AEBEESO 4:4 - Kîrîîkanîro Kîîyerû

⁴ Kûrî mwîrî ûmwe na Kîrundu ûmwe ta bûra bweetirwe i Ngai bwîgua bûrî na wîrîgîîro bûmwe.

AEBEESO 4:4 ပူးပေါင်းရင်းမြစ်များ

MATHAYO 28:19

Kwoogu îthiini bûgatuîkithie antû ba nthîgûrû cionthe arutwa baakwa, bûkîbabaatithagia kwa riîtwa rîa Baaba, rîa Mwana na rîa Kîrundu Ûmûtheru.

NGÛGÎ 15:11

Twîtîgîîtie twonokagua kûringana na ûtugi bwa Mwathani Yiesû. Na wana bo i bu kûrî.”

AROOMA 11:29

Ngai ageeta muntû, we atigarûkaga. Kana weegua i kîewa kîna eete muntû, we aticookaga kûmûtunya kîo kaîrî.

1 AKORINTHO 10:17

Kûrî mûgaate ûmwe, kwonania twinthe wana kinya ûkeegua tûrî baingî, tûrî mwîrî ûmwe n'ûntû twinthe tûrîyaga mûgaate ûyu ûrî ûmwe ûgu.

1 AKORINTHO 12:20

Kwoogu kûrî icuncî biingî, îndî mwîrî n'ûmwe.

2 AKORINTHO 11:4

Bûtionaga îrî thîîna gûtûmîîrua i muntû woora araaya mantû ma Yiesû ûngî atarî ûra twabûtûmîîrie. Na ti thîîna kwenu gwîtîgîîria Kîrundu ûngî atarî ûra bwamenyire kuumania naati. Na ti thîîna kîrî biû gwîtîgîîria ntheto îngî îtarî îra mbega bwamenyire kuumania naati.

AEBEESO 1:18

Marombaani maakwa mbûûragia Ngai abûkunûre mathûgaania meenu kaingo bûmenya wîrîgîîro bûra Ngai aabwîtîîre na bûmenya bûra mwago wa rûgai rûra akaa antû baake ûgana.

AEBEESO 2:16

N'ûntû bwa gûkua gwake mûtharabaani, Kîrîstû naatûmire Ayaundi na bara batarî Ayaundi tûrî ta muntû ûmwe tweeganua na Ngai, aathiria ûthû bûra twarî na bu.

AEBEESO 2:18

Kwoogu gûkûrûkîîra kîrî Kîrîstû twinthe twaûmba kûthengeera Îthe tûrî Kîrunduuni ûra ûmwe.

AEBEESO 2:22

Ngai arîbûtûmîra gwaka ndeni ya Kîrîstû, bûtuîka ara aûmba gûtûura gûkûrûkîîra kîrî Kîrundu wake.

AEBEESO 4:1

Îîndî inkwenda kûbûkinyîîria ndî nceera n'ûntû bwa Mwathani, bûtûûrage mûtûûrîre ûkwonania bûrî na mwîto wa Ngai.

AEBEESO 5:30

Tiû tûrî icuncî bia mwîrî wake.

AKOROSAI 1:5

Bûrûthaga ûgu n'ûntû bwa kwîgua bûrî na wîrîgîîro bwa kîra bwaigîrîtwe îgûrû. Na wîrîgîîro bûbu, i bûra bweegiirue kuuma wo rîra bwatûmîîrue ntheto îmbega ya mma.

AKOROSAI 3:15

Nkoro cienu iciûyûrwe n'ûkiri bwa Ngai n'ûntû Ngai aabwîtire bûkaraga na ûkiri ta tûcuncî twa mwîrî ûmwe. Na rîonthe cookagîriani Ngai nkaatho.

2 ATHESARONIKE 2:16

Mwathani wetû Yiesû Kîrîstû na Ngai Baaba wetû baroobwîkîra wîru nkorooni cienu. Na baroobwîkîra inya ûntûûni bwega bunthe bûra bûkaarûthaga kana bûra bûkaaragia. Ngai aatwendire atwîkîra wîru bûtakîthira na atwa wîrîgîîro bwega kuumania na ûtugi bwake.

1 TIMOTHEO 1:1

I niû Paûrû ngûkwandîkîra. Ntuîkithîîtue mûtûmwa wa Kîrîstû Yiesû i Ngai Mwonokia wetû na Yiesû Kîrîstû, wîrîgîîro bwetû.

TITO 1:2

bûra bûrî wîrîgîîrooni bwa kwewa mwoyo wa tene na tene. Karaaya mûno Ngai ûra atarongwaga naatwere wîrane bwa mwoyo ûyû

TITO 2:13

tweteereete ntugû îra nthaarime twîrîgîîrîîte. Ntugû înu i rîo tûkoona mwago wa Ngai wetû ûra mûnene na wa Mwonokia wetû Yiesû Kîrîstû.

TITO 3:7

kaingo kuumania na ûtugi bwa Ngai atwona tûrî baagîru kîrî we na atwa rûgai rwa mwoyo wa tene na tene ûra twîrîgîîrîîte.

1 PETÛRÛ 1:21

Bwîtîgîîtie Ngai gûkûrûkîîra kîrî Kîrîstû. Ngai aamûriûkiirie amwaa mwago. Kwoogu wîtîgio bwenu na wîrîgîîro bwenu bûrî kîrî Ngai.

1 NJOANA 3:3

Na muntû wonthe ûra arî na wîrîgîîro bûbû neetheragia n'ûntû we n'ûmûtheru.