Vakatha 2:18 - Sudest

¹⁸ Ŋgoreiye, nevole mbaŋako iyako ya liŋgiya Uneŋgu weŋgiya lo rakakaiwo ghɨmoghɨmoru na wanakau, na ne thɨ utuŋa wombereghake ghalɨŋaŋgu weŋgiya gharɨgharɨ.

Vakatha 2:18 ပူးပေါင်းရင်းမြစ်များ

Toto Thovuye Utuniye Luk Le Rorori 12:45

Ko thoŋgo rakakaiwoko tembe i dagewe ghamberegha na iŋa, ‘Wo giyama le ghena kaero ve lawa na i vuyowo ele njoghama,’ na i wa ve yabɨbɨŋgi le valɨrakakaiwoko ghɨmoghɨmoru na wanakau, na i ghanɨŋga na i munumu na i mun kabaleya,

Vakatha 2:17

Loi iŋa, ‘Mbaŋako thiyako e tɨnenji amba muyai yambaneke ne iko, ne ya liŋgiya Uneŋgu gharɨgharɨke wolaghɨye weŋgi. Lemi ŋgaŋga ghɨmoghɨmoru na wanakau ne thɨ utuŋa wombereghake ghalɨŋaŋgu weŋgiya gharɨgharɨ, tembe ŋgoreiyeva ghamithegha ne thɨ thuwe vavaghare emunjoru i mena weya Loi, na amaamala ne thɨ ghareghare emunjoru i mena weya Loi ghenelolo e tɨnenji.

Vakatha 2:19

Ne ya vakathaŋgiya vakatha vavana e buruburu, varae ne i momouwo na manjala i soro ŋgoreiya madibe; na ya vakathaŋgiya nono e yambaneke, madibe, ndɨghe na mundu laghɨye moli ne thɨ yomara. Gaithɨ laghɨye moli kaiwae bigibigike thiyake thɨ yomara. Thɨ yomara amba muyai Giya ghambaŋa laghɨye moli i vutha.

Vakatha 21:10

Mbaŋa gheviye vama wo yaku gheko, amba Loi ghalɨŋae gharautu regha i vutha, i mena Judiya, idae Agabas.

Galeisiya 3:28

Weya Krais kaero ma totomethi weŋgiya Jiu o thiye ma Jiu. Ma totomethi weŋgiya rakakaiwobwaga o rakarakayathu. Na ma totomethi weŋgiya ghɨmoghɨmoru o wanakau. Kaiwae weya Krais Jisas taulaghɨna ghemi hu mboromboro.

Kolose 3:11

Iyake kaiwae ma e ghatomethi, thoŋgo ghinda Jiu o Grik gharɨgharɨniye ŋgoreiye, thoŋgo ghinda ra wo kitenɨyathu thanavuniye o ma ra wo kitenɨyathu thanavuniye, thoŋgo mbe ghalɨghalɨŋa regha gharɨgharɨniye, thoŋgo ghinda wabwi ma thanavu ina weŋgi, thoŋgo ghinda rakakaiwobwaga o rakarakayathu gharɨgharɨniye. Ko iyemaeŋge Krais iye bigibigike wolaghɨye, na iye i yaku weŋgiya raloŋweloŋweghathɨke wolaghɨye.