AEBEESO 2:3 - Kîrîîkanîro Kîîyerû

³ Ûgu i bu tiû twinthe twatûûraga tûkari, tûkîathîkagîra mawîrirîîria ma mîîrî yetû. Twarûthaga bûra bunthe mîîrî yetû na mathûgaania meetû meeriragîîria. Na Ngai naathûûraga mûno i tiû ta bûra aathûûragua i bara bangî.

AEBEESO 2:3 ပူးပေါင်းရင်းမြစ်များ

MAARIKO 4:19

îndî n'ûntû bwa kwîmakîra ûtûûrooni bûbû bwa nthîgûrû, kwenda ûtonga na mawîrirîîria mangî ta mamu makabathûngîra makainya kiugo kîra kîrî ndeni yao gîkathaata.

NJOANA 1:13

Babu bo bataatuîka aana ba Ngai na njîra ya gûciarwa ta wîthîre. Bataaciarwa kuumania na kwenda kwa muntû, kana kûringana na mûbango wa muntû. Baaciarirwe gîîkîrundu i Ngai.

NJOANA 8:44

Biû bûrî ba abaagu, Nkoma. Bwendaga kûrûtha mantû wamara abaagu eendaga kûrûtha. Atûîre arî mûûragani kuuma wo tene, na gûtirî rîo aaria ûmma, n'ûntû ûmma bûtirî ndeni yake. Na rîra aaragia ûrongo, aaragia kûringana na bûra akari, n'ûntû we i mûûrongo, na n'we kaumo ka ûrongo bunthe.

NGÛGÎ 14:16

Tene, Ngai neetîgîîrîîtie mîgongo yonthe îrûtha wabûra îkeenda.

AROOMA 1:24

Kwoogu Ngai akwona ûgu abatiganîria barûtha bûra mawîrirîîria mamu maao maathûûku maabeeraga barûthe. Baarûthire na mîîrî yao mantû mataagîrîte na ma îgi.

AROOMA 11:30

Kûrî rîra biû bara bûtarî Ayaundi bûtaathîkagîra Ngai. Îndî îîndî n'Ayaundi batamwathîkagîra îîndî îra biû abwîgîîtue kîao.

AROOMA 13:14

Karagaani ta bûra Mwathani Yiesû Kîrîstû akari. Bûtikaathûgaanie kwingia mawîrirîîria meenu maathûûku ma mwîrî.

AROOMA 2:14

Bara batarî Ayaundi batirî na watho, îndî rîra barûthaga bûra watho buugîîte kuumania na bûra baiyî i bu kwagîrîte, bo bongwa i bo watho, wana kinya ûkeegua batirî na watho bwa Musa.

AROOMA 5:10

Rîra twarî anthû ba Ngai, Ngai aatumire ûcoore naati na gîkuû kîa Mwana wake. Îîndî tûrî acoore baake rî, n'ata tûtakîonokua i Kîrîstû îîndî arî mwoyo?

AROOMA 5:9

Wona Kîrîstû aatûmire twagîrithua i Ngai na gîkuû gîake, twagûtwonokia atagîtwonokia kuuma kîrî mûthûûro wa Ngai!

AROOMA 6:12

Kwoogu bûtikaarekeeni wîyia bwatha mîîrî yenu bwathîkîra mawîrirîîria ma yo maathûûku.

AROOMA 7:18

Imbiyî gûtirî ûntû bwega bûrî ndeni ya mûtugo wakwa wa kîîmuntû, ta uu wa wîyia. N'ûntû wana nkîendaga kûrûtha ûntû bwega ntiûmba kûburûtha.

AROOMA 9:22

I ta bu gûkari ûgu kîrî Ngai. Ngai eendaga kwonia antû bamwe mûthûûro wake, na eendaga antû boona bûra arî inya îgana. Îndî i kaanya Ngai eete antû babu n'ûntû bwa kwinyîkîria gwake. Akaabagambithia na mûthûûro wake abathirie, n'ûntû ibabuîrîîte kûthirua.

1 AKORINTHO 4:7

Mûkûûraani waku na bara bangî i mbi? I mbi ûrî îtarî ya kwewa? Na weegua nwetwe rî, aabu gîtûmi gîaku gîa gwîkumia taka ûtarî mwe i kîbi?

