AEBEESO 5:2 - Kîrîîkanîro Kîîyerû

² Karagaani bwendeene ta bûra Kîrîstû aatwendire, aakua n'ûntû bwetû arî kîgongwana, Ngai eetîgîîria akeneete.

AEBEESO 5:2 ပူးပေါင်းရင်းမြစ်များ

MATHAYO 20:28

ta bûra Mwana wa Muntû ataaya gûtûmîkîrwa. Aayire gûtûmîkîra antû na kûruta mwoyo wake wonokia antû baingî.”

NJOANA 13:34

“Na îîndî inkûbwaa yathana rîngî rîîyerû. Na rîo i rîrî: endanagaani. Endanagaani ta bûra naani mbwendeete.

NJOANA 6:51

I niû mûgaate ûra ûrî na mwoyo, ûra waumire îgûrû. Muntû ûra akaurîa agaatûûra mwoyo tene na tene. Na mûgaate ûra nkeeyana n'ûntû bwa mîoyo ya kîrîndî kîa nthîgûrû, i nyama cia mwîrî wakwa.”

AROOMA 15:16

ya kwîgua ndî mûruti ngûgî wa Yiesû Kîrîstû kîrî bara batarî Ayaundi. Ndutaga ngûgî ta ya mûthînjîri wa Ngai. Mbarutanaga ntheto îmbega ya Ngai, kaingo beegua barî ta kîgongwana kîthereetue i Kîrundu Ûmûtheru, kîra Ngai aûmba gwîtîgîîria.

AROOMA 4:25

Yiesû aarutirwe arî kîgongwana n'ûntû bwa meeyia meetû, na aariûkire kaingo twagîrithua i Ngai.

AROOMA 8:3

Watho ibwaremirwe gûtwonokia n'ûntû bwa mûtugo wetû wa wîyia. Îndî Ngai aatûmire Mwana wake eegua arî muntû ta tiû, eeyia, kaingo amûruta arî kîgongwana n'ûntû bwa meeyia meetû na kaingo athiria inya îra maarî kîrî tiû.

AROOMA 8:37

Îndî mantûûni mamu monthe i tiû acindi na kûraaya gûkûrûkîîra kîrî Kîrîstû ûra aatwendire.

1 AKORINTHO 16:14

Bunthe bûra bûkaarûthaga, bûbatîîrue bûburûthaga bûrî na wendo.

1 AKORINTHO 5:7

Wîyia bûkari ta ndawa ya kwimbithia mîgaate. Îtherieni kuumania na ndawa ya kwimbithia mîgaate bûtuîke mûtu ûngî ûmûkande, ûtarî mwîkîre ndawa. Yiesû aambirwe n'ûntû bwetû arî ta kagondu kara kaûragagwa îgiita rîa kîatho gîa *Pasaka.

2 AKORINTHO 2:14

Amwe na kwîgua ûgu i bu kwarî, nkaatho i kîrî Ngai ûra atûûmbithagia gûcinda rîonthe tûrî ndeni ya Kîrîstû na agatûtûmîra gûtambia ûmenyo bwake gûntû kunthe bûkari ta mîtaa.

2 AKORINTHO 2:15

Tiû tûkari ta mîtaa îkûrutîrwa Ngai i Kîrîstû îgîtambaga kîrî bara boonokeetue na bara baûrîîte.

2 AKORINTHO 8:9

Ibwiyî ûtugi bwa Mwathani wetû Yiesû Kîrîstû. Amwe na kwîgua aarî ûmûtongu eetuîkithiirie nkîa n'ûntû bwenu kaingo abûtongia na ûkîa bwake.

AGARATIA 1:4

I kaingo atûthaûra tuuma ûthûûkuuni bwa nthîgûrû îno, Yiesû neepeyanire n'ûntû bwa meeyia meetû kûringana na bûra Ngai Baaba wetû eendeete.

AGARATIA 2:20

Indaambanîîrue amwe na Kîrîstû mûtharabaani na ndakuyanîria n'we kaingo gûtuîka niû ntirî mwoyo, i Kîrîstû atûîre ndeni yakwa. Ûtûûro bûbû ndî na bu îîndî, ntûîre na wîtîgio kîrî Mwana wa Ngai ûra aambendire aakua n'ûntû bwakwa.

AEBEESO 1:4

Mbere ya kûûmbwa kwa nthîgûrû, Ngai naarî agûtûthuura tûtuîka antû baake tûrî ndeni ya Kîrîstû, kaingo tûtûûra tûrî baatheru na tûtarî na mabîtia kîrî Ngai.

AEBEESO 3:17

Inkûromba Kîrîstû atûûrage nkorooni cienu n'ûntû bwa wîtîgio bwenu. Inkûbûrombera bwîrikia wendooni na bwakîka rwaraani rwa wendo,

AEBEESO 3:19

Bûroomenya wendo bwake kaingo bûûmba kûûyûrwa kûrû n'ûngai, kinya ûkeegua bûtimenyekana bunthe.

