AEBEESO 2:2 - Kîrîîkanîro Kîîyerû

² Bwatûûraga bûkari ta antû ba nthîgûrû bûkîathîkagîra mûnene wa mainya mara maathanaga maanganyoni. Mûnene ûyu i kîrundu kîra kîrutaga ngûgî antûûni bara baregaga kwathîkîra Ngai.

AEBEESO 2:2 ပူးပေါင်းရင်းမြစ်များ

MATHAYO 11:19

Mwana wa Muntû akûûya aarîa na aanyua, antû baatuire kuuga, ‘Ûyû i muntû wa îtanûka, i mûtogooni, na i mûcoore wa arûngithia ûgooti na eeyia!’ Îndî ûûme bwa kîîngai bwonekaga i bwa mma na maciara ma bu.”

MATHAYO 13:22

Mbeû îra n'yo yagwîre bantû arî na matî ma mîîgua, i ngerekano ya antû bara beegagua kiugo kîa Ngai, îndî n'ûntû bwa kwîthangîkia bagîciirîria mantû ma ûtûûro bûbû bwa nthîgûrû îno na kwenda ûtonga gûkainyîka kiugo gîkathaata.

MATHAYO 13:38

Mûnda i nthîgûrû, na mbeû îra mbega n'antû bara barî ba ûnene bwa îgûrû. Nthangarî n'antû ba ûra mûûî,

MAARIKO 4:19

îndî n'ûntû bwa kwîmakîra ûtûûrooni bûbû bwa nthîgûrû, kwenda ûtonga na mawîrirîîria mangî ta mamu makabathûngîra makainya kiugo kîra kîrî ndeni yao gîkathaata.

RUKA 16:8

“Mûnene eera mûrûngamîîri ûyu ataarî mwîtîgua akûrûtha bwega amwe na ûgu, n'ûntû bwa gûtûmîra maûûme maake gwîteethia. Antû ba kîînthîgûrû ibaiyî gûtûmîra maûûme maao rîra bakûrûtha mantû nkûrûki ya antû bara barî na ûmenyo bwa Ngai.

RUKA 22:31

Yiesû eera Simioni Petûrû, “Simioni, thikîîria! Saitaani abangîîte kûgeria woora ûmwe wacienu aathûrane mwere na maûngû.

NJOANA 12:31

Îîndî i kagiita ga kîrîndî kîa nthîgûrû kûgiitîrwa îgamba. Ûra aathanaga nthîgûrû nakeengatua.

NJOANA 13:2

Yiesû na arutwa baake ibaarîyaga irio bia ûgoro. Nkoma nîarî îgwîkîra Njundas wa Simioni Mûcikariota îthûgaania rîa gûkunyanîra Yiesû.

NJOANA 13:27

Njundas akwewa kîng'enyua gîku, Saitaani aathûngîra nkorooni yake. Yiesû amwîra, “Rûtha bûra ûbatîîrue ûrûtha na mpwî.”

NJOANA 14:30

Ntiaria naabi rwaria rûraaya mûno, n'ûntû ûra aathaga nthîgûrû îno arî akubî kûûya. Atimbûmba,

NJOANA 15:19

Ûkeegua bûgwatanagîra na bo babwenda, n'ûntû wîgua bûrî baciao. Îndî n'ûntû bwa bûra ndabûthuurire kuuma kîrî kîrîndî gîku kîonthe, babûmeneete bûra bûtarî baciao.

NJOANA 16:11

Akaboonia mûthûûro wa Ngai ûrî kîrî kîrîndî kîa nthîgûrû n'ûntû ûra aathaga nthîgûrû îno n'ûmûgiitîre îgamba.

NJOANA 7:7

Biû gûtirî kîo antû babûmenera, îndî niû ibaameneete, n'ûntû mbeeraga mantû mara barûthaga i maathûûku.

NJOANA 8:23

Yiesû abeera, “Biû bûrî ba aaga nthîgûrû, îndî niû ndî wa îgûrû. Biû bûrî ba nthîgûrû îno, îndî niû ntirî wa nthîgûrû îno.

NJOANA 8:44

Biû bûrî ba abaagu, Nkoma. Bwendaga kûrûtha mantû wamara abaagu eendaga kûrûtha. Atûîre arî mûûragani kuuma wo tene, na gûtirî rîo aaria ûmma, n'ûntû ûmma bûtirî ndeni yake. Na rîra aaragia ûrongo, aaragia kûringana na bûra akari, n'ûntû we i mûûrongo, na n'we kaumo ka ûrongo bunthe.

NGÛGÎ 19:35

Mûthiani mwandîki wa taûni aûmba gûkiria kîrîndî. Abeera, “Antû beetû ba Ebeeso, n'ûû ataiyî taûni ya Ebeeso n'yo îmenyagîîra kîrombero kîa Aritemas, ûra mûnene, ûra mûbuanaano wake waarûkire kuuma îgûrû?

