Toto Thovuye Utuniye Jon Le Rorori 19:9 - Sudest

⁹ I njogha ele ŋgolo tɨne na i vaito Jisas iŋa, “Aŋga u mena?” Ko iyemaeŋge Jisas ma i gonjoghawe.

Toto Thovuye Utuniye Jon Le Rorori 19:9 ပူးပေါင်းရင်းမြစ်များ

Matiu 26:63

Ko iyemaeŋge Jisas ma i ndeutu mun. Ravowovowo laghɨlaghɨye lenji randeviva i dagewe iŋa, “Loi e yawayawaliye e idae ya naŋgo e ghen na u dage weime, thoŋgo emunjoru ghen Mesaiya, Loi Nariye.”

Matiu 27:27

Pailat le ragagaithɨ thɨ yovaŋguya Jisas e gawana ele ŋgolo ghayayao amba ragagaithɨko wolaghɨye thɨ mevathavatha na thɨ meghɨliŋa Jisas.

Toto Thovuye Utuniye Luk Le Rorori 23:9

Iya kaiwae Herod i giya vaito i ghanagha, ko iyemaeŋge Jisas ma i thombeŋgi.

Toto Thovuye Utuniye Jon Le Rorori 18:28

Amba Jiu lenji randeviva thɨ vaŋgwa Jisas Kaiyapas ele ŋgolo na thɨ yovaŋgu gawana ele ŋgolo, iye i mena Rom. E mbaŋako iyako vama ighɨviyavao, na kaiwae thiye Jiu va thɨ vaghaghaiŋa riwanji i mbighɨ ŋgoreiya lenji kururu ghambaro, mava thɨ ru e ŋgolo tɨne, kaiwae va nuwanjiya thɨ ghana Thaga Valaŋani ghanɨŋganiye.

Toto Thovuye Utuniye Jon Le Rorori 18:33

Pailat i njogha e ŋgoloko tɨne amba iŋa na thɨ vaŋgumena Jisas na i dagewe iŋa, “Ghen Jiu lenji kiŋ?”

Toto Thovuye Utuniye Jon Le Rorori 18:34

Jisas i gonjoghawe iŋa, “Renuwaŋana iyena mbe ghanɨmberegha len renuwaŋa o gharɨgharɨ vavana methɨ utugiya utuutuniŋgu e ghen?”

Toto Thovuye Utuniye Jon Le Rorori 18:37

Pailat iŋa, “Ko mbema emunjoru ghen kiŋ?” Jisas i gonjoghawe iŋa, “Uŋa kiŋ ghino. Iyake kaiwae va ya virɨ, na iyake kaiwae tembe ya menava e yambaneke na ya utuŋa emunjoru utuniye. Thela ina emunjoru ele valɨvaŋga, i vandeŋe ghalɨŋaŋguke.”

Toto Thovuye Utuniye Jon Le Rorori 19:10

Pailat i dagewe iŋa “U botewo u thombeya ghalɨŋaŋguke? U ghareghare ghino ya mbaro. Valɨkaiwaŋgu yaŋa na ya rakayathuŋge na yaŋa na thɨ rokrosɨŋge.”

Toto Thovuye Utuniye Jon Le Rorori 19:8

Mbaŋa Pailat i loŋwe iyake, i vakatha na ma i mararu eŋge laghɨye thoŋgo iŋa na Jisas i mare.

Toto Thovuye Utuniye Jon Le Rorori 8:14

Jisas i gonjogha weŋgi iŋa, “Othembe ya utuŋa wombereghake utuniŋgu, ko iyemaeŋge budakaiya ya utuŋa iye utu emunjoru, kaiwae ya ghareghare aŋgava ya mena na aŋgane ya reŋa. Ko ghemi ma hu ghareghare aŋgava ya mena o aŋgane ya reŋa.

Pilipai 1:28

Iya kaiwae thava hu mararuŋgiya ghamithɨghɨya. Thoŋgo hu vakatha ŋgoreiyako, ghamithɨghɨyaŋgi ne thɨ ghareghare ma e lenji vurɨgheghe na nevole i mukuwoŋgi, na ne thɨ ghareghare ghemi hu vaidiya ghamivamoru kaiwae Loi i thalavuŋga.