AEBEESO 5:3 - Kîrîîkanîro Kîîyerû

³ Gûtikeegue kûrî na ûmaramari, mantû mataagîrîte kana wîrirîîria gatîgatî keenu. Wana kûgweta bûtikaagwete mantû mama n'ûntû biû bûrî antû baatheru ba Ngai.

AEBEESO 5:3 ပူးပေါင်းရင်းမြစ်များ

MATHAYO 15:19

n'ûntû nkorooni i ku kuumaga meeciiria maathûûku, ûûragani, ûthûngîîri na ûtheria, wamba, ûkûûyî bwa ûrongo, na kûrumanga antû.

RUKA 12:15

Yiesû eera antû, “Îmenyeereeni bûtigaatanûkîre into. Muntû atiûmba gûtûûrua mwoyo n'ûtonga bwake.”

RUKA 16:14

*Abarisai bakwîgua ûgu, baanjîîria kûthekeera Yiesû n'ûntû ibeendeete mbia.

NGÛGÎ 15:20

Îndî tûbaandîkîreeni baarûa tûbeere batikaarîe irio bia kûrutîra ngai cia ûrongo. Na kaîrî tûbeere batikaarute ngûgî cia ûmaramari. Batikaarîe nyama cia nyamû îrîmbite, kana barîa nyama irî na nthakame.

NGÛGÎ 20:33

Gûtirî rîo ndeerirîria mbia kana nguo cia muntû.

AROOMA 1:29

Mantû monthe mara baarûthaga maarî wîyia bwa mûthemba unthe, ûthûûku, kuugîria ûtonga, na rûmena. Baatwîrie rûriitho, ûûragani, nkarari, wenania, kûthûgaananagîria ûthûûku, nguutû,

AROOMA 16:2

Ndeenda bûmûthûkia ta bûra bara barî ba Mwathani babatîîrue bathûkanagia. Na ndeenda bûmûteethagia na kîonthe kîra akeegagua arî na thîîna na kîo, n'ûntû wana we nateetheetie antû baingî. Wana niû ningwa aranteethia.

AROOMA 6:13

Bûtikaarûthe mantû maathûûku na gîcuncî kîa mîîrî yenu bûtûmîkîra wîyia na kîo. Îruteeni kûrû kîrî Ngai bûrî antû bara barutîîtwe gîkuûni baareetwa mwoyooni. Înenkeraani Ngai icuncî bienu bionthe bitûmîke kûrûtha mantû maagîru.

1 AKORINTHO 10:8

Tûtikeeyieni wîyia bwa ûmaramari, ta bûra bamwe ba Aisiraeri baarûthire, baakua antû ngiri mîrongo îîrî na bathatû ntugû îmwe.

1 AKORINTHO 5:1

Igûkwîrîkana kûrî we wacienu arutîîte ngûgî ya ûmaramari. Na bu bûkîaa n'ûmaramari bûtarûthagwa kinya i bara bateetîgîîtie Ngai. Kûrîîrîkana kûrî we aamaamaga na mwekûrû wa îthe,

1 AKORINTHO 6:13

Na waûmba kwîgua ûngî n'we akiuga, “Nda n'ya gwîkîra irio, na irio i bia gwîkirwa nda.” Bûbu n'ûmma, îndî Ngai akeenyangia bionthe birî biîrî. Mwîrî t'wa gûtûmîka na njîra ya ûmaramari. Ûbatîîrue ûtûmîka n'ûntû bwa Mwathani, Mwathani n'we amenyagîîra mwîrî.

1 AKORINTHO 6:18

Kuthûkaani wîyia bwa ûmaramari. Meeyia mara mangî monthe muntû arûthaga, amarûthagîra ome ya mwîrî wake, îndî ûra eeyagia wîyia bwa ûmaramari, i mwîrî wake wengwa eeyagîria.

2 AKORINTHO 12:21

Inkwîrîgîîra rîra nkaaya Ngai atikambooreerie ngwatwa i kîeba n'ûntû bwa baingî beenu bara beeyiirie na bateerira ûthûûku bwao, ûmaramari, na mantû ma îgi mara baarûthire.

AEBEESO 5:12

Bûrî nthoni kinya kûgweta mantû mara antû bara bataiyî Ngai barûthagîra withooni.

AEBEESO 5:5

Menyaani bwega gûtirî we akaathi ûneneeni bwa Kîrîstû na Ngai arî mûmaramari, kana arûthaga mantû mataagîrîte, kana arî mwîrirîîria (n'ûntû wîrirîîria bûthûkagia kaanya ka Ngai).

APIRIPI 1:27

Îndî wana ndakara ata, bûtikaariganîrueni i gûkaraga mûkarîre ûra ûgaatûma ntheto îmbega ya Kîrîstû îtîîywa. Kwoogu ndaaya kûbwona kana ndaremwa kûûya, ndeenda kwîgua ibûrikîîte wîtîgioni bûgwatanîrîte. Ndeenda kwîgua bûrîrûîrîîra wîtîgio bûra tûrî na bu kuumania na ntheto îmbega bûgwatanîrîte.

AKOROSAI 3:5

Kwoogu karagaani taka bûrî baakuû kîrî mantû ma kîînthîgûrû: mantû ta ûmaramari, mantû ma rûko, na bata ya kûrûtha mantû maathûûku. Bûtikeerirîîrie into bia antû kwîrirîîria gûku kûthûkia kaanya ka Ngai.

1 ATHESARONIKE 4:3

Ngai eendaga bûkaraga bûrî baatheru na bûtakûruta ngûgî cia ûmaramari.