AEBEESO 4:15

Ga twîrage antû ûmma na tûbeendage kaingo tûkûra nkûrûki na njîra cionthe tûkare ta Kîrîstû. Kîrîstû n'we kîongo gîa kanica.

AEBEESO 4:2

Rîonthe îgaguani bwînyiîtie na bûrî abooreeri. Bûtikeegue bûrî antû ba mûthûûro. Onanagiani wendo kîrî bara bangî, kinya bara babûbîtagîria.

AEBEESO 5:15

Kwoogu îmenyeereeni mûno mûtûûrîreeni wenu. Bûtigaakareeni ta bia. Karagaani ta antû baûgî.

AEBEESO 5:25

Naabi, arûme, endagaani eekûrû beenu ta bûra Kîrîstû eendire kanica eeruta, aakua n'ûntû bwa yo.

APIRIPI 4:18

Îîndî ndî na bia kûgana na biakûrûkîîria! Ndî ûmûganîre mûno nkûrûki i biewa bira bwanenkeere Epabironditas aandeetera. Biewa bienu bikari ta kîgongwana kîrî mûcinko ûrî mûrîo, kîra Ngai eetîgîîrîîtie na gîkûmûkenia.

AKOROSAI 3:14

Na nkûrûki ya mantû monthe endanagaani n'ûntû wendo i bu bûtûgwatithanagia kûrû.

1 ATHESARONIKE 4:9

Gûtirî na gîtûmi gîetû kûbwandîkîra tûbwîra bwendage eetîgîri bara bangî, n'ûntû biû bwingwa ibûrutanîîtwe i Ngai kwendanaga.

1 TIMOTHEO 2:6

ûra eepeeyanire kaingo akûûra kîrîndî kîonthe kiuma meeyiani, kagiita kara Ngai aabangîîte.

1 TIMOTHEO 4:12

Ûtikaareke muntû akûbûthia n'ûntû bwa wîthî bwaku. Îndî tuîka ngerekano îmbega kîrî bara bangî beetîgîîtie Ngai, boone kuumania na rwaria rwaku rûra waaragia, mûkarîre waku, wendo, wîtîgio na ûtheru bwaku bwa nkoro.

TITO 2:14

Kîrîstû eerutire n'ûntû bwetû atûkûûra kuuma meeyiani ma mîthemba yonthe, atûtheria twatuîka baake wenka, na atûtuîkithia antû barî na wendo bwa kwenda mantû meega.

AIBIRANIA 8:3

Mûthînjîri ûra mûnene wonthe atuîkithagua we kaingo aruta ngûgî ya kûrutîra Ngai igongwana na biewa. Na kwoogu wana kinya Kîrîstû mûthînjîri wetû ûra mûnene, nwa mwanka eegue arî na gîa kûmûrutîra.

AIBIRANIA 9:14

Îndî nthakame ya Kîrîstû yo nîrûthaga manene nkûrûki ya ûgu! Kwa inya ya Kîrundu ûra atûûraga tene na tene, Kîrîstû neerutire arî kîgongwana kîra kîagîrîte kîrî Ngai. Nthakame yake îgatûtheria nkoro kuumania na mantû mara tûrûthaga mara maûmba gûtûma tûkua, i kaingo bûtûmîkîra Ngai ûra atûûraga mwoyo.

AIBIRANIA 9:23

Kwoogu ikwarî na gîtûmi gîa kûtheria into bibu na nthakame, bira birî ngerekano cia into bira birî îgûrû na njîra ta înu. Îndî into bira birî îgûrû bio biongwa biarî bitherue na igongwana biega mûno nkûrûki ya bibu bia nyamû.

AIBIRANIA 9:26

Ûkeegua Kîrîstû aakari ta we, kuuma rîra nthîgûrû yaûmbirwe nwa mwanka akîanyamaara maita maingî mûno. Kîrîstû we aayire îgiita rîrî tûrî rîra rîengeerie kûthira, kaingo eeruta rîmwe na gûtarî kaîrî, kûthiria meeyia.

1 PETÛRÛ 4:8

Na nkûrûki ya mantû monthe îthiini na mbere kwendana mûno n'ûntû wendo ibûkunîkagîra meeyia maingî.

1 NJOANA 3:16

Kwîruta kwa Yiesû na gûkua n'ûntû bwetû i ku gûtwonagia bûra wendo bûkari. Wana tiû itwagîrîtwe gûkua n'ûntû bwa eetîgîri bara bangî.

1 NJOANA 3:23

Na yathana rîake rîra atwete, n'atî twîtîgîre Mwana wake, Yiesû Kîrîstû na twendanage ta bûra atwathîîte.

KÛGWÛRÎRWA 5:9

Akûrû babu na biûmbe bira bina bainîra Kagondu rwîmbo rûûgeni. Rwaugaga, “Nwagîrîte wa kûnenkerwa îbuku rîru na wa kûrûmûra mûûra, n'ûntû nwaûragirwe, watûkûûra na nthakame yaku twatuîka ba Ngai, tiû antû ba mîîrîga yonthe, nthiomi cionthe, rangi cionthe, na mîgongo yonthe.