AEBEESO 1:4 - Kîrîîkanîro Kîîyerû

⁴ Mbere ya kûûmbwa kwa nthîgûrû, Ngai naarî agûtûthuura tûtuîka antû baake tûrî ndeni ya Kîrîstû, kaingo tûtûûra tûrî baatheru na tûtarî na mabîtia kîrî Ngai.

AEBEESO 1:4 ပူးပေါင်းရင်းမြစ်များ

MATHAYO 24:22

Ûkeegua ti bûra Mwathani akubîîtie ntugû inu, gûtirî muntû oonoka. Na aikubîîtie n'ûntû bwa bara athuurîîte.

MATHAYO 24:24

N'ûntû Kîrîstû ba ûrongo na iroria bia ûrongo ûkeegua barî ku. Bakaaringaga biama biinene na bakoonanagia magegania kaingo weegua gûkaûmbîka beeneeria kinya bara Ngai athuurîîte.

MATHAYO 24:31

Rîra karumbeeta gakaaringwa na kayû kaanene, agaatûma araîka baake bathi nteere cionthe cia nthîgûrû beethîranie bara bathuure nthîgûrû yonthe.”

MATHAYO 25:34

“Rîru eere bara ûkeegua barî bwa ûrîo, ‘Ncûûni, biû Baaba athaarimîîte bûthûkie ûnene bûra aabûthuuranîîre bûrî rûgai rwenu kuuma wo nthîgûrû îkûûmbwa.

NJOANA 10:16

Ng'ondu ciakwa imwe itirî kiugûûni gîkî. Nwa mwanka ncireete kinya cio n'ûntû ikeegua kayû gaakwa, ituîke cia ûrîîthi bûmwe, ûrîîthi bwa mûrîîthi ûmwe.

NJOANA 15:16

Ti biû bwanthuurire. I niû ndabûthuurire, ndabwathûra ndabûtuîkithia ba kwongeera maciaro nkûrûki, kwongeera kûra gûtagîtaûka. Na kaîrî, kaingo Baaba abwaa kîonthe kîra bûkaamûromba kwa riîtwa rîakwa.

NJOANA 17:24

“Baaba, ndîkûromba ûtûma baba ûmpete beegua barî naani ara ûkeegua ndî, kaingo boona mwago ûra mbonaga, mwago ûra wampeere. Wampeere uu n'ûntû wambendire mbere ya ûûmba nthîgûrû.

NGÛGÎ 13:48

Bara bataarî Ayaundi bakwîgua ûgu baakena. Baakumia Mwathani n'ûntû bwa ntûmwa yake. Na bara Ngai aathuurire bakoona mwoyo wa tene na tene, beetîgîra.

NGÛGÎ 15:18

amamenyithania kuuma wo tene.’ ”

NGÛGÎ 18:10

n'ûntû ndî amwe naawe. Gûtirî we agaakûrûthîra ûntû bûûthûûku n'ûntû antû baingî taûni îno n'antû baakwa.”

AROOMA 8:33

N'ûû akaathitanga antû bara Ngai athuurîîte na i Ngai atwagîrithîîtie?

1 AKORINTHO 1:8

Ngai agaatûma bûkaraga bûrikîîte mwanka ntugû ya mûthia, kaingo bwîgua bûrî na riîtwa rîega rîra Mwathani wetû Yiesû Kîrîstû akaaya kaîrî.

AGARATIA 5:13

Biû, aruayia na aarayia, Ngai ataabwîta bûtuîka nkombo. Îndî amwe na kwîgua bûrî baathaûre, bûbu bûtigaatûme bûreka mantû ma nthîgûrû îno mara mîîrî yetû îîriragîîria mabweneeria. Bûbatîîrue bûteethanagia bûkîendaga.

AGARATIA 5:22

Îndî maciaro ma Kîrundu i wendo, nkena, ûkiri, kûûmîîria, kwîganagîîrua kîao, wega, wîtîgio,

AGARATIA 5:6

N'ûntû ndeni ya Yiesû Kîrîstû, gûtaanwa kana kûrega gûtaanwa i bûmwe. Kîra kîrî gîtûmi i wîtîgio bûra bûrutaga ngûgî na njîra ya wendo.

AEBEESO 2:10

I Ngai atûmîîte twîgua tûkari ûgu tûkari. Ngai aatûûmbire tûrî ndeni ya Kîrîstû Yiesû, kaingo tûrûthaga mantû meega ta bûra mûbango wake wakari kuuma tene.

AEBEESO 3:17

Inkûromba Kîrîstû atûûrage nkorooni cienu n'ûntû bwa wîtîgio bwenu. Inkûbûrombera bwîrikia wendooni na bwakîka rwaraani rwa wendo,

AEBEESO 4:2

Rîonthe îgaguani bwînyiîtie na bûrî abooreeri. Bûtikeegue bûrî antû ba mûthûûro. Onanagiani wendo kîrî bara bangî, kinya bara babûbîtagîria.

AEBEESO 5:2

Karagaani bwendeene ta bûra Kîrîstû aatwendire, aakua n'ûntû bwetû arî kîgongwana, Ngai eetîgîîria akeneete.

AEBEESO 5:27

Na gîtûmi gîake kûrûtha ûgu, eendaga kwîrûthîra kanica îrî mwago, îtarî karanga, îtarî nkûnjaru, kana îkari ûntû nwa bûrîkû ta bûbu kaingo îîgua îrî ntheru na îtarî na îbîtia.

