AEBEESO 2:9 - Kîrîîkanîro Kîîyerû

⁹ Na n'ûntû twaka twonokagua i ngûgî imbega ira tûrutaga, muntû atibatîîrue eekumîria bu.

AEBEESO 2:9 ပူးပေါင်းရင်းမြစ်များ

AROOMA 11:6

Ngai abathuurîîte n'ûntû bwa ûtugi bwake, t'ûntû bwa ûntû bwega bûra baarûtha. Ûkeegua n'ûntû bwa ûntû bwega, ûtugi bûtiîtwa ûtugi.

AROOMA 3:20

Na kwoogu gûtirî muntû aûmba kwagîrithua i Ngai kuumania na kûthingata watho. Watho ibûtûmaga tûmenya meeyia meetû.

AROOMA 4:2

Ûkeegua Îburaîmu aagîrithiirue i Ngai n'ûntû bwa mantû mara aarûthire, rîru nwa eekumie. Îndî Ngai ataamwagîrithia n'ûntû bwa mantû mara aarûthire.

AROOMA 9:11

Îndî mbere ya kinya aana babu baciarwa, mbere ya barûtha ûthûûku kana wega, Ngai augire, “Mwana ûra mûkûrû agaatûmîkîra ûra mûniini.” Ûgu i ta kwonania Ngai abangagîra muntû kûringana na mûbango wake arî we, na ti kûringana na ûthûûku kana wega bûra arûthîîte.

AROOMA 9:16

Kwoogu ti kuuga i bûra muntû akwenda arî we, kana bûra arûthîîte. I kûringana na bûra Ngai akeegua muntû kîao.

2 TIMOTHEO 1:9

I Ngai aatwonokiirie atwîta tûtuîka antû baake baatheru, na t'ûntû bwa ngûgî imbega ira tûrutîîte. Îndî n'ûntû bwa mûbango wake we wengwa kûringana na ûtugi bwake. Na aatwere ûtugi ndeni ya Kîrîstû Yiesû kuuma wo tene mûno.