Matiu 5:3 - A Turoxoian Fa'ui Sina Piran

³ “Nari aava ri texaas o ri pife tigina fatak la matana Piran sena mu vilaana siri xa, naboxo a naian siri a roxo paaliu senaso a fatataganan sina Piran va siri.

Kara

³ “Nari aava ri texaas o ri pife tigina fatak la matana Piran sena mu vilaana siri xa, naboxo a naian siri a roxo paaliu senaso a fatataganan sina Piran va siri.

Matiu 5:3 ပူးပေါင်းရင်းမြစ်များ

Matiu 11:25

La yaan aave na Yesus a kuus, “Tamaang, nano, no Memai ina xavala e xunavata xapiak e ne kuus faasiroxo xe siim senaso no fo fun a maana mo xasena rabuna pana texaasan e masaman taasaxa no fo faxalit famatavas a mu rabuna palau pana maana mo aanabe'.

Matiu 11:6

Nari aava namkaian siri sega pife milung, ri taxa faamamaas.”

Matiu 13:16

Taasaxa waanan simi a roxo paaliu senaso a Piran fo tiuan a roxoyan sina xulumi. E a matami ri kaalum famatavas e tangami ri langai pana masaman.

Matiu 19:14

E na Yesus a kuus, “Turoxoian a mu rafulak xena filimaan xe siak, muta ti votan nari. Senaso a fatataganan sina Piran ve a nobina sina rabuna malaan sena mu rafulak aanabe'.”

Matiu 24:46

E tamo a paamua sina, lana filimaanan sina, a xalume o i taxa vil faroxoi a faisok sina, a sisiak aave i taa faamamaas.

Matiu 25:34

“E mui a King aave i taa kuus xe siri mu rabuna la pamuaan sina, ‘Filimaan, nami aava na Tamaang a ferawai fararoxo semi. Filimaan, siak a maana roxoyan ina fatataganan sina aava nane faigotane xami paamuina yaan nane vesan a xavala.

Matiu 8:11

Ne xuus nami o maana rabuna ri taa savat ti paa e ti kol e taa nai la fenamo molava lana fatataganan sina Piran xuvul pa Abrahem, Aisaak nari na Yaakop.

Maak 10:14

Layaan na Yesus a xalum a mu fefeng sina ri taxa vil malaane nane a maraleian nari e xuus nari malaan, “Siakmaan a mu rafulak xe siak. Muta tivotan nari! Ri taxa waan lana fatataganan sina Piran.

Luuk 11:28

E nane suie, “Piau, nari aava ri langai a ferawaian sina Piran e ri usie, nari xo, ri taa faamamaas.”

Luuk 18:14

“Lavaxa, ne xuus nami o a mataa aanabe' ina siak taakis, nane sang mon a ta'ulan a lifu lotu pana luaian la xunus ina. Senaso nane aava lamon falavai nane xa, a Piran i taa lamon fasivie e nane aava lamon fasivi nane xa, a Piran i taa fatiginei fataxe.”

Luuk 22:29

Na Tamaang a tavaiau pana ngavuk ina Memai e voxo ne fexaxaas ne taa tavai nami pana sait.

Luuk 22:30

E mi taa fangan e num la ivin lana fatataganan siak e vaxa mi taa nai la vena Memai xena tiisaana pabung sangafilu saxa pana taragua sina mu Israel.

Luuk 4:18

“A vovau sina Piran a xafutau senaso nane fo noxolau xena kuusan fasavat a Lagasai Roxo xe sina mu valagof. Nane fengau xena kuus fatexaas o nari aava ri vipis ri taa mulus tapinan; a mu mata piif ri taa kaalum fulaa e a mu rabuna aava ri waan lapaana gutan sina xaiyaas siri ri taa ta'ulai xaseri

A Lagasai Roxo Na Jon A Xaleie 20:29

Na Yesus a xuus fulane, “Nano, no namkai naboxo senaso no fo xalumau? Nari aava ri pife xalumau taasaxa ri namkai sega, ri taa faamamaas paaliu.”

Jems 1:10

A mataa pana faat xaves aava namkai, nane vaxa i taa faamamaas pana isin modak lapaana Piran senaso a fafanaian sina i taa malit malaan sena fur mon.

Jems 1:12

Ta mataa aava tigina fatateak lana yaan ina tatafangai taa faamamaas senaso layaan a lagafan sina fo taxapus i taa siak a sepirigus aava toyan vulai. A mo aanabe' ve a Piran fo kuusan faneie xari mu rabuna aava ri vubuxan xasingite.

Jems 2:5

Langai kamu tiak, a Piran fo siak fati a mu rabuna aava xasano rabuna ri xali nari pana valagof e nane tavai nari pana namkaian molava paaliu, bo? E nari, ri taa siak a fatataganan aava nane fo kuus fanai xe siri aava ri vubuxan xasingite.

Kuusan Fasavatan 19:9

E mui saxa a savat e pana ling aava ne fo langaie ti lana ivin lava, a xuusau, “Xaleie: Nari aava ri fo xelan xe la Fenamo ina Tamaian sina Natuna Sipsip, ri taa faamamaas!” E nane kuus fulaa, “Nabe' a ferawaian fatak sina Piran.”

Kuusan Fasavatan 22:14

“Nari aava ri xamak a marapi siri, ri taa faamamaas. Senaso ri fexaxaas sena laak la matana yalaxau ina Bina e laak lana Bina Lava e ri taa murul a xalana Wai Ina Toyan lana.

Kuusan Fasavatan 3:17

Nami, mi kuus o mi toxan a fafanaian xaves e mi fo matalava e mi piau ta vubuxanan fulaa, taasaxa piau. Nami, mi mu valagof, mi pife kaalum faroxo e mi piau ta gutan. Ne muluk nami senaso mi piau ta marapi e mi taxa tigina xavuul.