2 AKORINTHO 7:1

Eendwa, n'ûntû bwa mawîrane mama Ngai atwete, ga twîtherieni kuumania na ûntû bunthe bûra bûûmba gûtûma mîîrî yetû kana mîoyo yetû îrûtha meeyia. Ga twîtherieni buru tûkarage tûkuthûkîîte Ngai.

AGARATIA 3:22

Îndî na bu ti bu kûrî ûgu. Kwandîkîîtwe *Maandîkooni Maatheru nthîgûrû yonthe yathagwa n'inya ya meeyia. Kwoogu rûgai rûra rûgweteetwe wîraneeni rweyagwa bara beetîgîîtie n'ûntû bwa wîtîgio bwao ndeni ya Yiesû Kîrîstû.

AEBEESO 2:2

Bwatûûraga bûkari ta antû ba nthîgûrû bûkîathîkagîra mûnene wa mainya mara maathanaga maanganyoni. Mûnene ûyu i kîrundu kîra kîrutaga ngûgî antûûni bara baregaga kwathîkîra Ngai.

AEBEESO 4:22

Kwoogu bûtikeegue bûrî ba mûkarîre ûra bwatûûraga mbereeni. Mûkarîre wenu warî wa mîtugo ya mawîrirîîria maathûûku, ma ûrongo, mara maabwînyangagia.

AKOROSAI 1:21

Bûtikaariganîrueni kûrî rîra bwarî aaraaya na Ngai. Bwarî anthû baake n'ûntû bwarî na mathûgaanio maathûûku na bwarûthaga mantû maathûûku.

1 ATHESARONIKE 4:13

Aruayia na aarayia, ndeenda bûmenya bûra gûkari kîrî eetîgîri bara bakuîte, kaingo bûteegua bûrî na kîeba ta antû batarî na wîrîgîîro.

1 ATHESARONIKE 5:6

Kwoogu tûtiagîrîtwe tûmaama toro ta bara bamaami. Tûbatîîrue tûkaraga twîthuuranîrîte na twîmenyeereete.

1 TIMOTHEO 6:9

Îndî antû bara beendaga gûtonga bagwîyaga magerioni bakagwatwa i mûtego wa wîrirîîria bwingî mûno bwa waa na bwa wînyangia bûra bûbakuuyagia mwanka mûthiani bakathirua kûrû.

TITO 3:3

Wana tiû kûrî rîra twarî baataku. Twaregaga kwathîka tweneereetue i mantû ma nthîgûrû îno na mawîrirîîria ma mîthemba yonthe matûgwete ûkombo. Twatûûraga tûrî antû ba ntheto na ba rûriitho. Antû batûmena naati tûkabamena woogu batwonia.

1 PETÛRÛ 1:14

Karagaani ta aana aathîki ba Ngai. Bûtigaacookere mîkarîre îra bwarî n'yo mbereeni rîra bwathingataga mawîrirîîria meenu maathûûku rîra bûtaiyî Ngai.

2 PETÛRÛ 2:14

Waboona mûka rîonthe bathûgaanagia kûruta ngûgî ya ûmaramari n'we. Bata îra barî ya kûrûtha meeyia îtithiraga na ibateeyaga antû bara batarikîîte wîtîgioni. Beerutanire kûrega kûganîrwa. Na n'ûntû bwa mantû mara barûthaga i baarume i Ngai.

2 PETÛRÛ 2:18

Beekumagia na kwaria mantû ma ûtheri. Bathiyaga kîrî bara beetîgîîtie Ngai rua rua, bara baumîîte kîrî bara baûrîîte bakabeeneeria na njîra ya kûbakuuyia barûtha mantû ma meeyia mara mîîrî îîriragîîria.

1 NJOANA 2:16

Mantû monthe ma nthîgûrû mara antû beeriragîîria, mara antû boonaga bakameenda, na into bionthe bia nthîgûrû bira antû beekumagîria, gûtirî kîo kiumîîte kîrî Baaba. Bionthe i bia nthîgûrû.

1 NJOANA 2:8

Îndî yathana rîrî nwa rîîyerû. Ûmma bwa rîo bwonekanaga kîrî Kîrîstû na kîrî biû. Kwathîkîra kûra bwathîkagîra yathana rîrî kûrîonania mwindu nûkûthira na werû bwa mma ibûkûmûrîka.