APIRIPI 1:10 - Kîrîîkanîro Kîîyerû

¹⁰ na bûmenye kûthuura bûrûthage mantû mara meega kîrî monthe. Rîru i rîo bûgaatuîka antû baatheru, na batarî na mabîtia mwanka rîra Kîrîstû agaacooka.

APIRIPI 1:10 ပူးပေါင်းရင်းမြစ်များ

MATHAYO 16:23

Yiesû aûndûka amwîra, “Taaria aaga ndî, Saitaani, n'ûntû nûkûndigîîria ntiraingia kwenda kwa Ngai. Mathûgaanio maaku ti ma kîîngai i ma kîîmuntû.”

MATHAYO 26:33

Petûrû amwîra, “Wana weegua baba bangî bonthe bagagûtiga bathi, niû ntiithi ngûtiga.”

NJOANA 1:47

Yiesû akwona Nathanieri aayîîte, auga, “Na mma, ûyû n'we Mwisiraeri ûra ataaragia ûrongo.”

NJOANA 3:20

Muntû wonthe ûra arûthaga mantû maathûûku nameneete werû na atienda kuumîra, n'ûntû nakuthûkaga mantû mara arûthaga mamenyekana.

NGÛGÎ 24:16

Kwoogu rîonthe ncûûgagia kwîgua atî, nkorooni yakwa ntikwîgua ndî na mabîtia kîrî Ngai kana kîrî muntû.

AROOMA 12:2

Bûtikaathingatîîre bûra bara barî ba nthîgûrû barûthaga. Îpaani Ngai kaanya abûgarûre abwe mathûgaanio mangî. Rîru i rîo bûkaûmba kûmenya bûra eendaga kûrûthwa, bûra bwega, bûra bûmûkenagia, na mûkarîre wa mwîtîgîri ûmûkûrû.

AROOMA 12:9

Endagaani bara bangî, na beendageeni kwenda kwa mma. Menagaani ûntû bûûthûûku. Rûmagîîraani ûntû bwega.

AROOMA 16:17

Aruayia na aarayia, ndîbwîra nkîbûkinyagîîria atî, bwîmenyeere kîrî bara batûmaga antû baathûkana na bagatûma wîtîgio bwao bûgîa thîîna kuumania na ûrutani bûra barutanaga, bûra bûtagwatanagîra na bûra bwarutanirwe. Bûtikaathengeere antû ta babu.

AROOMA 2:18

na bûra eendaga kûrûthwa. Uugaga wîrutanîîte na watho kwathûrana wega na ûthûûku,

AROOMA 7:16

Kwoogu ûkoona ndûthaga bûra nteendeete kûrûtha, i ta kwonania inkûgwatanîra na kuuga atî watho i bwega.

AROOMA 7:22

Mathûgaaniani maakwa mbîgagua nkîgwatanîra na watho bwa Ngai.

AROOMA 8:7

Mathûgaania mara maathagwa n'inya ya mûtugo wa kîîmuntû matigwatanagîra na Ngai. Bara barî mathûgaania ta mamu batiendaga kwathîkîra watho bwa Ngai. Na kwaria mma, ibaremagwa kûbuathîkîra.

1 AKORINTHO 1:8

Ngai agaatûma bûkaraga bûrikîîte mwanka ntugû ya mûthia, kaingo bwîgua bûrî na riîtwa rîega rîra Mwathani wetû Yiesû Kîrîstû akaaya kaîrî.

1 AKORINTHO 10:32

Bûtikaarûtheeni ûntû bûûmba kûreetera Ayaundi, bara batarî Ayaundi, kana kanica ya Ngai, thîîna.

1 AKORINTHO 8:13

Kwoogu ûkaaya kwîgua irio bira ndîyaga bitûmaga mûruayia kana mwarayia ataratara wîtîgioni, ntibirîa kaîrî rî kana rî, kaingo ntatûma bataratara wîtîgioni.

2 AKORINTHO 1:12

Nkorooni cietû itwîgagua tûtirî na mabîtia. Nwa tuuge tûkeneete mantû mara tûrûthaga gûkû nthîgûrû, na mûno mûno kîrî biû, twarûthire mo tûtarî na ûntû bûûthûûku, tûrî na mathûgaanio meega mbere ya Ngai. Tûûmbîîte kûrûtha mantû mamu monthe n'ûntû bwa ûtugi bwa Ngai, t'ûntû bwa ûûme bûra antû barî.

