AEBEESO 1:3 - Kîrîîkanîro Kîîyerû

³ Ngai, Îthe wa Mwathani wetû, Yiesû Kîrîstû arookumua n'ûntû natûthaarimîîte na ithaarimo bionthe bia gîîkîrundu bira birî îgûrû. Na arûthîîte ûgu n'ûntû bwa bûra tûrî ndeni ya Kîrîstû.

AEBEESO 1:3 ပူးပေါင်းရင်းမြစ်များ

RUKA 2:28

Simioni aathûkia Yiesû, amûgwata. Aacookeria Ngai nkaatho, auga,

NJOANA 14:20

Na îgiita rîru rîakinya, bûkaamenya ndî ndeni ya Baaba, na biû naabi bûrî ndeni yakwa, na naani ndî ndeni yenu.

NJOANA 17:21

Ndîkûromba ûtûma bonthe batuîka gîntû kîmwe. Baaba, ta bûra ûrî ndeni yakwa, na naani ndî ndeni yaku, îngûkûromba ûtûme batuîka gîntû kîmwe ndeni yetû, kaingo antû beetîgia nwantûmire.

NJOANA 20:17

Yiesû amwîra, “Ndekia, tiga kûngwata n'ûntû ntikûrî ngwîtia kîrî Baaba. Îthi wîre arutwa baakwa imbîtîîtie kwa Baaba, Ngai wakwa ûra arî Abaagu na Ngai wenu.”

AROOMA 12:5

i ta bu gûkari kîrî mwîrî wa Kîrîstû, ta uu kanica. Amwe na kwîgua tûrî baingî, twinthe tûrî ba mwîrî ûmwe na tûgwatithanîîtue muntû na ûra ûngî.

AROOMA 15:6

kaingo bwîgua bûgwatithanîîtue amwe bûgîkumagia Ngai, Îthe wa Mwathani wetû Yiesû Kîrîstû.

1 AKORINTHO 1:30

I Ngai aatûmire bwîgua bûrî ndeni ya Kîrîstû. N'we aatuîkithiirie Kîrîstû ûûme bwetû, ta bu wagîru, ûtheru bwa nkoro na ûkûûri kuuma meeyiani.

1 AKORINTHO 12:12

Mwîrî i gîntû kîmwe îndî ûrî tûcuncî twingî. Wana kinya ûkeegua mwîrî ûrî tûcuncî twingî, tûcuncî tûtu tunthe tûrûthîîte mwîrî ûmwe. Kîrîstû i ta bu akari ûgu.

2 AKORINTHO 1:3

Ga tûkumieni Ngai Îthe wa Mwathani wetû Yiesû Kîrîstû. We i Baaba ûra atwîgagua kîao na i Ngai ûra atweyaga kûûmîîria kûûnene.

2 AKORINTHO 11:31

Ngai Îthe wa Mwathani Yiesû Kîrîstû, ûra riîtwa rîake rîbatîîrue rîkumagua tene na tene naiyî ntikûrongoa.

2 AKORINTHO 5:17

Muntû akeegua arî ndeni ya Kîrîstû atuîkaga kîûmbe kîîyerû. Mantû mara makûrû imathiraga akeerûua kûrû.

2 AKORINTHO 5:21

Kîrîstû ataarî na meeyia. Îndî Ngai aamûtuîkithiirie kîgongwana kîa meeyia n'ûntû bwetû kaingo ndeni yake twîgua tûrî baagîru kîrî Ngai.

AGARATIA 3:9

Kwoogu muntû wonthe ûra ageetîgia akaathaarimwa ta bûra Îburaîmu eetîgiirie, n'we Ngai amûthaarima.

AEBEESO 1:10

Na mûbango ûyu ûkaingîka kûrû rîra îgiita rîgaakinya rîongwa, rîra rîagîrîte. Rîru i rîo akaaringanîra biûmbe bionthe amwe ndeni ya Kîrîstû, bira birî gûkû nthîgûrû na bira birî îgûrû.

AEBEESO 1:17

Mbûrombagîra atî, Ngai wa Mwathani wetû Yiesû Kîrîstû, Baaba ûra arî mwago, abwe ûûme bwa gîîkîrundu na abûgwûrîre nkûrûki bûra akari kaingo bûmûmenya bwega.

AEBEESO 1:20

Inya înu nwa yo îra Ngai aariûkiirie Kîrîstû n'yo na aatûma akara nthî rûteere rwa njara yake ya ûrîo gûku îgûrû.

AEBEESO 2:6

Ngai naatûriûkanîîrie amwe na Kîrîstû, aatûma tûkaranîîra n'we kûra îgûrû n'ûntû tûrî ndeni ya Kîrîstû.

AEBEESO 3:10

Rîarî yerekeeria rîa Ngai amenyithanie gûkûrûkîîra kîrî kanica îgiitaani rîrî tûrî ûûme bwake bwa mîthemba îmingî kîrî aathani na mainya mara maathanaga maanganyoni.

AEBEESO 6:12

Tûtikûrûa na antû, tûrîrûa na anene ba ûthûûku, aathani, mainya ma mwindu ma nthîgûrû, na ûthûûku bwa gîîkîrundu bwa îgûrû.

APIRIPI 2:11

Na wakîra kîûmbe gîkauga Yiesû Kîrîstû i Mwathani, bikumithie Ngai Baaba.

AIBIRANIA 8:5

Ara bo barutagîra ngûgî ka arî mûbuanaano kana ngerekano ya bûra gûkari kungwa kûra îgûrû. Gîku i kîo gîtûmi kîra gîatûmire Ngai eera Musa amenyeere rîra aarî akubî kwamba *îrema rîra, kûra Ngai aarîîkanaga na antû. Aamwîrire, “Menyeera woone ûkûrûtha kîra gîntû kûringana na mûbango ûra wooniirue kîrîmaani.”

AIBIRANIA 9:23

Kwoogu ikwarî na gîtûmi gîa kûtheria into bibu na nthakame, bira birî ngerekano cia into bira birî îgûrû na njîra ta înu. Îndî into bira birî îgûrû bio biongwa biarî bitherue na igongwana biega mûno nkûrûki ya bibu bia nyamû.

1 PETÛRÛ 1:3

Ga tûkumie Ngai Îthe wa Mwathani wetû Yiesû Kîrîstû. N'ûntû bwa bûra arî kîao mûno naatûmire tûciarwa îciarwa rîa maîrî kaingo atwa wîrîgîîro bwa mma bwa mwoyo wa tene na tene na njîra ya kûriûkia Yiesû Kîrîstû.