Matiu 5:30 - A Turoxoian Fa'ui Sina Piran

³⁰ E malaan sena mataam, tamo a maam pamuaan a fasavat a vilaana saat, patal tapine. A mo roxo a xavil modak ina taam i taa malit talo a taam xurul i taa pife waan la vaa'ul ina fakasanaman pana fata.

Kara

³⁰ E malaan sena mataam, tamo a maam pamuaan a fasavat a vilaana saat, patal tapine. A mo roxo a xavil modak ina taam i taa malit talo a taam xurul i taa pife waan la vaa'ul ina fakasanaman pana fata.

Matiu 5:30 ပူးပေါင်းရင်းမြစ်များ

Matiu 11:6

Nari aava namkaian siri sega pife milung, ri taxa faamamaas.”

Matiu 13:21

Taasaxa a lagasai aave pife waan fatateak la xunus iri e ri usi famodaxe mon. Layaan a lagafan o vil penganan a savat la toyan siri senaso ri namkai sena lagasai aave, ri ta'ulan fatapusane.

Matiu 16:23

Na Yesus xo a tapuk e kuus xe si Pita, “Faapalau sega, Setan! Nano, no mo ina sopitaian siak. A Piran pife tavai nano pana lamonan siim, piau, ri savat sina mataa.”

Matiu 17:27

Taasaxa taara bai kawaasan a waanan sitaara xuvul pari. E voxo, falet xe la raarum e fadui a yeis ina ngaulaana din. A din mata aava no ngaule, kas a valana e no taa tingin a faat xena maraan a taakis siak e siim sait. Lisan a faat aave xe siri xena maraan a taakis sitaare.”

Matiu 18:8

Tamo a maam o kaam a fasavat a vilaana saat la toyan siim, patal tapine; a mo roxo no taa laak lana toyan vulai pana maam o kaam a malit sena toxanaana ro maam o ro kaam e waan la bina ina fata i taxa raam vulai.

Matiu 22:13

“E a paamua king a xuus a mu rabuna ina sisiak la fenamo, ‘Pis a mana e kana e tapine xe lamalei la suk.’ Pave a mu rabuna ri taa taangiis faagut e faxakengat a fari.”

Matiu 25:20

A saxa pana faat 5,000 maa tavaie pana xasa faat 5,000 e xuuse, ‘No tavaiau pana faat 5,000, Matalava, e naboxo ne fo fasavat a xasa 5,000. Kaalum! A faat xapiak siim nabe'.’

Matiu 26:31

E na Yesus a kuus xe siri, “La vung naang nami xapiak xo mi taa sinuf e ta'ulanau e voxo ne taa waan nenia sang mon senaso a Xakalayan Taap a kuus, “‘Nenia, ne taa punuk a mataa ina faxatangaana sipsip e nari mu sipsip ri taa falet fepatok’. Sekaraia 13:7.

Matiu 5:22

Taasaxa nenia, ne xuus nami o nase' ta mataa a maraleian na tina i taa waan lapaana tiisan. E fulaa, nase' ta mataa a xuus na tina o ‘A putum a faat!’ nane, a mu matalava ri taa tiise. Taasaxa, nase' ta mataa a kuus pana ‘No vavagai!’, i taa fakasanaman lana fata aava i taxa raam vulai.

Matiu 5:29

E tamo a mataam pamuaan a fasavat a vilaana saat malaan, put tapine. Senaso tamo i taa waan i taa kawaasan a toyan xapiak siim. A mo roxo o a xavil modak ina taam i taa malit talo a taam xurul i taa pife waan la vaa'ul ina fakasanaman pana fata.

Maak 9:43

Tamo a maam a pasak fatateak lana fulung si Setan, lavaxa patal tapine. Senaso a roxo no taa waan pana ma saxa lana bina sina Piran sena waanan pana ma taragua lana fata aava taxa raam vulai e pi ta taxapusan ina.

Luuk 12:5

Piau, ne taa faxalit nami o nase' mi taa mataut sena: mi matautan mon a saxa aava lamina punuxaana mataa a fexaxaas sena tapin fasiviaana xe la bina ina fata aava i taxa raam vulai. Langaiau, suai faagut sena saxa pana gutan malaan.

Luuk 17:2

A mataa aave i taa mimilisaat temasaat tamo i taa vil fafaasaal a saxa lak modak. A mo roxo ri taa xiute pana faat matafan e tapine la laman.

A Si Pol Lagasai Xe Sina Mu Rom 9:33

Na Aisaia a kuus fatuxai pana maana mo aanabe'. Nane kuus malaan: “Kaalum, nenia, a Piran, ne fanei a faat xena sopitaian lana bina siak, na Saion, e saxanofuna ri taa poxo xuluna taasaxa nase' ta mataa a namkai sena i taa pife famangilan.” Aisaia 8:14; 28:16.

1 Korin 8:13

E voxo, tamo na tiak i tamaa poxo sena fanganan aava ne ngane, ne taa pife ngan ta meska fulaa. Ne baian ta mo aava ne ngane ulaa i tamaa fapoxoi na tiak.

Galesia 5:11

Mu fetinan, tamo a tuuna nenia, ne taxa lo kuus fasavat lunai o a vilaana ina vuputuxan a roxo, xenaso a rabuna ri taxa lo vil penganau? E tamo ne kuus malaan, a rabuna ri taa pife mangil sena bolo si Krais.

1 Pita 2:8

E saxa Xakalayan ti Kavai fulaa a kuus: “A faat aanabe' i taa fakalaxoi a rabuna e i taa fapoxoi nari.” Aisaia 8:14. Ri taa kalaxoi senaso ri pife namkai sena ferawaian sina Piran e nane xo a lamon faati o ri taa usi a vilaana ina langai pesalaian aanabe'.