Matiu 16:20 - A Turoxoian Fa'ui Sina Piran

²⁰ E na Yesus a pebukan a mu fefeng sina o ri muta kuus fasavat o nane ve a Mataa Failai sina Piran.

Kara

²⁰ E na Yesus a pebukan a mu fefeng sina o ri muta kuus fasavat o nane ve a Mataa Failai sina Piran.

Matiu 16:20 ပူးပေါင်းရင်းမြစ်များ

Matiu 1:16

e na Yaakop aave na tama Yosep aava tamai si Maria na nina Yesus e na Yesus naang va ri xalie pana Mataa Failai sina Piran.

Matiu 16:16

Na Saimon Pita a suie, “Nano ve a Mataa Failai, a Natuna Piran aava to vulai.”

Matiu 17:9

Layaan ri taxa sivi ti xuluna put na Yesus a xuus faagutan narutul, “Muta xuus ta mataa pana xakaaluman aanabe' aava mutul fo xalume fefexaxaas a yaan a Piran i taa fatatoi fa'uli a Natuna Mataa ti la mamaat.”

Matiu 8:4

E na Yesus a xuuse, “Langai! Muta xuus ta mataa pana. Falet fatak xe sina priis talo i tafe taxan faroxoi a taam, e mui no taa tatavai pana mo aava na Moses a kuus pana xena faxalit a rabuna pana vil faroxoiaan nano.”

Maak 8:30

E na Yesus a pebukan nari o ri muneta kuus famatavas pana isina lunai.

Maak 9:9

Layaan ri taxa sivi ti laa'ui xuluna put nane xuus faagutan narutul o rutul taa pife kuusan xolan a mo rutul fo xalume fefexaxaas sena yaan a Natuna Mataa i taa to fa'ulaa ti la maatan.

Luuk 2:11

Tanin, lana bina si Devit, a Nges Ina Vil Fatato simi fo luxan. Nane ve a Mataa Failai e a Memai simi.

Luuk 9:21

Na Yesus a pebukan faagutan nari o ri muta xuus a rabuna pana.

Luuk 9:36

Layaan a ling fo ferawai xapiak ri xalum na Yesus sang mon i taxa waan. A mu fefeng talatul aave, rutul waan kasam sena e lana yaan aave ri pife xuus fatexaas a rabuna pana maana mo ri fo xalume.

A Lagasai Roxo Na Jon A Xaleie 1:41

Nane fe tingin na tina, na Saimon, e xuus malaane, “Maame fo tingin a Mataa Failai, na Messia.”

A Lagasai Roxo Na Jon A Xaleie 1:45

Na Filip fe tingin na Nataaniel e a xuuse, “Nemaam fo tingine xo, nane aava na Moses fo kala sena lana mu vuputkai e lana xakalayan sina mu rabuna ina kuus fatuxai, na Yesus a lak si Yosep ti Nasaret.”

A Lagasai Roxo Na Jon A Xaleie 11:27

E nane suie, “Aang Memai, ne namkai o nano, no Mataa Failai, no Natuna Piran, nane aava i taa savatmaan xe la xavala.”

A Lagasai Roxo Na Jon A Xaleie 20:31

Taasaxa maana mo aava ri waan lana xakalayan aanabe' ne xaleie talo mi taa namkai o na Yesus a Mataa Failai (na Messia) e a Natuna Piran. E layaan mi taa namkai sena mi taa siak a toyan sina lapaana gutan ina isina.

Faisok 2:36

“E voxo, nami mu Israel, mi taa texaas se Yesus aava mi fo niil fataxutane laa'ui xuluna bolo, o a Piran a fa'isine pana ro isin molava paaliu; a Memai e na Mataa Failai.”

1 Jon 2:22

Tamo ta mataa i taa kuus o na Yesus pife Krais, nane ve a mataa vibit. A mataa i taa faaxolusan na Tamataara e a Natuna, a mataa aave ve a xaiyaas si Krais.

1 Jon 5:1

Nase' ta mataa taxa namkai o na Yesus ve na Krais, a mataa aave taxa waan lana fatataganan sina Piran. E nase' ta mataa a vubuxan xasingit na Tamataara, nane i taa vubuxan xasingit a mu rafulak sina sait.