AEBEESO 2:7 - Kîrîîkanîro Kîîyerû

⁷ Ngai aarûthire ûgu kwonia nthuke cionthe ira ikaaroo ciiya bûra ûtugi bwake bwingîîte bûgana. Ûtugi bûbu bwonekanaga na mantû meega mara atûrûthîrîte gûkûrûkîîra kîrî Kîrîstû Yiesû.

AEBEESO 2:7 ပူးပေါင်းရင်းမြစ်များ

AROOMA 2:4

Ngai nakwoneetie bûra arî kîao kîgana. Atikweyaga îkaanûkia nthûti îmwe na ainyîkagîria mara ûrûthaga kwa îgiita rîraaya, îndî ûtionaga bûbu ta ûntû. Ka ûtaiyî Ngai i kîao akwîgagua n'ûntû neendaga wîrira?

AEBEESO 1:7

Tûkûûrîîtwe i nthakame ya Kîrîstû. Na ûgu i kuuga tûrî baarekere meeyia meetû n'ûntû bwa ûtugi bûbû bûnene ûûgû.

AEBEESO 2:4

Îndî n'ûntû bwa bûra kîao na wendo bwa Ngai bûrî bûûnene kîrî tiû,

AEBEESO 3:5

Kîriga gîku gîtaamenyithanîîtue kîrî bara baarî oogo mbere yetû, ta bûra îgiitaani rîrî kîgwûrîrîtwe atûmwa baake baatheru na iroria na njîra ya Kîrundu.

2 ATHESARONIKE 1:12

Gûkari ûgu, bûgaakumia riîtwa rîa Mwathani wetû Yiesû na akabûkumia kûringana na ûtugi bwa Ngai wetû na Mwathani Yiesû Kîrîstû.

TITO 3:4

Îndî rîra Ngai Mwonokia wetû aarîkiirie na gûtûgwûrîra kîao na wendo bwake,

1 PETÛRÛ 1:12

Iroria biagwûrîîrwe bionua ngûgî îra biarutaga yarî ya kûbûguna, îtaarî ya kûbiguna birî bio. Na îgiitaani rîrî tûrî ibwîrîîtwe mantû mama i bara baabûtûmîîrie ntheto îmbega kwa inya ya Kîrundu Ûmûtheru ûra aatûmirwe kuuma îgûrû. Mantû mama i ma kûrigaria mûno. Wana araîka ba Ngai ibeendaga kûmamenya.