Toto Thovuye Utuniye Jon Le Rorori 13:19 - Sudest

¹⁹ “Ya utuŋa iyake weŋga e mbaŋake iyake amba muyai i yomara, mbala mbaŋa ne i yomara, ne hu loŋweghathɨ ghino mbema iya varana.

Toto Thovuye Utuniye Jon Le Rorori 13:19 ပူးပေါင်းရင်းမြစ်များ

Matiu 11:3

weya Jisas na thɨ vaito, thɨŋa, “Ghen mbema iya Jon va i utuŋa iŋa tene i mena o wo roroghaghaweva lolo regha?”

Matiu 24:25

Wo hu thuwe, amba ŋgaŋgagha kaero ya giya yanawami.”

Toto Thovuye Utuniye Luk Le Rorori 21:13

Iyake ne i woveŋga ghamimbaŋa thovuye moli na hu utuŋa Toto Thovuye weŋgi.

Toto Thovuye Utuniye Jon Le Rorori 1:15

Jon va i utuŋa amalaghɨniye utuniye. I kula na iŋa, “Loloke iyake iya utuniya va yaŋama, ‘Loloko iya i rereghamba e ghereiŋguko iye i laghɨye kivwalaŋgo kaiwae amalaghɨniye vama inawe amba muyai ghino.’”

Toto Thovuye Utuniye Jon Le Rorori 14:29

Kaero ya dage weŋga e mbaŋake iyake amba muyai i yomara, mbala mbaŋa i yomara, ma hu loŋweghathɨ eŋge.

Toto Thovuye Utuniye Jon Le Rorori 16:4

Kaero ya utuŋa iyake weŋga mbala mbaŋa i mena ne hu renuwaŋakiki kaerova ya giya vanuwovɨrɨ weŋga. Mava ya utugiya weŋga ŋgorava ra menakowe kaiwae vamba weiŋguyaŋgiya ghemi.”

Toto Thovuye Utuniye Jon Le Rorori 4:26

Jisas i gonjoghawe iŋa, “Lolona iya u utuutu kaiwaena mbema iya ghinokeni, iya vara ya utuutuke e ghen mbaŋake iyake.”

Toto Thovuye Utuniye Jon Le Rorori 8:28

Iya kaiwae va iŋa, “Mbaŋa ne hu mwanavaira Lolo Nariye, amba ne hu ghareghare Ghino mbema iya ya utuŋaŋgoke. Ma ya vakatha bigi regha wombereghake, ko ya utuŋa budakaiya Bwebwe i vaghareŋgo na ya utuŋa.

Toto Thovuye Utuniye Jon Le Rorori 8:58

Jisas i gonjogha weŋgi iŋa, “Ya dage emunjoru e ghemi, amba muyai Eibraham va i virɨ ghino vama inaŋguwe.”