gûku nyomba înu i ku bûkaamûgongagîra na i ku bûkaamûrutagîra ngûgî bûrî athînjîri baake baatheru. Bûkaamûrutagîra igongwana bia gîîkîrundu gûkûrûkîîra kîrî Yiesû Kîrîstû akabiîtîgîîria.

1 PETÛRÛ 2:9

Îndî biû bûrî bara Ngai athuurîîte. Bûrî athînjîri ba mûciî wa ûnene wa Ngai. Bûrî antû baatheru bara Ngai atuîkithîîtie antû baake ba mwanya. Ngai aabûthuurire bwîra antû bûra wega bwake bûgana. N'we aabwîtire bwauma mwinduuni bwaya werûûni bwake bwa kûrigaria.

1 PETÛRÛ 4:14

Muntû agakûruma n'ûntû bwa bûra ûrî Mûkîrîstû, thûkagiani gîku kîrî kîthaarimo n'ûntû i ta kwonania Kîrundu ûra arî mwago, Kîrundu wa Ngai, arî naabi.