Toto Thovuye Utuniye Luk Le Rorori 13:31 - Sudest

³¹ E mbaŋako iyako Parisi vavana thɨ mena weya Jisas na thɨ dagewe thɨŋa, “U iteta valɨvaŋgake iyake kaiwae Herod nuwaiya i unɨghɨŋge.”

Toto Thovuye Utuniye Luk Le Rorori 13:31 ပူးပေါင်းရင်းမြစ်များ

Matiu 14:1

E mbaŋako iyako, Herod, iye Galili gharambarombaro i loŋweya Jisas le vakatha utuutuniye.

Matiu 14:3

Kaiwae Herod va i viwe ghagha Pilip levo Herodiyas na i ghe weiye, Jon vambe i vathivalaŋa wevara, iŋa, “Ghanda Mbaro ma i vatomwe e ghen na u vaŋgwa Herodiyas!” Iyako kaiwae, Herod va iŋa na thɨ yalawe Jon, thɨ ŋgarɨ na thɨ woruwo e thiyo.

Matiu 14:6

Mbaŋa Herod i vakatha le virɨ gharenuwaŋakiki ghanɨŋganiye, Herodiyas yawarumbuye i thari wabwiko e maranji, i vakatha Herod i warari laghɨye,

Toto Thovuye Utuniye Luk Le Rorori 23:7

Mbaŋa i ghareghare Jisas i mena e valɨvaŋgako iyako, na Herod iye le ghamba mbaro, i variye na i wawe. Amalaghɨniye vambe inava Jerusalem tɨne e mbaŋako iyako.

Toto Thovuye Utuniye Luk Le Rorori 3:1

Taibiriyas Sisa ghambaŋa mbaro, theghathegha hoyaworo na umbolimaninji e tɨne, Pontiyas Pailat iye Judiya ghagawana, Herod iye Galili gharambarombaro na ghaghae Pilip i mbaro Itureya na Tɨrokonitis e lenji valɨvaŋga na Lisaniyas iye i mbaro Abilini,

Toto Thovuye Utuniye Luk Le Rorori 9:7

Mbaŋa Herod, iye Galili gharambarombaro i loŋwe bigibigiko wolaghɨye thɨ rakarakaraŋgi Jisas le vakathako ghamba rotaele, kaiwae gharɨgharɨ vavana va thɨŋava Jon Rabapɨtaiso kaero i thuweiru na tembe e yawayawaliyeva.