2 AKORINTHO 2:17

Tiû tûtikari ta antû baingî bara bacûaga kwona mbia na gûtûmîîria kiugo kîa Ngai. Tûtûmagîîria ntûmwa îra Kîrîstû atwete tûrî aruti ngûgî ba Ngai tûtarî na mantû mangî. Na wana Ngai naiyî ûgu.

2 AKORINTHO 6:3

Tûtikwenda ngûgî yetû yonekana îrî na mabîtia. Kwoogu i tûcûûgagia mûno kwona gûtirî muntû tûreekîîra kîrîgîîria.

2 AKORINTHO 8:8

Îndî tika nkûbwîra nwa mwanka bûrûthe ûgu ndauga. Ga nkwenda kwona bûra wendo bwenu bûrî bwa mma rîra nkûbûganaania na antû bangî bara bakwenda gûteethania.

AGARATIA 5:11

Î niû naani, aruayia na aarayia, ûkaaya kwîgua ntûmagîîria mantû ma ntaano nkauga antû bataanagwe rî, i kî îîndî n'ûntû nnyamaaragua? Ûkaaya kwîgua n'ûmma, ûgu i bu ndûthaga, ntûmîîri îno ntûmagîîria ya mûtharaba wa Kîrîstû îtireeta thîîna nwa aniini.

AEBEESO 4:15

Ga twîrage antû ûmma na tûbeendage kaingo tûkûra nkûrûki na njîra cionthe tûkare ta Kîrîstû. Kîrîstû n'we kîongo gîa kanica.

AEBEESO 5:10

Geriani kûmenya mantû mara makenagia Mwathani.

AEBEESO 5:27

Na gîtûmi gîake kûrûtha ûgu, eendaga kwîrûthîra kanica îrî mwago, îtarî karanga, îtarî nkûnjaru, kana îkari ûntû nwa bûrîkû ta bûbu kaingo îîgua îrî ntheru na îtarî na îbîtia.

AEBEESO 6:24

Ûtugi bwa Ngai bûrookaraga na bonthe bara beendeete Mwathani wetû, Yiesû Kîrîstû na wendo bûtathira.

APIRIPI 1:16

Na barûthaga ûgu na wendo, n'ûntû ibaiyî i Ngai ampete ngûgî ya kûrûîrîîra ntheto îmbega.

APIRIPI 1:6

Ngûgî îra Ngai aanjîîrie ndeni yenu i ngûgî îmbega. Na ndî na mma Ngai akaathi na mbere n'yo mwanka îthire, rîra Kîrîstû agaacooka.

APIRIPI 2:16

Gwataani ntheto îra yeyaga antû mwoyo bûmiitie kaingo mbûkeneera ntugû îra Kîrîstû agaacooka. Bûbu i bu bûkoonania ngûgî îra ndutîîte kîrî biû t'ya mana.

1 ATHESARONIKE 3:13

Inkûromba nkoro cienu ciîgue irikîîte, irî intheru, na itarî na mabîtia nwa aniini meethooni ma Ngai Baaba, rîra Mwathani wetû Yiesû Kîrîstû akaaya na atheru baake bonthe.

1 ATHESARONIKE 5:21

Îndî thimagaani mantû mara bûkeegagua, bwîtîgîre bûra bûkeegua bûrî bwega.

1 ATHESARONIKE 5:23

Itûkûromba Ngai ûra atweyaga ûkiri abûtuîkithie baatheru na njîra cionthe. Itûkûromba atûme nkoro cienu na mîîrî yenu îkarage îtarî na mabîtia, mwanka rîra Mwathani wetû Yiesû Kîrîstû agaacooka.

1 NJOANA 4:1

Eendwa, bûtigeetîgagie irundu bionthe bira birî na antû. Ambagaani bûkabigeria bûkoona kana i bia Ngai, n'ûntû iroria biingî bia ûrongo ibiumîrîte nthîgûrû.

KÛGWÛRÎRWA 2:2

Imbiyî bûra ngûgî îra ûrutaga îkari. Na imbiyî ûrutaga ngûgî na inya mûno ûtagûkua nkoro. Imbiyî ûtiendaga kwona bara barûthaga mantû maathûûku. Na nûgereetie bara baugaga n'atûmwa na ti bo, woona ibarongoaga.