Toto Thovuye Utuniye Jon Le Rorori 4:50 - Sudest

⁵⁰ Jisas i gonjoghawe iŋa, “Ma u wa eŋge, narunɨna kaero riwae i thovuyeva.” Amalama i loŋweghathɨgha Jisas ghalɨŋaeko kaero i njoghava.

Toto Thovuye Utuniye Jon Le Rorori 4:50 ပူးပေါင်းရင်းမြစ်များ

Matiu 8:13

Amba Jisas i dage weya ragagaithɨma lenji randeviva, iŋa, “U njogha! Ne ŋgoreiya iya len loŋweghathɨna.” E mbaŋako iyako le rakakaiwoma riwae i thovuye.

Toto Thovuye Utuniye Luk Le Rorori 17:14

Mbaŋa i thuweŋgi i dage weŋgi iŋa, “Hu wa na vohu vatomweŋga ghamimberegha weŋgiya ravowovowo.” Na lenji loŋgaloŋga e tɨne riwanjiko kaero i thovuye.

Toto Thovuye Utuniye Jon Le Rorori 11:40

Jisas i dagewe iŋa, “Mendambe ya dage e ghen ne u thuwe ŋgoroŋga Loi le vurɨvurɨgheghe thoŋgo u loŋweghathɨ?”

Toto Thovuye Utuniye Jon Le Rorori 4:49

Amalama i gonjoghawe iŋa, “O amalana, u mena ra wa, ne iwaeŋge naruŋguko i mare.”

Toto Thovuye Utuniye Jon Le Rorori 4:51

Vamba i loŋgaloŋga e kamwathɨ mborowa, le rakakaiwo kaero thɨ lavolevole, thɨ womena totowe thɨŋa, “Naruma kaero riwae i thovuye.”

Hibru 11:19

Eibraham va i ghareghare Loi valɨkaiwae i vakatha Aisake na i thuweiru mare e tɨne na tembe e yawayawaliyeva. Na valɨkaiwae raŋa mbaŋa Loi i dagetena Eibraham na thava i vakowana Aisake yawaliye, iyako ŋgoreiya Eibraham i vaŋgunjogha nariye mare e tɨne.