1 PETÛRÛ 4:3 - Kîrîîkanîro Kîîyerû

³ Ibwarî na kagiita kaaganu ga kûrûtha mara bara batarî ba Ngai beendeete kûrûtha. Ibwarûthaga mantû mataagîrîte, ibwathîkagîra mawîrirîîria maathûûku, ibwatogoonaga, ibwathiyaga biathooni bitaagîrîte na ibwagongaga mîbuanaano kînyume na watho bwa Ngai.

1 PETÛRÛ 4:3 ပူးပေါင်းရင်းမြစ်များ

1 AKORINTHO 6:11

Bamwe beenu i bu bwakari ûgu. Îndî ibwathambiirue bwathira meeyia, bwatherua na bwagîrithua riîtwaani rîa Mwathani Yiesû Kîrîstû na gûkûrûkîîra kîrî Kîrundu wa Ngai wetû.

AEBEESO 5:18

Bûtigaatogoone i ncoobi n'ûntû ntogoona nîtûmaga muntû arûtha mantû mataagîrîte. Ûyûragwaani i Kîrundu.

1 ATHESARONIKE 4:5

Bûtikeende kwathagwa i wîrirîîria bwa mwîrî ta bara bataiyî Ngai.

1 PETÛRÛ 1:14

Karagaani ta aana aathîki ba Ngai. Bûtigaacookere mîkarîre îra bwarî n'yo mbereeni rîra bwathingataga mawîrirîîria meenu maathûûku rîra bûtaiyî Ngai.

AGARATIA 5:21

kwîrirîîria, ntogoona, biatho bitaagîrîte, na mantû mangî ta mamu. Ka mbûkaanieni kaîrî wata bûra mbûkaanîîtie na tene ndabwîra atî, antû bara barûthaga mantû ta mamu batiewa rûgai ûneneeni bwa Ngai.

AGARATIA 5:19

Mantû maathûûku ma mûtugo wa kîîmuntû i maiyîkeene. Na mo i ta ûtheria, ûmaramari, mantû ma rûko,

NJUNDA 1:4

Ndîbwîra ûgu n'ûntû antû bamwe ba bara batatîîyaga Ngai ibeethûngîîrîîtie na witho gîkundiini keenu. Mantû maao maandîkîîtwe beerwa îgamba rîao irîbeeteereete. Bagarûraga ntûmwa ya ûtugi bwa Ngai wetû na njîra îtaagîrîte, kaingo boona mwanya wa kûrûtha ûntû bunthe bûûthûûku bûra beeriragîîria. Na kaîrî bakaanaga Yiesû Kîrîstû na n'we wenka Mûnene na Mwathani wetû.

NGÛGÎ 17:30

Kagiita kara antû bataiyî, Ngai ataabataragîra îbîtia rîru. Îndî îîndî augîîte nwa mwanka antû bonthe beerire,

TITO 3:3

Wana tiû kûrî rîra twarî baataku. Twaregaga kwathîka tweneereetue i mantû ma nthîgûrû îno na mawîrirîîria ma mîthemba yonthe matûgwete ûkombo. Twatûûraga tûrî antû ba ntheto na ba rûriitho. Antû batûmena naati tûkabamena woogu batwonia.

2 AKORINTHO 12:21

Inkwîrîgîîra rîra nkaaya Ngai atikambooreerie ngwatwa i kîeba n'ûntû bwa baingî beenu bara beeyiirie na bateerira ûthûûku bwao, ûmaramari, na mantû ma îgi mara baarûthire.

1 AKORINTHO 12:2

Ibwiyî bûra bwakari mbere ya bûtuîka eetîgîri. Bwabîtithîîtue njîra bwatua kûrombaga ngai cia ûrongo, gîntû gîtaûmba kwaria.

AROOMA 13:13

Tûtûûrageeni bûra tûbatîîrue tûtûûra tûrî antû ba mûthenya. Tûtiagîrîtwe tûthiyaga biathooni birî na mantû maathûûku, kana tûtuîka atogooni. Tûtibatîîrue tûrûtha wîyia bwa ûmaramari nwa bûrîkû, kana tûthetania, kana twîgagua antû bara bangî rûriitho.

MAARIKO 7:22

ûthûngîîri, wîrirîîria bûûthûûku, moothûûku, wenania, mantû ma îgi, rûriitho, gûtuyanîîra, wîkumia, na ûtaku.