AEBEESO 2:8 - Kîrîîkanîro Kîîyerû

⁸ Bwonokiirue n'ûntû bwa ûtugi bwa Ngai rîra bwetîgiirie Yiesû Kîrîstû. Bûtoonokua n'ûntû bwa mantû meega mara bwarûtha. Wonokio bwenu i kîewa kîa ûtheri kuuma kîrî Ngai.

AEBEESO 2:8 ပူးပေါင်းရင်းမြစ်များ

MATHAYO 16:17

Yiesû amûcookeria amwîra, “Woû ûrî ûmûthaarime, Simioni mwana wa Njona, n'ûntû ti muntû akûgwûrîrîte mantû mama. I Baaba ûra arî îgûrû akûgwûrîrîte mo.

MATHAYO 20:9

“Bara baayire thaa kûmi na îmwe baaya baarîwa wakîra muntû îrîi rîa ntugû yûyûri.

MAARIKO 16:16

Ûra ageetîgia abaatithue, akoonokua. Îndî ûra atagîîtîgia akaagiitîrwa îgamba bûûthûûku mûno.

RUKA 7:50

Yiesû eera mûka ûyu, “Ûkwonokua n'ûntû bwa wîtîgio bwaku, îthi na ûkiri.”

NJOANA 3:36

Ûra eetîgagia Mwana, arî na mwoyo wa tene na tene. Îndî ûra atamwathîkagîra ationa mwoyo, na akaagiitîrwa îgamba bûûthûûku n'ûntû Ngai akaraga athûûri n'we.”

NJOANA 4:10

Yiesû amwîra, “Ûkeegua nûkûmenya kîewa kîra Ngai aûmba gûkwaa, na n'ûû agûkwîra ûmûkundie rûûyî, nûûria Ngai akwe kîewa gîku na agûkundie rûûyî rwa mwoyo.”

NJOANA 5:24

“Na mma ga nkûbwîra, muntû ûra eegagua ntheto ciakwa na ageetîgia ûra aantûmire, ûyu we arî na mwoyo wa tene na tene. We gûtirî îgamba rîra arî na rîo. Narîîkîîtie kuuma gîkuûni aathûngîra mwoyooni.

NJOANA 6:35

Yiesû abeera, “I niû mûgaate wa mwoyo. Ûra aayaga kîrî niû atiîgagua yûûra kaîrî, rî kana rî. Aambîtîgia atiîgagua bûûta kaîrî rî kana rî.

NJOANA 6:37

Ûra wonthe Baaba ampeeyaga aayaga kîrî niû na gûtirî rîo nkamwîngatia,

NJOANA 6:40

I kwenda kwa ûra aantûmire atî, muntû wonthe ûra akoonana na Mwana na amwîtîgie oone mwoyo wa tene na tene, na naani nkamûriûkia ntugû ya mûthia.”

NJOANA 6:44

Gûtirî muntû aaya kîrî niû tatiga arî mûkuuyie i Baaba ûra aantûmire, i rîo naani nkaamûriûkia ntugû ya mûthia.

NJOANA 6:65

Yiesû aathi na mbere na kûbeera, “Na i ntûma mbwîrire gûtirî muntû aaya kîrî niû tatiga Baaba amûnenkanîrîte.”

NGÛGÎ 13:39

Ûra wonthe amwîtîgagia naagîrithagua agakûûrwa mantûûni monthe, ûntû watho bwa Musa bûtaûmba kûrûtha.

NGÛGÎ 14:27

Bagûkinya agu Antiokia, beeta antû ba kanica amwe. Babeera mantû mara Ngai aarûthîîte gûkûrûkîîra kîrî bo, na bûra eere antû batarî Ayaundi kaanya ga gwîtîgia.

NGÛGÎ 15:11

Twîtîgîîtie twonokagua kûringana na ûtugi bwa Mwathani Yiesû. Na wana bo i bu kûrî.”

NGÛGÎ 16:14

Ûmwe wao eetagwa Rîndia, wa kuuma gûntû gweetagwa Thiatira. Aarî mûbiacaara wa gîtambaa kîa rangi ya ûkûyû. Na aarî mwekûrû aarombaga Ngai. Paûrû agîtûmagîîria, Mwathani aarugûra nkoro yake eetîgîra ntûmwa ya Paûrû.

NGÛGÎ 16:31

Paûrû bamwîra, “Îtîgia Mwathani Yiesû, nookoonokua. Na wana antû baaku bakamwîtîgia aboonokia.”