NGÛGÎ 5:3

Petûrû amûûria, “Anania, i mbi îtûmîîte Saitaani aûyûra nkoro yakû? Ûkûrongoia Kîrundu Ûmûtheru. Kûrî mbia imwe cia kîthaka waigîîte ûgaitûmîra ûrî wenka.

AROOMA 12:2

Bûtikaathingatîîre bûra bara barî ba nthîgûrû barûthaga. Îpaani Ngai kaanya abûgarûre abwe mathûgaanio mangî. Rîru i rîo bûkaûmba kûmenya bûra eendaga kûrûthwa, bûra bwega, bûra bûmûkenagia, na mûkarîre wa mwîtîgîri ûmûkûrû.

1 AKORINTHO 5:10

Îndî nkiuga ûgu ntaaragîîria antû ba nthîgûrû n'ûntû barutaga ngûgî cia ûmaramari, n'eerirîîria, n'atunyani, na barombaga ngai cia ûrongo. Ûtibakuthûka nwanga ûkauma nthîgûrû îno cwe.

1 AKORINTHO 6:11

Bamwe beenu i bu bwakari ûgu. Îndî ibwathambiirue bwathira meeyia, bwatherua na bwagîrithua riîtwaani rîa Mwathani Yiesû Kîrîstû na gûkûrûkîîra kîrî Kîrundu wa Ngai wetû.

2 AKORINTHO 4:4

Bara bateetîgagia batuîkithîîtue ntûngi i ngai ûra aathanaga nthîgûrû, ta we Nkoma. Atûmîîte barega kwona werû bwa ntheto îmbega îgûrû rîa mwago wa Kîrîstû, ûra arî mûbuanaano wa Ngai.

AGARATIA 1:4

I kaingo atûthaûra tuuma ûthûûkuuni bwa nthîgûrû îno, Yiesû neepeyanire n'ûntû bwa meeyia meetû kûringana na bûra Ngai Baaba wetû eendeete.

AEBEESO 1:21

Gûku i ku Kîrîstû aathanaga arî mûnene kîrî anene bonthe, aathani, mainya monthe, na antû bonthe ba îgweta gûkû nthîgûrû îgiitaani rîrî na rîra rîkaaya.

AEBEESO 2:11

Bara bûtaaciarwa bûrî Ayaundi, biû bwîragwa n'Ayaundi bûtirî bataane, (îndî ingî gûtaanwa kwao i kwa mwîrî tika kûrî gwa nkoro), bûtikaariganîrueni i bûra bwakari mbereeni.

AEBEESO 2:13

Îndî îîndî n'ûntû bwa nthakame ya Kîrîstû, biû bara bwarî kûraaya ibwareetirwe akubî na Ngai gûkûrûkîîra kîrî Kîrîstû.

AEBEESO 2:3

Ûgu i bu tiû twinthe twatûûraga tûkari, tûkîathîkagîra mawîrirîîria ma mîîrî yetû. Twarûthaga bûra bunthe mîîrî yetû na mathûgaania meetû meeriragîîria. Na Ngai naathûûraga mûno i tiû ta bûra aathûûragua i bara bangî.

AEBEESO 4:17

Riîtwaani rîa Mwathani ndîbwîra bûtigaakare ta bara bataiyî Ngai. Mathûgaania maao maûyûri mantû ma ûtheri,

AEBEESO 4:22

Kwoogu bûtikeegue bûrî ba mûkarîre ûra bwatûûraga mbereeni. Mûkarîre wenu warî wa mîtugo ya mawîrirîîria maathûûku, ma ûrongo, mara maabwînyangagia.

AEBEESO 5:6

Muntû atikaabweneerie na rwaria rwa waa n'ûntû Ngai akoonania mûthûûro wake kîrî bara batamwathîkagîra, bara barûthaga mantû ta mamu.

AEBEESO 5:8

Bûratûûraga mwinduuni, îndî îîndî bûrî werûûni ndeni ya Mwathani. Kwoogu karaani ta aana ba werû.

AEBEESO 6:12

Tûtikûrûa na antû, tûrîrûa na anene ba ûthûûku, aathani, mainya ma mwindu ma nthîgûrû, na ûthûûku bwa gîîkîrundu bwa îgûrû.

AKOROSAI 1:21

Bûtikaariganîrueni kûrî rîra bwarî aaraaya na Ngai. Bwarî anthû baake n'ûntû bwarî na mathûgaanio maathûûku na bwarûthaga mantû maathûûku.

