APIRIPI 1:1 - Kîrîîkanîro Kîîyerû

¹ I tiû Paûrû na Timotheo tûkûbwandîkîra baarûa îno, tûrî aruti ngûgî ba Yiesû Kîrîstû. Tûrîbwandîkîra biû antû ba Ngai bûrî Piripi, atongoria beenu na ateetheeria bara bûrî ndeni ya Kîrîstû Yiesû.

APIRIPI 1:1 ပူးပေါင်းရင်းမြစ်များ

MAARIKO 13:34

Gûkari ta muntû arî na rûgendo, na mbere ya athi agatiga eera woora mûruti ngûgî wake bûra akaarûtha. Na akeera kinya mûkaria mûrango akarage araithîrîte.

NJOANA 12:26

Muntû wonthe ûra akwenda kûndutîra ngûgî nwa mwanka aanthingate, kaingo ara ûkeegua ndî, wîgua mûruti ngûgî wakwa arî amwe naani. Na muntû wonthe ûra akaandutîra ngûgî, Baaba akamwaa gîtîîyo.”

NGÛGÎ 1:20

Petûrû aathi na mbere kwaria. Auga, “Îbuku rîa Cabuurî na rîo riugîîte ûûgû mantûûni ma muntû ta ûyu, ‘Nyomba yake nîkare îrî îkurungu. Gûtikaagîte muntû athaamîra ku.’ Kaîrî rîauga, ‘Muntû ûngî nathûkie kaanya gaake.’

NGÛGÎ 20:28

Kwoogu îmenyeereeni bwingwa na menyeeraani bara Kîrundu Ûmûtheru athuurîîte bûbacûûbîra. Rîîthiani kanica ya Ngai îra atuîkithîîtie yake na nthakame ya Mwana wake.

NGÛGÎ 9:13

Anania eera Mwathani, “Mwathani, imbîgîîtue mantû ma muntû ûyu kuumania na antû baingî, bûra athîînîîtie antû baaku Njerusaremu.

AROOMA 1:1

I niû Paûrû, mûruti ngûgî wa Yiesû Kîrîstû, nkûbwandîkîra. Ndeetirwe i Ngai ntuîka mûtûmwa wake, aanthuura ntûmîîria ntheto yake îmbega.

AROOMA 1:7

Ndîbwandîkîra biû bwinthe bara bûtûîre Rooma, bara bwendeetwe i Ngai abwîta bûtuîka antû baake baatheru. Ngai Baaba wetû na Mwathani Yiesû Kîrîstû baroobwaa ûtugi na ûkiri.

1 AKORINTHO 16:10

Timotheo akaaya kûûya naagu bwone bûkûmûgwata ûgeni bwega aaganîrwa kwîgua arî amwe naabi, n'ûntû i Mwathani akûrutîra ngûgî ta bûra na niû nkûmûrutîra.

2 AKORINTHO 1:1

I niû Paûrû nkûbwandîkîra tûrî na mûruayia wetû Timotheo. Ntuîkithîîtue mûtûmwa wa Kîrîstû Yiesû kûringana na wendi bwa Ngai. Tûrîbwandîkîra biû eetîgîri ba kanica ya Ngai ya Korintho na antû bonthe ba Ngai ba gûntû kunthe Akaaya.

AGARATIA 1:10

Î rîo rî, ga nkuuga ûgu nkîenda mbendwa n'antû kana i Ngai? Ka ngûcûûgia gûkenia antû? Arî. Ûkaaya kwîgua n'antû nkwenda gûkenia ûtiîgua ndî mûruti ngûgî wa Kîrîstû.

AGARATIA 3:26

I wîtîgio bwenu ndeni ya Yiesû Kîrîstû bûtûmîîte bwinthe bûtuîka aana ba Ngai.

AGARATIA 3:28

Kwoogu gûtirî mwanya wa Mûyaundi na muntû atarî Mûyaundi. Na gûtirî ûyû i nkombo na ûyû ti nkombo. Kana ûyû i muntû mûrûme, na ûyû i mûka. Bwinthe i gîntû kîmwe ndeni ya Yiesû Kîrîstû.

AEBEESO 1:1

I niû Paûrû nkûbwandîkîra, biû antû ba Ngai ba Ebeeso. Ntuîkithîîtue mûtûmwa wa Kîrîstû Yiesû kûringana na wendi bwa Ngai. Ndîbwandîkîra biû bûrî eetîgua ndeni ya Kîrîstû Yiesû.

