Matiu 17:18 - A Turoxoian Fa'ui Sina Piran

¹⁸ Na Yesus a baras a vovau saat e a vovau saat aave ta'ulan a lak aave e monabe' mon nane roxo fulaa.

Kara

¹⁸ Na Yesus a baras a vovau saat e a vovau saat aave ta'ulan a lak aave e monabe' mon nane roxo fulaa.

Matiu 17:18 ပူးပေါင်းရင်းမြစ်များ

Matiu 12:22

E bak saxano rabuna ri lisan a mataa xe si Yesus. A mataa aave a piif e po senaso a masalai fo vawe. Na Yesus a vil faroxoie e nane fexaxaas sena kaalum e ferawai fulaa.

Matiu 15:28

E na Yesus a suie, “Nano, no tefin pana namkaian lava! A Piran i taa tavai nano pana vubuxanan siim.” E lana yaan fatak aave a lak tefin sina moxo a roxo.

Matiu 17:17

E na Yesus a suie, “Nami mu rabuna, mi pi namkai e mi milung vulai! Mi famaareau. Ne taa waan xuvul pami pana yaan talavisan fulaa? Lisanmaan a lak xe siak.”

Matiu 17:19

E mui, layaan pi ta rabuna fulaa ri taxa waan, a mu fefeng ri maa fin na Yesus, “Senasou e maam pife fexaxaas sena gei tapin a vovau saat aave?”

Matiu 9:22

Na Yesus a tapuk fa'ulaa e a xalume e a kuus, “Muta mataut, tefin! A namkaian siim fo vil faroxoi nano.” E monabe' mon a tefin aave a roxo.

Maak 1:34

E nane vil faroxoi a rabuna aava ri toxan a mu giisan e a gei tapin a mu vovau saat. A mu vovau saat xo, ri texaas sena taasaxa nane ti votan nari sena ferawai.

Maak 5:8

A ferawai malaan senaso na Yesus a xuuse, “Nano, no vovau saat, no ta'ulan a mataa aanabe'!”

Luuk 4:41

E vaxa, a mu vovau saat ri ta'ulan a maana rabuna xaves. Ri ta'ulan nari e ri xukulai faagut malaan, “Nano, no Lak sina Piran.” Taasaxa nane baras nari talo ri taa pife ferawai senaso ri texaas o nane ve a Mataa Failai sina Piran.

Luuk 8:29

A ferawai malaan senaso na Yesus a xuus faagutan a mu vovau saat rao ri taa ta'ulan a mataa aave e ri savat lamalei. A maana yaan xaves a vovau saat a yote naapalaan a mu rabuna ri fo bugut a mana e kana pana ʻseinʼ e ri faxatange. Taasaxa layaan a mu vovau saat aave ri fagute nane fuuna piit a ʻseinʼ sina e mu vovau saat aave ri xupe xe pe la bina vingil.

Luuk 9:42

E layaan a lak aave taxa filimaan, a vovau saat a tapin fasivie xe lapia pana radakuian. Taasaxa na Yesus a baras a vovau saat aave e a vil faroxoi a lak e lisan fa'ulie xe si tamana.

Faisok 16:18

Nane vil malaane pana maana yaan xaves e voxo na Pol a marala e a tapuk xe sina e xuus faagutan a vovau saat aave, “Lana isi Yesus Krais ne fasei nano, ta'ulan a tefin aanabe'.” E fataapus a vovau aave a ta'ulane.