AROOMA 10:14

Îndî n'ata antû baûmba kûmwîta aboonokia batamwîtîgîîtie? Na n'ata baûmba kûmwîtîgia bateegîîtue ntûmwa yake? Na n'ata baûmba kwîgua muntû akûmûgweta gûtarî na muntû wa kûbatûmîîria?

AROOMA 10:17

Kwoogu, muntû eetîgagia kuumania na kwîgua, na antû beegagua kûrî na muntû wa kûbatûmîîria Kîrîstû.

AROOMA 4:16

Na kwoogu kîrî wîrane, wîtîgio i bu bûrî gîtûmi. Ngai oonanîîtie wîrane bwake i bwa mma kîrî nciarwa cia Îburaîmu cionthe n'ûntû Ngai arî ûtugi. Wîrane bwake ti kîrî nciarwa cia Îburaîmu cionka ira ithingataga watho, i kinya kîrî bara barî wîtîgio ta Îburaîmu. N'we baaba wetû twinthe.

AROOMA 4:5

Îndî muntû atirîmia wagîru kuuma kîrî Ngai na kûruta ngûgî. Muntû ûra eetîgagia i Ngai aagîrithagia eeyia, Ngai athûkagia wîtîgio bûbu bwake bûrî wagîru.

AROOMA 9:16

Kwoogu ti kuuga i bûra muntû akwenda arî we, kana bûra arûthîîte. I kûringana na bûra Ngai akeegua muntû kîao.

AGARATIA 3:14

Gwakarire ûgu kaingo kîthaarimo kîra Ngai eerire Îburaîmu kiingua kîrî antû ba mîgongo yonthe gûkûrûkîîra kîrî Kîrîstû Yiesû. Na kaingo twewa Kîrundu ûra twerwe arî wîrane n'ûntû bwa gwîtîgia.

AGARATIA 3:22

Îndî na bu ti bu kûrî ûgu. Kwandîkîîtwe *Maandîkooni Maatheru nthîgûrû yonthe yathagwa n'inya ya meeyia. Kwoogu rûgai rûra rûgweteetwe wîraneeni rweyagwa bara beetîgîîtie n'ûntû bwa wîtîgio bwao ndeni ya Yiesû Kîrîstû.

AEBEESO 1:19

Na indombaga abûmenyithia bûra inya yake îgana îra îrutaga ngûgî ndeni yetû, tiû eetîgîri.

AEBEESO 2:10

I Ngai atûmîîte twîgua tûkari ûgu tûkari. Ngai aatûûmbire tûrî ndeni ya Kîrîstû Yiesû, kaingo tûrûthaga mantû meega ta bûra mûbango wake wakari kuuma tene.

AEBEESO 2:5

wana kinya ûkeegua itwakuîte n'ûntû bwa kûrega kwathîka gwetû, Ngai naatwere mwoyo bûmwe na Kîrîstû. N'ûtugi bwa Ngai bûtûmîîte bwonokua.

APIRIPI 1:29

Ngai atibûthaarimîîte na kaanya ga gwîtîgia Kîrîstû gonka. Abûthaarimîîte kinya na kaanya ga kûnyamaarua n'ûntû bwa Kîrîstû.

AKOROSAI 2:12

I taka bwathikanîîrue amwe na Kîrîstû kûbaatithuani kwenu na kûbaatithuani gûku bwariûkanîrua amwe n'we n'ûntû bwa gwîtîgia inya înene ya Ngai ûra aamûriûkiirie.

2 ATHESARONIKE 1:9

Na îkaanûkia rîra akaabaa ûkeegua rîrî kûbeenyangia kûrû, abaathûre baume ara Mwathani arî, ara inya yake îra îrî mwago îrî.

AIBIRANIA 6:4

Gûtiûmbîka bara mbereeni baiyî ûmma bacooka kwîrira kaîrî. Bo baroona werû, baracama mantû meega ma îgûrû, na bareewa kîewa gîa Kîrundu Ûmûtheru. Baracama beegua bûra kiugo kîa Ngai kîbuîte bûgana, na baramenya bûra nthîgûrû îra îngî njerû, îra îkeegua îrî oogo, bûra îkeegua îrî na inya îgana. Îndî bakaaya kûrekana na mantû mamu, gûtiûmbîka bacooka kwîrira kaîrî. I ta kwamba Mwana wa Ngai kaîrî na kûmwira îgi antûûni.

1 PETÛRÛ 1:5

Bûmenyagîîrwa n'inya ya Ngai gûkûrûkîîra kîrî wîtîgio bwenu mwanka rîra bûkeewa wonokio bûra akûbûthuuranîra akaabwonia bu îgiita rîa mûthia.