AEBEESO 1:15

N'ûntû bwa ûgu, kuuma rîra ndeegiirue bûra bwîtîgîîtie Mwathani Yiesû na bûra bwendeete antû ba Ngai bonthe,

AEBEESO 6:24

Ûtugi bwa Ngai bûrookaraga na bonthe bara beendeete Mwathani wetû, Yiesû Kîrîstû na wendo bûtathira.

APIRIPI 2:19

Weegua i kwenda kwa Mwathani Yiesû, inkwîrîgîîra gûtûma Timotheo kîrî biû nyuma ya îgiita rîtarî rîraaya kaingo ndamenya bûra bûrî ngîa wîru.

APIRIPI 2:5

Bûbatîîrue bwîgua bûrî na mathûgaanio ta ma Yiesû Kîrîstû na bûkara ta we.

APIRIPI 3:12

Tika nkuuga ûntû bûbu ibûtuîkîkîîte, ndî ûmwagîru kûrû. Ntikûrî kwingia yerekeeria rîru. Ingûcûûgia na inya mûno kwingia rîo kîra mbîtîrîtwe gîtuîka gîakwa n'ûntû i kîo gîatûmire Kîrîstû aantuîkithia wake.

APIRIPI 3:3

Tiû i tiû tûtaanîîtwe rûtaano rwa mma. Tûgongaga Ngai tûrî na Kîrundu na tûkumagia Kîrîstû Yiesû. Kûringana na wîtîgio bwetû tûtiîgwatia kîîmuntû,

APIRIPI 3:8

Na ti mantû mamu monka. Mantû monthe i mootheri mmaganaanîîtie na baita ya kûmenya Kîrîstû Yiesû Mwathani wakwa. N'ûntû bwa Kîrîstû, intiganîîte na mantû mara mangî monthe. Mantû mara mangî monthe mmoonaga marî ma rûko kaingo nkara na Kîrîstû wenka,

1 ATHESARONIKE 1:1

I tiû Paûrû, Sairas na Timotheo tûkûbwandîkîra baarûa îno. Tûrîbwandîkîra biû antû ba kanica ya Thesaronike bûrî ndeni ya Ngai Baaba na Mwathani Yiesû Kîrîstû. Ngai aroobwaa ûtugi na ûkiri.

1 ATHESARONIKE 2:2

Ibwiyî bûra twanyamaarîîte bûgana na bûra twarumangîîrwe taûni ya Piripi, mbere ya tûkinya kwenu. Îndî Ngai naatûûmîîrie twaûmba kûbûtûmîîria ntheto yake îmbega amwe na kwîgua antû baingî ibaatûkararagia.

2 ATHESARONIKE 1:1

I tiû Paûrû, Sairas na Timotheo tûkûbwandîkîra, biû antû ba kanica ya Thesaronike. Bûrî ndeni ya Ngai Baaba wetû na ndeni ya Mwathani Yiesû Kîrîstû.

2 ATHESARONIKE 1:10

Mantû mamu magaakarîka rîra Mwathani akaaya gûkaathwa mwago wake n'antû baake bara bamwitîgîîtie bamûkumue. Bûkeegua bûrî bamwe ba antû baake ntugû înu n'ûntû ibweetîgiirie ûkûûyî bwetû.

1 TIMOTHEO 1:2

Ndîkwandîkîra woû Timotheo mwana wakwa wengwa ndeni ya wîtîgio. Ngai Baaba na Kîrîstû Yiesû Mwathani wetû barookwaa ûtugi, kîao na ûkiri.

1 TIMOTHEO 3:8

Ateetheeria ba atongoria ba kanica wana bo babatîîrue beegua barî antû bathûgaanagia bwega na batakari ta njoka ya mîromo îîrî. Batikeegue barî anyui ncoobi înyingî kana beerirîîria ûtonga.

TITO 1:1

I niû Paûrû, mûruti ngûgî ya Ngai na mûtûmwa wa Yiesû Kîrîstû ngûkwandîkîra. Ndatuîkithiirue mûtûmwa nteethia kûrikithia wîtîgio bwa bara Ngai athuurîîte, na mbamenyithia ûmma bungwa bwa kîîngai

TITO 1:7

Na n'ûntû mûtongoria wa kanica i mûrûngamîîri wa ngûgî ya Ngai, nwa mwanka eegue arî muntû arî na riîtwa rîega. Ti muntû wa kwîbûkagîîria kana wa kûthûûrangaga na mpwî. Atikeegue arî muntû wa ntogoona, kana arî muntû aûmba kûringana, kana wa kwîrirîîria ûtonga.

