AEBEESO 5:9 - Kîrîîkanîro Kîîyerû

⁹ Maciaro ma werû bûbû i mîthemba yonthe ya wega, wagîru na ûmma.

AEBEESO 5:9 ပူးပေါင်းရင်းမြစ်များ

MATHAYO 3:8

Rûthagaani mantû mara makoonanagia atî na mma bûkwîrira meeyia meenu.

NJOANA 1:47

Yiesû akwona Nathanieri aayîîte, auga, “Na mma, ûyû n'we Mwisiraeri ûra ataaragia ûrongo.”

AROOMA 15:14

Aruayia na aarayia, ndî na mma bûrî antû beega mûno, ibwiyî bûra bunthe bûbatîîrue bwîgua bûkîmenyaga, na ibûkûûmba kwîrutana.

AROOMA 2:4

Ngai nakwoneetie bûra arî kîao kîgana. Atikweyaga îkaanûkia nthûti îmwe na ainyîkagîria mara ûrûthaga kwa îgiita rîraaya, îndî ûtionaga bûbu ta ûntû. Ka ûtaiyî Ngai i kîao akwîgagua n'ûntû neendaga wîrira?

AEBEESO 4:15

Ga twîrage antû ûmma na tûbeendage kaingo tûkûra nkûrûki na njîra cionthe tûkare ta Kîrîstû. Kîrîstû n'we kîongo gîa kanica.

AEBEESO 4:25

Kwoogu, bûtikaarie ûrongo. Îranagaani ûmma n'ûntû twinthe tûrî tûcuncî twa mwîrî ûmwe.

AEBEESO 6:14

Kwoogu îthuuranîreeni. Îbogeeni ûmma ta mûciibi kauna. Ogeeraani wagîru ta îthaga rîa kûrigîîria kîbara gîtigaatonywe.

APIRIPI 1:11

Na i rîo bûgaatuîka antû bakûrûthaga mantû maingî meega gûkûrûkîîra kîrî Yiesû Kîrîstû. Bwarûtha ûgu bûkoonania ibûgûtîîya Ngai na ibûkûmûkumia.

AKOROSAI 3:18

Biû eekûrû, înyithagieni kîrî arûme beenu n'ûntû i bu kwagîrîte kîrî bara beetîgîîtie Mwathani.

1 TIMOTHEO 6:11

Îndî woû, muntû wa Ngai, îbûmbe gataaria na mantû ta mamu. Ûmia wone ûrî na wagîru bwa nkoro, ûngai, wîtîgio, wendo, kûûmîîria na kwînyithia.

AIBIRANIA 1:8

Îndî îgûrû rîa Mwana, Ngai augîîte, “Wathani bwaku, woû Ngai, bûtikooro bûthira rî kana rî. Wathanaga ûgîtûmagîra ûmma.

AIBIRANIA 11:33

Wîtîgio bwao ibwatûmire barûa na nthîgûrû ira ingî baicinda. Baatûûraga ûtûûro bwagîru na beewa mawîrane i Ngai. Ngai naaboonokagia kuuma kîrî tûnywa twa cimba,

1 NJOANA 2:29

Ibwiyî n'ûmwagîru na ibwiyî muntû ûra arûthaga bûra kwagîrîte i mwana wake.

3 NJOANA 1:11

Mwendwa, ûtikaathingate mantû mara mathûûku îndî thingata mantû mara meega. Muntû ûra arûthaga mantû meega, ûyu n'wa Ngai. Îndî ûra arûthaga mantû maathûûku atiyî Ngai.