Matiu 14:19 - A Turoxoian Fa'ui Sina Piran

¹⁹ E a xuus a mu rabuna o ri taa nai su' lapia e nane tao a fomirak bret e ro din aave e kaalum xe laa'ui la xunavata e kuus faasiroxo xe sina Piran pana. Nane viak a mu bret e tavai a mu fefeng sina pana e nari, ri tavai a mu rabuna pana.

Kara

¹⁹ E a xuus a mu rabuna o ri taa nai su' lapia e nane tao a fomirak bret e ro din aave e kaalum xe laa'ui la xunavata e kuus faasiroxo xe sina Piran pana. Nane viak a mu bret e tavai a mu fefeng sina pana e nari, ri tavai a mu rabuna pana.

Matiu 14:19 ပူးပေါင်းရင်းမြစ်များ

Matiu 14:18

E nane xuus nari, “Lisanmaane.”

Maak 6:39

Na Yesus a xuus a malila o ri taa nai faxuvul lapia.

Maak 6:41

E nane siak a bret pama e din taragua e nane kaalum xe laa'ui la xunavata e fenung pana fanganan. Nane viak a bret e taxa lo tavai a mu fefeng pana xena fepatoxanaana xe sina rabuna. E a viak tavai nari pana ro din sait.

Maak 7:34

E nane kaalum xe laa'ui la xunavata e maagus e kuus, “Efefaata!” (A malasuf ina: talakas)

Luuk 22:17

E mui na Yesus a siak a lisa e fenung xe sina Piran pana e a kuus, “Siak a lisa ina wain aanabe' e fepatoxane la palou imi.

Luuk 22:19

E mui nane siak a nebret e fenung xe sina Piran pana e viaxe e tavai nari pana e a kuus, “Nabe' ve a vipin siak aava ne taxa tatavai pana xami. Usi a vilaana aanabe' xena lamon fa'uliau.”

Luuk 24:30

Layaan nane taxa nai xo xuvul pare la ivin, nane siak a bret e fenung pana e viaxe e a tavai nare pana.

Luuk 9:14

(Faasilak a mu rabuna tomexaan 5,000 ri taxa waan pave la noyaan aave.) Taasaxa nane xuus a mu fefeng sina, “Fanei fepatoxan nari lana maana xuvulaian ina rabuna sangafilu pama.”

Luuk 9:16

Nane siak a fomirak bret pama e a ro din e a kaalum xe laa'ui la xunavata e kuus faasiroxo xe sina Piran pana e viaxe. E a tavai a mu fefeng sina pana, xena fepatoxanaana la palou iri.

A Lagasai Roxo Na Jon A Xaleie 11:41

E voxo ri pul tapin a faat e na Yesus a kaalum xe laa'ui e kuus, “Tamaang, ne kuus faasiroxo xe siim senaso no fo langaiau.

A Lagasai Roxo Na Jon A Xaleie 6:23

Xasano xaati ti Taibirius ri savat xe la bina aapave; a bina aave a malila fo ngan a bret aava Memai fo fenung xuluna

Faisok 27:35

E mui na Pol a siak a saxa nebret e fenung xe sina Piran pana la matari. A viaxe e fangan.

A Si Pol Lagasai Xe Sina Mu Rom 14:6

Layaan a mataa a lamon faati pana saxa yaan a molava, lavaxa a vile xena nangus a Piran. E nase' ngan a meska, a ngane xena kuus fati a isina Piran. Taara texaas sena tuunayan ina senaso a kuus faasiroxo xe sina Piran pana fanganan sina. E saxa aava pife ngan a meska, a pife ngane xena kuus fati a isina Piran e nane sait a kuus faasiroxo xe sina Piran pana fanganan sina.

1 Korin 10:16

E sena lisa aava taara num lana la matafanganai sina Memai, taara kuus faasiroxo xe sina Piran pana e layaan taara num lana, taara taxa femiraaxan a ria i Krais. E sena bret aava taara viaxe, layaan taara ngane taara taxa femiraaxan a vipin si Krais.

1 Korin 10:31

E voxo a so ta mo mi vile, tamo mi num o fangan, mi taa vil a maana mo xapiak xena tavai a Piran pana isin lava.

1 Korin 11:24

e a kuus faasiroxo xe sina Piran pana e mui a viaxe e a kuus, “A bret aanabe' ve a vipin siak xami. Vile malaanabe' xena lamon fa'uliau.”

Kolaasi 3:17

E a so ta mo mi vile, tamo mi ferawai o faisok, mi taa vile lapaana isi Memai Yesus e mi taa kuus faasiroxo pana xe sina Piran.