APIRIPI 2:15

kaingo bûtuîka aana ba Ngai baatheru batarî na mabîtia. Bûtûûraga na antû batarûthaga bûra kwagîrîte, antû ba meeyia. Werû bwa mûkarîre wenu ûbathararagîra ta bûra werû bûthararaga mwinduuni.

AKOROSAI 1:22

Îndî îîndî Ngai nabûtumîîte ûcoore gûkûrûkîîra kîrî gîkuû gîa Kîrîstû arî mwîrîîni wa kîîmuntû. Na Kîrîstû aarûthire ûgu kaingo abwira kîrî Ngai bûrî baatheru, bûtarî na mabîtia, na bûrî na riîtwa rîega.

AKOROSAI 2:2

Ndûthaga ûgu kaingo mbwîkîra wîru bwinthe na kaingo bûgwatithanua i wendo. Ndîenda bûciûkîrwa kûrû, bûmenya kîriga kîa Ngai kîra gîkoneetie Kîrîstû.

AKOROSAI 3:12

Biû bûrî antû ba Ngai bara aathuurire. Bûrî baatheru na bûrî eendwa baake. Kwoogu îgaguani bûrî na nkoro cia kwîganagîîrua kîao. Îgaguani bûrî antû ba kûrûthaga mantû meega na ba kwînyithia, bûrî antû ba ûkiri na bûkîûmagîîria mantû.

1 ATHESARONIKE 3:12

Inkûromba Mwathani atûme wendo bwenu bûkûre na bwingîe bwendage bara barî bacienu na antû bonthe, ta bûra tiû tûbwendeete.

1 ATHESARONIKE 4:7

Ngai atwîtîîte tûtûûraga tûrî baatheru, ti tûtûûraga tûkîrûthaga meeyia.

2 TIMOTHEO 1:9

I Ngai aatwonokiirie atwîta tûtuîka antû baake baatheru, na t'ûntû bwa ngûgî imbega ira tûrutîîte. Îndî n'ûntû bwa mûbango wake we wengwa kûringana na ûtugi bwake. Na aatwere ûtugi ndeni ya Kîrîstû Yiesû kuuma wo tene mûno.

2 TIMOTHEO 2:10

Kwoogu i ntûma mbûmagîîria mathîîna monthe, nkîthangîkagîra bara Ngai athuurîîte, kaingo wana bo boona wonokio bûra bûrî kîrî Kîrîstû Yiesû, bûra bûreetaga mwago wa tene na tene.

2 TIMOTHEO 2:19

Îndî na bu ûmma bwa Ngai bûtienyenyeka n'ûntû i mma tûrî na rwano rwa kwonania tûrî ba Ngai wata bûra *Maandîko Maatheru maugîîte, “Ngai naiyî antû bara barî baake,” na “Muntû ûra augaga n'wa Mwathani nwa mwanka atigane na meeyia.”

NJAKUBU 2:5

Nthikîîriani, eendwa, aruayia na aarayia. Ngai aathuurire nkîa ituîka itonga n'ûntû bwa wîtîgio bûra irî, kaingo ithûkia rûgai rwa ûnene bûra Ngai eeyanire wîrane kîrî bara bamwendeete.

1 PETÛRÛ 1:2

Bwathuurirwe i Ngai Baaba wetû wo tene kûringana na yerekeeria rîake, bwathûrua i Kîrundu wake kaingo bwathîkîra Yiesû Kîrîstû na bûtherua i nthakame yake. Ngai aroobwongeera ûtugi na ûkiri.

1 PETÛRÛ 1:20

N'we Ngai aathuurire mbere ya nthîgûrû yûmbwa. Na îgiitaani rîrî tûrî tûgwûrîrîtwe we n'ûntû bwenu kaingo abwonokia.

1 PETÛRÛ 2:9

Îndî biû bûrî bara Ngai athuurîîte. Bûrî athînjîri ba mûciî wa ûnene wa Ngai. Bûrî antû baatheru bara Ngai atuîkithîîtie antû baake ba mwanya. Ngai aabûthuurire bwîra antû bûra wega bwake bûgana. N'we aabwîtire bwauma mwinduuni bwaya werûûni bwake bwa kûrigaria.

2 PETÛRÛ 3:14

Kwoogu, eendwa, cûûgiani mûno bûkarage bûrî baatheru nkorooni bûtarî na mabîtia na bûrî na ûkiri bweteereete ntugû îra Mwathani akaaya.

1 NJOANA 4:16

Na tiû twingwa itûmenyeete na itwîtîgîîtie wendo bûra Ngai atwendeete na bu. Ngai i wendo. Ûra akaraga wendooni akaraga ndeni ya Ngai na Ngai nakaraga ndeni yake.

KÛGWÛRÎRWA 13:8

Antû bonthe bamîgonga bara baatûîre nthîgûrû, bara mariîtwa maao mataandîkwa îbukuuni rîa mwoyo mbere ya nthîgûrû yûmbwa. Îbuku rîru rîa mwoyo, i rîra rîa Kagondu kara kaûragirwe.

KÛGWÛRÎRWA 17:8

Nyamû îno nîarî mwoyo, îndî îtirî mwoyo îîndî. Îkaarîûka yume îrinyaani rîra rîorokeru mûno. Yariûka, bara batûîre nthîgûrû, bara mariîtwa maao mataandîkwa îbukuuni rîa mwoyo mbere ya kûûmbwa kwa nthîgûrû bakaarigara bamîona. Îndî îkaathirua.