PIREMONI 1:1

I niû Paûrû ngûkwandîkîra baarûa îno ndî nceera n'ûntû bwa Kîrîstû Yiesû. Ndîkwandîkîra tûrî amwe na mûruayia Timotheo, woû Piremoni mwendwa wetû na mûruti ngûgî îmwe naati,

AIBIRANIA 13:23

Inkwenda kûbûmenyithia atî mûrûayia wetû Timotheo, nararekiirue auma nceera. Akaaya naaga na mpwî, nkîîya nkamûreeta tûûye kûbwona.

NJAKUBU 1:1

I niû Njakubu mûruti ngûgî wa Ngai na Mwathani Yiesû Kîrîstû nkûbwandîkîra. Inkûbûkeethia biû mîîrîga îkûmi na îîrî bûnyageere gûntû na gûntû.

1 PETÛRÛ 2:25

Kûrî rîo bwakari ta ng'ondu ciûrîîte. Îndî îîndî ibûcookeete kîrî Mûrîîthi wenu, ta we Mûmenyeeri wa mîoyo yenu.

2 PETÛRÛ 1:1

I niû Simioni Petûrû, mûruti ngûgî wa Yiesû Kîrîstû nkûbwandîkîra. Ndî mûtûmwa wake. Ndîbwandîkîra biû Ngai atûmîîte bwîgua bûrî na wîtîgio bwa gîtûmi mûno ta bwetû. Twetwe bu i Ngai, Mwonokia wetû, Yiesû Kîrîstû kûringana na wagîru bwake.

NJUNDA 1:1

I niû Njunda mûruti ngûgî wa Yiesû Kîrîstû, mûruagina wa Njakubu nkûbwandîkîra. Ndîbwandîkîra biû bara Ngai Baaba eetîîte, biû eendeete, bara bûrî ûkariani bwa Yiesû Kîrîstû.

KÛGWÛRÎRWA 1:1

Gûkû i ku kûgwûrîrwa kûra Yiesû Kîrîstû aagwûrîîrwe i Ngai, kaingo agwûrîra athingati baake mantû mara meengeerie gûtuîkîka kagiita gatarî karaaya, gûtarî kîrigîîria. Yiesû aatûmire mûraîka wake kaingo amenyithia mo Njoana, mûruti ngûgî wake.

KÛGWÛRÎRWA 1:20

Aambîîra, “Ga nkuumbûrîre bûra nthata ino mûgwanja ûkwona irî njaraani yakwa ya ûrîo, na bûra taa ino mûgwanja cia thaabu ikwonania. Taa ino mûgwanja i makanica mûgwanja. Nthata ino mûgwanja n'araîka ba makanica mamu.”

KÛGWÛRÎRWA 19:10

Ndaturia maru ngonga mûraîka ûyu aambîîraga mantû mamu. Îndî nkiuga mmûgonga aambîîra, “Arî, ûtikangonge! Niû ndî mûruti ngûgî ta woû, kana aruanyûkwe na aaranyûkwe bara barikîîtie ntûmwa ya mma ya Yiesû. Gonga Ngai!” (Kûrikia ntûmwa ya Yiesû i kwîgua muntû arî na Kîrundu ûra aaragia gûkûrûkîîra kîrî iroria.)

KÛGWÛRÎRWA 2:12

“Na andîkîra mûraîka wa kanica ya Pagamamu mantû mama.” Mwîre, “Ûra arî na rûyiû rûûgî mbarî cionthe ariuga ûûgû.

KÛGWÛRÎRWA 2:8

“Na andîkîra mûraîka wa kanica ya Simaana ûmwîre mantû mama.” Mwîre, “Ûra eetagwa mbere na mûthia, ûra aakuire na acooka gûtûûra mwoyo kaîrî, ariuga ûûgû.

KÛGWÛRÎRWA 22:9

Îndî warîra nkiuga mmûgonga, mûraîka ûyu aambîîra, “Arî, ûtikangonge! Niû ndî mûruti ngûgî ta woû, kana ta aruanyûkwe iroria, na bara barikîîtie nkorooni ciao mîgambo îno îrî îbukuuni rîrî. Gonga Ngai!”