AEBEESO 3:2 - Kîrîîkanîro Kîîyerû

² Na mma ibwîgîîtue bûra Ngai ampete ngûgî ya mwanya ya kûbûtûmîîria.

AEBEESO 3:2 ပူးပေါင်းရင်းမြစ်များ

NGÛGÎ 13:2

Kagiita kamwe antû babu batîîrîrîte kûrîa irio n'ûntû bwa maromba, Kîrundu Ûmûtheru abeera, “Ndekeriani Baranaba na Saûrû barute ngûgî îra mbeetîîte baruta.”

NGÛGÎ 13:46

Paûrû na Baranaba baaria na ûcamba beera Ayaundi babu, “Ikwarî na gîtûmi gîa kiugo kîa Ngai gûtûmîîrua kîrî biû mbere. Îndî n'ûntû bûkûrega na bwona bûtiagîrîte kwewa mwoyo wa tene na tene, ga tûtûmîîrie bara batarî Ayaundi.

NGÛGÎ 22:21

“Mwathani n'we aambîîra, ‘Ngagûtûma ûthi gûntû kûraaya mûno kîrî antû batarî Ayaundi.’ ”

NGÛGÎ 9:15

Mwathani eera Anania, “Îthi. Nthuurîîte muntû ûyu atambia riîtwa rîakwa kîrî bara batarî Ayaundi, anene, na antû ba Isiraeri.

AROOMA 1:5

Gûkûrûkîîra kîrî Kîrîstû, Ngai nampeere ngûgî ya mwanya mûno mmûrutîra, ta yo ngûgî ya ûtûmwa. Mbîtaga antû ba nthîgûrû cionthe baaya kîrî we bamwîtîgia, bamwathîkîra. Na i Kîrîstû ndutagîra ngûgî îno.

AROOMA 11:13

Ndaaria mantû mamu n'ûntû bwenu biû bûtarî Ayaundi. Ndî mûtûmwa kîrî bara batarî Ayaundi. Na kagiita gaka ndî na ngûgî înu, kammîthûkie îrî ya gîtûmi mûno.

AROOMA 12:3

N'ûntû bwa kîewa kîa mwanya kîra Ngai ampete ndî mûtûmwa, ndîbwîra muntû atikeethûkie taka arî gîtûmi mûno nkûrûki ya bûra arî. Muntû neethûkagie bûra kwagîrîte kûringana na bûra wîtîgio bûra Ngai amwete bûgana.

1 AKORINTHO 4:1

Kwoogu antû babatîîrue batwonaga tûrî aruti ngûgî ba Kîrîstû bara twetwe ngûgî ya kûrutana iriga bia Ngai.

AGARATIA 1:13

Ibwîgîîtue bûra mûtûûrîre wakwa wakari rîra ndathingataga wîthîre bwa Kîîyaundi, na bûra ndanyamaaragia athingati ba Ngai ntakûbeegua kîao ngîcûûgia kûthiria kanica cwe.

AEBEESO 1:10

Na mûbango ûyu ûkaingîka kûrû rîra îgiita rîgaakinya rîongwa, rîra rîagîrîte. Rîru i rîo akaaringanîra biûmbe bionthe amwe ndeni ya Kîrîstû, bira birî gûkû nthîgûrû na bira birî îgûrû.

AEBEESO 3:7

Niû ndatuîkithiirue mûruti ngûgî wa Ngai ntûmagîîria ntheto îno îmbega, kîrî kîewa kîa mwanya kîra Ngai aampeere kwa inya yake îra îrutaga ngûgî ndeni yakwa.

AEBEESO 3:8

Wana weegua ndî ûmûniini nkûrûki ya antû bara bangî ba Ngai, i ndeerwe ngûgî îno ya mwanya ya gûtûmîîria ntheto îmbega kîrî bara batarî Ayaundi îgûrû rîa ithaarimo bia gîîkîrundu bitarî mûthia bia Kîrîstû.

AEBEESO 3:9

Ngai aanthuurire mmenyithania kîriga kîra we Mûûmbi wa bionthe aakarîîte aithîîte kuuma wo tene.

AEBEESO 4:21

Na mma ibwiyî mantû ma Yiesû monthe na ibwarutanirwe ûmma bwake.

AEBEESO 4:7

Woora ûmwe wacietû n'ûmwe kîewa kîa mwanya kûringana na bûra Kîrîstû atûgaîrîte.

AKOROSAI 1:4

n'ûntû itwîgîîtue bûra bwîtîgîîtie Kîrîstû Yiesû na bûra bwendeete antû bonthe ba Ngai.

AKOROSAI 1:6

Ntheto înu îmbega bwatûmîîrue nîtambîîte nthîgûrû yonthe, yagarûra mîoyo ya antû gûntû kunthe ta bûra yabûgarûrire bûkûmîîgua rîa mbere, bwamenya ûmma bwa ûtugi bwa Ngai.

1 TIMOTHEO 1:11

Ûrutani bwa mma bwonekanaga nthetooni îmbega ya Ngai ûra akaathagwa. I ntheto îrî mwago, îra ndeetîgiirue n'yo mmîtûmîîria.

1 TIMOTHEO 1:4

Bakaanie ûbeere barekane na ngono inu barî na cio, na nciarwa cia ba kîûyûûyû itarî ara ithirîrîte n'ûntû mantû ta mamu mareetaga mbaara. Matiteethagia wîtîgio bwa muntû kîrî Ngai bûkûra.

1 TIMOTHEO 2:7

Na gîkî i kîo gîtûmi gîakwa gûtûmwa ndî mûtûmwa na mwarimû kîrî antû ba nthîgûrû ira ingî, bara batarî Ayaundi, kaingo ntûmîîria ntûmwa ya wîtîgio na ûmma. N'ûmma nkwaria na t'ûrongo!

2 TIMOTHEO 1:11

Ngai aanthuurire ntuîka mûtûmîîria, mûtûmwa na mwarimû wa ntheto îmbega.