Matiu 7:7 - A Turoxoian Fa'ui Sina Piran

⁷ “Fin a Piran pana maana mo aava no vubuxane e no taa siaxe, seseng e no taa tingine, vipit la matana lifu sina Piran e i taa kase xe siim.

Kara

⁷ “Fin a Piran pana maana mo aava no vubuxane e no taa siaxe, seseng e no taa tingine, vipit la matana lifu sina Piran e i taa kase xe siim.

Matiu 7:7 ပူးပေါင်းရင်းမြစ်များ

Matiu 18:19

E ne xuus fulan nami, layaan nami nabe' la xavala, mi fenung turoxo pana mo, na Tamaang pe la xunavata, i taa tamana vile.

Matiu 21:22

Tamo mi namkai e mi fenung xe sina Piran pan' ta mo, nane xo i taa vil a so ta mo mi fenung pana.”

Matiu 6:33

E voxo nami, mi taa seng paamuin a fatataganan sina Piran e a vubuxanan fatak sina e layaan mi vil malaane, nane xo i taa tavai nami pana maana mo xapiak aave vaxa.

Matiu 7:11

E tamo nami aava mi rabuna saat, mi tavai a mu rafulak simi pana maana mo roxo, tuuna paaliu na Tamami pe la xunavata, i taa tavai nari aava ri fine, pana maana mo roxo.

Matiu 7:8

Senaso nase' ta mataa i taa fiai i taa siaxe; nase' ta mataa i taa seseng i taa tingine; nase' ta mataa i taa vipit la matana lifu sina Piran i taa kase xe sina.

Maak 11:24

E voxo ne xuus nami layaan mi taa fenung xe sina Piran mi taa namkai faagut sena mo aava mi fenung pana e i taa savat.

Luuk 13:25

Layaan a mataa tafuna lifu a tamasiak e xawei a matana lifu, mi taa tigina vipit maat lamalei e fenung, ‘Memai, kas a lifu xe simaam.’ “Taasaxa i taa sui nami, ‘Ne ngalngolan nami e ne pife texaas o mi filimaan ti faa!’

Luuk 18:1

E mui na Yesus a ferawai paap xena fapiti nari talo ri taa fenung vulai e ri taa pife taxapus.

A Lagasai Roxo Na Jon A Xaleie 15:16

Nami, mi pife siak fatiau, piau. Ne fo siak fati nami e fo bur nami o mi taa falet e malaan sena mu wai roxo mi taa fuaa faroxo. Mi taa fuaa pana xalana aava i taa waan vulai, e voxo a so ta mo mi taa nung na Tamataara pana lapaana isaak, i taa tavai nami pana.

A Lagasai Roxo Na Jon A Xaleie 15:7

Tamo mi taagul xuvul paga e a ferawaian siak i taxa waan la xunus imi, mi taa fenung pana so ta mo mi vubuxane e a mo aave mi taa siaxe.

A Lagasai Roxo Na Jon A Xaleie 4:10

Na Yesus a suie, “Tamo no texaas sena tatavaian sina Piran e no masam faroxo sese' fo nung nano pana raarum, naak no tamaa nunge e i taa tavai nano pana raarum aava toxan a toyan.”

A Si Pol Lagasai Xe Sina Mu Rom 2:7

A rabuna aava ri fuuna lo bilai faroxo la matana Piran, ri fuuna seng faagutan a tatavaian sina aava isin lava, suaian e a toyan i taa pife taxapus. E a Piran i taa tavai nari xo pana toyan vulai xe vulai.

A Si Pol Lagasai Xe Sina Mu Rom 3:11

Pi ta saxa a masam sena vilaana sina Piran. Pi ta saxa a seng a Piran.

Hibru 11:6

Pife fexaxaas o a mataa aava piau ta namkaian i taa vil fafaamamaas a Piran senaso a mataa aava vubuk savat xe sina i taa namkai o nane taxa waan e fulaa i taa tavai a mu rabuna aava ri seng faagutane pana sepirigus.

Jems 5:15

E a fenungan aava ri ferawai pana lapaana namkaian siri i taa vil faroxoi a mataa aava giis; e a Memai sitaara i taa yaas fatigineie. Tamo nane fo vil a vilaana saat, a Piran taa lamon tapin a saatan sina.

1 Jon 3:22

E nane taa tavai netaara pana so ta fenungan taara taa fiai pana, senaso taara fuuna usi a maana ferawaian sina e taara taxa lo vil a maana vilaana aava ri fananame.