2 TIMOTHEO 4:10

Ndemas neendire mantû ma nthîgûrû îno na kûthi aathi bwa Thesaronike, aantiga. Kîresikes aathiire bwa Garatia na Tito n'we aathiire bwa Ndaramatia.

NJAKUBU 1:27

Ndini îmbagîru na ya mma mbere ya Ngai Baaba n'îno: gûteethagia aana ba nkîa na ntigwa mathîînaani maao, na muntû akeemenyagîîra atigaakwe rûko i mantû ma nthîgûrû îno.

NJAKUBU 1:7

Muntû ta ûyu naakamenya gûtirî kîo akoona kuumania na Mwathani

NJAKUBU 4:4

Biû bûtirî mwanya na arugûri. Ka bûtaiyî ûgatuîka mûcoore wa mantû ma nthîgûrû ûgûtuma ûnthû na Ngai? Kwoogu ûra eendaga gûtuma ûcoore na mantû ma nthîgûrû eetuîkithagia mûnthû wa Ngai.

1 PETÛRÛ 1:14

Karagaani ta aana aathîki ba Ngai. Bûtigaacookere mîkarîre îra bwarî n'yo mbereeni rîra bwathingataga mawîrirîîria meenu maathûûku rîra bûtaiyî Ngai.

1 PETÛRÛ 4:3

Ibwarî na kagiita kaaganu ga kûrûtha mara bara batarî ba Ngai beendeete kûrûtha. Ibwarûthaga mantû mataagîrîte, ibwathîkagîra mawîrirîîria maathûûku, ibwatogoonaga, ibwathiyaga biathooni bitaagîrîte na ibwagongaga mîbuanaano kînyume na watho bwa Ngai.

2 PETÛRÛ 2:14

Waboona mûka rîonthe bathûgaanagia kûruta ngûgî ya ûmaramari n'we. Bata îra barî ya kûrûtha meeyia îtithiraga na ibateeyaga antû bara batarikîîte wîtîgioni. Beerutanire kûrega kûganîrwa. Na n'ûntû bwa mantû mara barûthaga i baarume i Ngai.

1 NJOANA 3:10

Bûbu i bu tûûmba kûmenya na bu aana ba Ngai na ba Nkoma. Muntû ûra atarûthaga bûra kwagîrîte, ûra ateendaga eetîgîri bara bangî, ûyu t'wa Ngai.

1 NJOANA 3:8

Muntû ûra akaraga akîîyagia ûyu n'wa Nkoma, n'ûntû Nkoma yeeyiirie kuuma kîambîrîria. Mwana wa Ngai aayire kaingo eenyangia ngûgî cia Nkoma.

1 NJOANA 4:4

Îndî biû, aana, bûrî ba Ngai, na ibûbacindîîte n'ûntû Ngai ûra bûrî n'we n'ûmûnene kîrî ûra arî nthîgûrû.

1 NJOANA 5:19

Itwiyî tûrî ba Ngai na itwiyî antû bonthe ba nthîgûrû baathagwa i Nkoma.

1 NJOANA 5:4

Ûra aciarîîtwe i Ngai nacindîîte nthîgûrû na tûcindaga nthîgûrû na njîra ya wîtîgio bwetû.

KÛGWÛRÎRWA 12:9

Njoka înu nene mûno yeengatua gûku îgûrû. Na njoka înu n'yo îtûîre yîtagwa Nkoma kana Saitaani. N'yo yenagîîria antû ba nthîgûrû yonthe. Yeengatiirue îgûrû amwe na araîka ba yo.

KÛGWÛRÎRWA 13:14

Yeeneeria antû ba nthîgûrû na biama bibu yaringaga kuumania na inya îra yeetwe i nyamû înu îngî îmîringîîra bio. Yeera antû nwa mwanka barûthe mûbuanaano wa nyamû înu yamuntîîtwe kîongo kîmwe na rûyiû, gîakua, îndî gîacooka kîabua.

KÛGWÛRÎRWA 13:8

Antû bonthe bamîgonga bara baatûîre nthîgûrû, bara mariîtwa maao mataandîkwa îbukuuni rîa mwoyo mbere ya nthîgûrû yûmbwa. Îbuku rîru rîa mwoyo, i rîra rîa Kagondu kara kaûragirwe.

KÛGWÛRÎRWA 16:17

Mûraîka wa mûgwanja eetûûra mûthûmba wa mbakûri yake ruuoni. Ndeegua kayû kauma gîtîîni kîra kîa ûnene, gûku nyomba ya Ngai. Kaugîîria na inya kauga, “N'ûgu îîndî!”

KÛGWÛRÎRWA 20:2

Mûraîka ûyu aakumbata njoka îra nene, îra îtûîre yîtagwa Nkoma kana Saitaani. Amîthaîka mîanka ngiri îmwe.