1 ATHESARONIKE 4:7

Ngai atwîtîîte tûtûûraga tûrî baatheru, ti tûtûûraga tûkîrûthaga meeyia.

1 TIMOTHEO 2:10

Îndî, iboonanagie ûthongi bwao na mîkarîre ya kûrûthaga mantû meega akî, n'ûntû i bu kwagîrîte kîrî aka bara bakuthûkîîte Ngai.

1 TIMOTHEO 3:3

Atikeegue arî muntû wa ntogoona, kana arî muntû aûmba kûringana. Neegue arî muntû ûmûbooreru na wa ûkiri. Atikeegue arî muntû wa kwenda ûtonga.

1 TIMOTHEO 6:10

Kwenda mbia mûno i ku kuumaga mantû maathûûku monthe. Antû bamwe bagîcûa mbia ibaumîîte wîtîgioni, beenogia nkoro na kîeba kiingî mûno.

2 TIMOTHEO 3:2

Antû bagaatuîka eebendi, eendi mbia, eekumia, batue kwîbûkagîîria na batuîke arumani. Aana barege kwathîkîra aciari baao, antû baage nkuma, batuîke bara batarî batheru nkorooni,

TITO 1:11

Antû baba nwa mwanka beerwe batige n'ûntû ibaindiganîîtie antû ba mîciî îmingî bakîrutanaga mantû mara batabatîîrue barutana. Na barîrûtha ûgu kûringana na wîrirîîria bûra barî na bu bwa kwenda ûtonga.

TITO 1:7

Na n'ûntû mûtongoria wa kanica i mûrûngamîîri wa ngûgî ya Ngai, nwa mwanka eegue arî muntû arî na riîtwa rîega. Ti muntû wa kwîbûkagîîria kana wa kûthûûrangaga na mpwî. Atikeegue arî muntû wa ntogoona, kana arî muntû aûmba kûringana, kana wa kwîrirîîria ûtonga.

TITO 2:3

Îra kinya eekûrû bara bakûrû wana bo bakarage rîonthe barî eekûrû ba mîkarîre îmîtheru. Na ti bakaraga bagîtuuyanagîîra ûrongo kana beegua barî nkombo cia ncoobi. Nwa mwanka kinya bo barutanage mantû meega,

AIBIRANIA 12:16

Nwa mwanka bwone gûtirî we akûruta ngûgî cia ûmaramari, kana atatîîyaga Ngai ta Esaû ûra eendiirie ûrikithaathi bwake bwa mwana wa mbere na irio bia îrîa rîmwe.

1 PETÛRÛ 5:2

Ndîbûkinyîîria bûrîîthagie ng'ondu cia Ngai, nabwîtîgîîtie na cio. Ciraithîreeni na nkoro ya kwenda na t'ûntû na bûra bwagîrîtwe bûciraithîra. Rûthagaani ûgu n'ûntû ibûgûkeneera kûruta ngûgî înu îndî t'ûntû bwa ûtonga.

2 PETÛRÛ 2:10

Na mûno mûno, Ngai akaanûkagia bara barûthaga mantû kûringana na mûtugo wa kîîmuntû, ta uu wa wîyia, bagaakwa rûko i mawîrirîîria maao. I bo bamenagîîria wathani. Aarimû babu ba ûrongo n'eekumia, gûtirî kîo kîbamakagia. Batikuthûkaga kwaria mantû mataagîrîte îgûrû rîa bara barî gîtîîyo.

2 PETÛRÛ 2:14

Waboona mûka rîonthe bathûgaanagia kûruta ngûgî ya ûmaramari n'we. Bata îra barî ya kûrûtha meeyia îtithiraga na ibateeyaga antû bara batarikîîte wîtîgioni. Beerutanire kûrega kûganîrwa. Na n'ûntû bwa mantû mara barûthaga i baarume i Ngai.

2 PETÛRÛ 2:3

Na n'ûntû bwa wîrirîîria bwao, aarimû babu bakabweneeria na ntheto itarî cia mma. Îndî Ngai nwa akwona bûra bakûrûtha na naabangire kûbatuîra îgamba wo tene. Na kwoogu kwînyangua ikûbeeteereete.

KÛGWÛRÎRWA 2:14

“Îndî kûrî mantû matagûnkenia. Antû bamwe baaku bathingataga moorutani ma Mbaraamu. Kîroria gîku kîa ûrongo i kîo kîarutanire mûnene wa Moabu ûra eetagwa Mbaraki, bûra akaarûtha atûme Aisiraeri beeyia. Aatûmire beeyia na njîra ya kûrîa irio birutîrîtwe ngai cia ûrongo na njîra ya kûruta ngûgî cia ûmaramari.

KÛGWÛRÎRWA 2:21

Mmweete kaanya ga kwîrira, îndî atikwenda kwîrira wîyia bwake.

KÛGWÛRÎRWA 21:8

Îndî iguaya, bara batarî wîtîgio, bara barûthaga mantû mara mataankenagia, aûragani, bara barutaga ngûgî cia ûmaramari, arogi, bara bagongaga ngai cia ûrongo, na bara bonthe baaragia ûrongo, babu bonthe bakaagerwa îriani rîra rîa mwanki wa ûbiriti, ta rîo îkua rîa maîrî.”

KÛGWÛRÎRWA 22:15

Bara barî ome ya taûni înu n'antû baathûûku, arogi, amaramari, aûragani, arombi ngai cia ûrongo, na eendi ûrongo.

KÛGWÛRÎRWA 9:21

Na bateerira batigana na ûûragani, kana marogi, kana ûmaramari, kana wamba bwao.