Galeisiya 4:27 - Sudest

²⁷ Aiseya va iŋa Jerusalem togha le ŋgamaŋgama lemoyo, ma ŋgoreiya Jerusalem teuye. Va i utu na ŋgoreiyake: Ghen ŋgorana wevoma iya i kwamama ma mbaŋa regha i ghambɨ, ko iyemaeŋge ya dage vurɨgheghe na wo u warari. Ghen ŋgorana wevoma iya ma mbaŋa regha ghambɨma vɨrɨniye i yomarawe, ko iyemaeŋge ya dage vurɨgheghe na u kula na ghalɨŋae laghɨye. Kaiwae othembe ghen ranuwanuwatharɨ laghɨye moli, len ŋgamaŋgama ne lemoyo moli, ko iyemaeŋge wevona iya le ghɨmoruna mbe i rokighalona vara le ŋgaŋga mane lemoyo.

Galeisiya 4:27 ပူးပေါင်းရင်းမြစ်များ

Galeisiya 4:19

Lo ŋgamaŋgama valɨghareghareŋgu, ghino tembe ya ghataŋava vɨrɨ ŋgoreiya ghambɨ vɨrɨniye. Ne ya ghataŋa vɨrɨko ghaghad hu matuwo weya Krais.

1 Timoti 5:5

Wambwi ma ele bodaboda na mbe ghambereghaeŋge i yakuyaku, i vareminja Loi, gougou na ghararaghɨye i naŋgonaŋgo weya Loi thalavu kaiwae.